ಸ್ಮಾರ್ಟ್​ಫೋನ್​ ಪ್ರಿಯರಿಗೆ ಸಿಹಿ ಸುದ್ದಿ: ಈ ವರ್ಷದ ಕೊನೆ ತಿಂಗಳಲ್ಲಿ ಬಿಡುಗಡೆಯಾಗುವ ಫೋನ್​ಗಳು ಯಾವುವು ಗೊತ್ತಾ?

Upcoming Smartphones in December: ಡಿಸೆಂಬರ್‌ನಲ್ಲಿ ಹೊಸ ಸ್ಮಾರ್ಟ್‌ಫೋನ್‌ಗಳ ಬಿಡುಗಡೆಯ ಸದ್ದು ಜೋರಾಗಿಯೇ ಕೇಳಿಬರುತ್ತಿದೆ. ಐಕ್ಯೂ 13, ಒನ್​ ಪ್ಲಸ್​ 13 ಸೇರಿದಂತೆ ಅನೇಕ ಮಾಡೆಲ್​ಗಳು ಲಗ್ಗೆ ಇಡುತ್ತಿವೆ.

Upcoming Smartphones in December:ಇತ್ತೀಚೆಗೆ ಸ್ನಾಪ್‌ಡ್ರಾಗನ್ 8 ಎಲೈಟ್ ಚಿಪ್‌ಸೆಟ್‌ನೊಂದಿಗೆ 'ರಿಯಲ್​ಮಿ ಜಿಟಿ 7 ಪ್ರೊ' ಮೊಬೈಲ್ ಭಾರತೀಯ ಮಾರುಕಟ್ಟೆಗೆ ಲಗ್ಗೆಯಿಟ್ಟಿರುವ ವಿಚಾರ ಗೊತ್ತಿರುವುದೇ.. ಈ ಪ್ರೊಸೆಸರ್‌ನೊಂದಿಗೆ ದೇಶೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಮೊದಲ ಸ್ಮಾರ್ಟ್‌ಫೋನ್ ಇದಾಗಿದೆ. ಈಗ ಅದೇ ಚಿಪ್‌ಸೆಟ್ ಹೊಂದಿರುವ ಹೆಚ್ಚಿನ ಸ್ಮಾರ್ಟ್‌ಫೋನ್‌ಗಳು ಈ ತಿಂಗಳು ಪ್ರವೇಶಿಸಲು ಸಿದ್ಧವಾಗಿವೆ. ಈ ಫ್ಲ್ಯಾಗ್‌ಶಿಪ್ ಮೊಬೈಲ್‌ಗಳ ಜೊತೆಗೆ ಟೆಕ್ನೋದಿಂದ ಫೋಲ್ಡಬಲ್ ಫೋನ್‌ಗಳು ಸಹ ಇದೇ ಡಿಸೆಂಬರ್‌ನಲ್ಲಿ ಬಿಡುಗಡೆಯಾಗುತ್ತಿರುವುದು ಗಮನಾರ್ಹ..

ಈ ವರ್ಷದ ಕೊನೆಯ ತಿಂಗಳಲ್ಲಿ ಪೊಕೊದಿಂದ ಹೊಸ ಫೋನ್ ಕೂಡ ಬಿಡುಗಡೆಯಾಗಬಹುದು. ಇವುಗಳ ಜೊತೆಗೆ ಅನೇಕ ಇತರ ಸ್ಮಾರ್ಟ್‌ಫೋನ್‌ಗಳು ಡಿಸೆಂಬರ್ 2024 ರಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತವೆ. ಈ ಹಿನ್ನೆಲೆ ಡಿಸೆಂಬರ್ 2024 ರಲ್ಲಿ ಬಿಡುಗಡೆಯಾಗಲಿರುವ ಮೊಬೈಲ್‌ಗಳು ಮತ್ತು ಅವುಗಳ ವೈಶಿಷ್ಟ್ಯಗಳ ಕುರಿತು ಹೆಚ್ಚಿನ ವಿವರಗಳು ಇಲ್ಲಿವೆ..

1. ಐಕ್ಯೂ 13:ಸ್ನಾಪ್‌ಡ್ರಾಗನ್ 8 ಎಲೈಟ್ ಪ್ರೊಸೆಸರ್ ಹೊಂದಿರುವ 'ಐಕ್ಯೂ 13' ಮೊಬೈಲ್ ಡಿಸೆಂಬರ್ 3 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ. AnTuTu ನಲ್ಲಿ ಫೋನ್ 3 ಮಿಲಿಯನ್‌ಗಿಂತಲೂ ಹೆಚ್ಚು ಗಳಿಸಿದೆ. ಫೋನ್ 6,000mAh ಬ್ಯಾಟರಿ ಹೊಂದಿದೆ. ಇದು 120W ವೇಗದ ಚಾರ್ಜಿಂಗ್ ಅನ್ನು ಸಪೋರ್ಟ್​ ಮಾಡುತ್ತದೆ. ವಾಟರ್​ ಮತ್ತು ಡಸ್ಟ್​ ರೆಸಿಸ್ಟನ್ಸಿಗಾಗಿ ಫೋನ್ IP68 ಮತ್ತು IP69 ರೇಟಿಂಗ್‌ಗಳನ್ನು ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಇತರ ವೈಶಿಷ್ಟ್ಯಗಳು:

• ಡಿಸ್​​ಪ್ಲೇ: 6.82-ಇಂಚಿನ BOE Q10 LTPO AMOLED
• ರೆಸಲ್ಯೂಶನ್: 2K
• ರಿಫ್ರೆಶ್ ರೇಟ್​: 144Hz
• ಬ್ರೈಟ್​ನೆಸ್​: 4,500 ನಿಟ್ಸ್

ಕ್ಯಾಮೆರಾ ಸೆಟಪ್: ಫೋನ್ 50MP ಸೋನಿ IMX921 ಪ್ರಾಥಮಿಕ ಕ್ಯಾಮೆರಾದೊಂದಿಗೆ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ. 50MP 3x ಟೆಲಿಫೋಟೋ ಲೆನ್ಸ್ ಜೊತೆಗೆ 50MP ಅಲ್ಟ್ರಾ-ವೈಡ್ - ಆಂಗಲ್ ಕ್ಯಾಮೆರಾ ಹೊಂದಿದೆ. ಇದು ಮುಂಭಾಗದಲ್ಲಿ 32MP ಕ್ಯಾಮೆರಾವನ್ನು ಹೊಂದಿರಬಹುದು.

2. 'ವಿವೋ ಎಕ್ಸ್​200' ಸೀರಿಸ್​:ಕಂಪನಿಯು 'ವಿವೋ ಎಕ್ಸ್​200' ಸೀರಿಸ್​ನ ಬಿಡುಗಡೆ ಅಧಿಕೃತವಾಗಿ ಘೋಷಿಸಿಲ್ಲ. ಆದರೆ, ಇದೇ ಡಿಸೆಂಬರ್​ನಲ್ಲಿ ಭಾರತದ ಮಾರುಕಟ್ಟೆ ಪ್ರವೇಶಿಸಲಿದೆಯಂತೆ. 'ವಿವೋ ಎಕ್ಸ್​200' MediaTek 9400 ಪ್ರೊಸೆಸರ್‌ನೊಂದಿಗೆ ಬರಲಿದೆಯಂತೆ. ಇದು 16GB ಯ LPDDR5X RAM ಮತ್ತು 512GB ವರೆಗಿನ UFS 4.0 ಸ್ಟೋರೇಜ್​ ಹೊಂದಿದೆ ಎಂದು ಹೇಳಲಾಗುತ್ತದೆ.

ಈ ಸೀರಿಸ್​ ಬಿಡುಗಡೆಯಾದರೆ, 'ವಿವೋ ಎಕ್ಸ್​200' ಮತ್ತು 'ವಿವೋ ಎಕ್ಸ್​200 ಪ್ರೊ' ಎಂಬ ಎರಡು ಮಾಡೆಲ್​ಗಳು ಹೊಂದಿರಬಹುದು. ಇವುಗಳಲ್ಲಿ, 'ವಿವೋ ಎಕ್ಸ್​200' 50MP ಸೋನಿ IMX882 ಟೆಲಿಮ್ಯಾಕ್ರೋ 3x ಸೆನ್ಸಾರ್​ನೊಂದಿಗೆ ಬರಬಹುದು. 'ವಿವೋ ಎಕ್ಸ್​200 ಪ್ರೊ' ಮಾಡೆಲ್​ 3.7x ಆಪ್ಟಿಕಲ್ ಜೂಮ್‌ನೊಂದಿಗೆ 200MP ಸ್ಯಾಮ್‌ಸಂಗ್ HP9 ಟೆಲಿಮ್ಯಾಕ್ರೋ ಸೆನ್ಸಾರ್​ ಹೊಂದಿರಬಹುದು. ಆದರೂ, ಎರಡೂ ಫೋನ್‌ಗಳು ಒಂದೇ 50MP ಅಲ್ಟ್ರಾ-ವೈಡ್ ಕ್ಯಾಮೆರಾ ಮತ್ತು 32MP ಫ್ರಂಟ್ ಕ್ಯಾಮೆರಾದೊಂದಿಗೆ ಬರುತ್ತವೆ ಎಂದು ತೋರುತ್ತದೆ.

3. ಒನ್​ಪ್ಲಸ್​ 13: 'ಒನ್​ಪ್ಲಸ್​ 13' ಸ್ಮಾರ್ಟ್‌ಫೋನ್ ಭಾರತದಲ್ಲಿ ಡಿಸೆಂಬರ್‌ನಲ್ಲಿ ಬಿಡುಗಡೆಯಾಗಲಿದೆ. ಒಪ್ಪೊನ ಉಪ-ಬ್ರಾಂಡ್ ಆಗಿರುವ ಕಂಪನಿಯು ಈ ಹೊಸ ಸ್ಮಾರ್ಟ್‌ಫೋನ್‌ನೊಂದಿಗೆ 'ಒನ್​ಪ್ಲಸ್​ 13ಆರ್​' ಮತ್ತು 'ಒನ್​​ಪ್ಲಸ್​ 3' ಅನ್ನು ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ಫೀಚರ್​ಗಳು:

• ಡಿಸ್​ಪ್ಲೇ: 6.82 ಇಂಚಿನ BOE X2 AMOLED
• ರೆಸಲ್ಯೂಶನ್: 2K
• ಬ್ರೈಟ್​ನೆಸ್​: 4,500 ನಿಟ್ಸ್
• ಪ್ರೊಸೆಸರ್: ಸ್ನಾಪ್ಡ್ರಾಗನ್ 8 ಎಲೈಟ್ ಪ್ರೊಸೆಸರ್

ಕ್ಯಾಮೆರಾ ಸೆಟಪ್: ಈ ಒನ್​ಪ್ಲಸ್​ ಪ್ರಮುಖ ಸ್ಮಾರ್ಟ್‌ಫೋನ್ ಅಲ್ಟ್ರಾಸಾನಿಕ್ ಫಿಂಗರ್‌ಪ್ರಿಂಟ್ ಸೆನ್ಸಾರ್​ ಹೊಂದಿರಬಹುದು. ಈ ಫೋನ್ ವಾಟರ್​ ರೆಸಿಸ್ಟನ್ಸಿಗಾಗಿ IP68 ಮತ್ತು IP69 ರೇಟಿಂಗ್‌ಗಳನ್ನು ಹೊಂದಿರುತ್ತದೆ ಎಂದು ತೋರುತ್ತದೆ.

4. ಟೆಕ್ನೋ 'ಫ್ಯಾಂಟನ್ ವಿ ಫೋಲ್ಡ್ 2' ಮತ್ತು 'ಫ್ಯಾಂಟಮ್ ವಿ ಫ್ಲಿಪ್ 2': ಟೆಕ್ನೋ ಮುಂದಿನ ತಿಂಗಳು ಭಾರತದಲ್ಲಿ 'ಟೆಕ್ನೋ ಫ್ಯಾಂಟಮ್ ವಿ ಫೋಲ್ಡ್ 2' ಮತ್ತು 'ಫ್ಯಾಂಟಮ್ ವಿ ಫ್ಲಿಪ್ 2' ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಲಿದೆ ಎಂದು ಕೆಲವು ವರದಿಗಳು ಬಹಿರಂಗಪಡಿಸಿವೆ. 'ಟೆಕ್ನೋ ಫ್ಯಾಂಟಮ್ ವಿ ಫ್ಲಿಪ್ 2' ಮಾಡೆಲ್​ ಇತ್ತೀಚೆಗೆ ಬಿಡುಗಡೆಯಾದ 'ಇನ್ಫಿನಿಕ್ಸ್ ಝೀರೋ ಫ್ಲಿಪ್' ಮೊಬೈಲ್‌ನ ರಿಬ್ಯಾಡ್ಜ್ ಮಾಡಲಾದ ರೂಪಾಂತರವಾಗಿರಬಹುದು. 'ಫ್ಯಾಂಟಮ್ ವಿ ಫ್ಲಿಪ್ 2' ಮೊಬೈಲ್ 6.9-ಇಂಚಿನ ಪೂರ್ಣ HD+ LTPO AMOLED ಪ್ರಾಥಮಿಕ ಡಿಸ್​ಪ್ಲೇ ಮತ್ತು 3.64-ಇಂಚಿನ AMOLED ಎಕ್ಸ್​ಟರ್ನಲ್​ ಡಿಸ್​ಪ್ಲೇ ಹೊಂದಿದೆ.

ಫ್ಯಾಂಟಮ್ V ಫೋಲ್ಡ್ 2 7.85-ಇಂಚಿನ LTPO AMOLED ಮೇನ್​ ಡಿಸ್​ಪ್ಲೇ ಮತ್ತು 6.42-ಇಂಚಿನ LTPO AMOLED ಎಕ್ಸ್​ಟರ್ನಲ್​ ಡಿಸ್​ಪ್ಲೇ ಹೊಂದಿದೆ. ಇದು MediaTek Dimension 9000+ ಪ್ರೊಸೆಸರ್‌ನೊಂದಿಗೆ ಬರಲಿದೆ. 'ಫ್ಲಿಪ್ 2' ಮೊಬೈಲ್ ಮೀಡಿಯಾ ಟೆಕ್ ಡೈಮೆನ್ಶನ್ 8020 ಪ್ರೊಸೆಸರ್‌ನಿಂದ ಚಾಲಿತವಾಗಲಿದೆ.

5. ಪೊಕೊ ಎಫ್​7:ಪೊಕೊ ತನ್ನ 'ಎಫ್​' ಸೀರಿಸ್​ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲು ಸಿದ್ಧವಾಗಿದೆ. 'ಪೊಕೊ ಎಫ್​7' BIS ವೆಬ್‌ಸೈಟ್‌ನಲ್ಲಿ ಮಾದರಿ ಸಂಖ್ಯೆ 2412DPC0AI ಜೊತೆಗೆ ಪ್ರಮಾಣೀಕರಣವನ್ನು ಪಡೆದುಕೊಂಡಿದೆ. ಆದ್ರೆ ಈ ಫೋನ್‌ನ ವೈಶಿಷ್ಟ್ಯಗಳ ಬಗ್ಗೆ ಯಾವುದೇ ಮಾಹಿತಿಯನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ.

ಓದಿ:ಚಾನಲ್​ಗಳ ಸುಧಾರಣೆಗೆ ಹೊಸ ಮಾರ್ಗ ಕಂಡುಕೊಳ್ಳುತ್ತಿರುವ ವಾಟ್ಸ್​​ಆ್ಯಪ್​​: ಈ ಫೀಚರ್​ನ ಕಾರ್ಯ ಹೇಗಿದೆ ಗೊತ್ತಾ?