ಸನ್‌ರೂಫ್, ಸಿಕ್ಸ್​ ಏರ್‌ಬ್ಯಾಗ್ಸ್​, ಅತ್ಯುತ್ತಮ ಮೈಲೇಜ್​: ಕೇವಲ 8 ಲಕ್ಷ ರೂಪಾಯಿಗಳಿಗೆ ಲಭ್ಯ ಈ ಕಾರುಗಳು!

Cars Under 8 Lakh: ನೀವು 8 ಲಕ್ಷ ರೂಪಾಯಿಯ ವ್ಯಾಪ್ತಿಯಲ್ಲಿ ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿರುವ ಕಾರು ಖರೀದಿಸಲು ಬಯಸಿದರೆ.. ಅದರ ಬಗ್ಗೆ ಇಲ್ಲಿದೆ ಫುಲ್​ ಡಿಟೇಲ್ಸ್​​.

Cars Under 8 Lakh:ಈಗಿನ ಕಾಲದಲ್ಲಿ ಬಹುತೇಕರು ತಮ್ಮ ಮನೆಯಲ್ಲಿ ಕಾರೊಂದು ಇರಬೇಕು ಎಂಬ ಆಸೆ ಹೊಂದಿದ್ದಾರೆ. ಕಾರು ಖರೀದಿಸುವುದು ಅಂದ್ರೆ ಅದೊಂದು ಸಾಮಾನ್ಯ ಕೆಲಸವಲ್ಲ. ಹೊಸ ಕಾರು ಖರೀದಿಸುವ ಮೊದಲು ನಾವು ಅದರ ವೈಶಿಷ್ಟ್ಯಗಳು, ಕಾರಿನ ಮೈಲೇಜ್​, ಔಟ್​ ಮತ್ತು ಇನ್​ ಲುಕ್​ ಸೇರಿದಂತೆ ಇನ್ನಿತರ ಕುರಿತು ತಿಳಿದುಕೊಳ್ಳಬೇಕು. ಅಷ್ಟೇ ಅಲ್ಲ ಇವೆಲ್ಲವನ್ನೂ ಒಳಗೊಂಡಿರುವ ಕಾರು ಕೇವಲ ಕೈಗೆಟುಕುವ ದರದಲ್ಲಿ ನಮಗೆ ಲಭ್ಯವಾಗಬೇಕು ಎಂಬುದು ನಮ್ಮ ಆಲೋಚನೆಯಾಗಿರುತ್ತದೆ. ಅದಕ್ಕಾಗಿ ನಾವು ಸೆಫ್ಟಿ, ಫೀಚರ್​ ಮತ್ತು ಮೈಲೇಜ್​ ನೀಡುವಂತಹ ಕೆಲ ವಾಹನಗಳ ಲಿಸ್ಟ್​ ಕೊಟ್ಟಿದ್ದೇವೆ. ಈ ಕಾರುಗಳು ಕೇವಲ 8 ಲಕ್ಷ ರೂಪಾಯಿಗಳೊಳಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಸದ್ಯ ಈ ಕಾರುಗಳ ಬಗ್ಗೆ ತಿಳಿದುಕೊಳ್ಳೋಣ ಬನ್ನಿ..

ಟಾಟಾ ನೆಕ್ಸಾನ್:ಟಾಟಾ ನೆಕ್ಸಾನ್ 5500 ಸಿಸಿ ಎಂಜಿನ್ ಹೊಂದಿದೆ. ಈ ಎಂಜಿನ್​ ಜೊತೆ ಈ ಕಾರು 88.2 ಪಿಎಸ್ ಪವರ್ ನೀಡುತ್ತದೆ ಮತ್ತು 170 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಕಾರು 382 ಲೀಟರ್ ಬೂಟ್ ಸ್ಪೇಸ್‌ನೊಂದಿಗೆ ಬರುತ್ತದೆ. ಈ ಟಾಟಾ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಎರಡರಲ್ಲೂ ಲಭ್ಯವಿದೆ. ಈ ವಾಹನವು 17 ರಿಂದ 24 kmpl ಮೈಲೇಜ್ ನೀಡುತ್ತದೆ.

ಈ ಟಾಟಾ ಕಾರಿಗೆ ಸುರಕ್ಷತೆಗಾಗಿ 6 ​​ಏರ್‌ಬ್ಯಾಗ್‌ಗಳನ್ನು ನೀಡಲಾಗಿದೆ. ಗ್ಲೋಬಲ್ ಎನ್‌ಸಿಎಪಿಯ ಕ್ರ್ಯಾಶ್ ಟೆಸ್ಟ್‌ನಲ್ಲಿ ಈ ಕಾರು 5 - ಸ್ಟಾರ್ ಸುರಕ್ಷತಾ ರೇಟಿಂಗ್ ಸಹ ಪಡೆದುಕೊಂಡಿದೆ. ಈ ಕಾರು ಎಲೆಕ್ಟ್ರಿಕ್ ಸನ್‌ರೂಫ್ ಸಹ ಹೊಂದಿದೆ. ಟಾಟಾ ನೆಕ್ಸಾನ್‌ನ ಎಕ್ಸ್ ಶೋ ರೂಂ ಬೆಲೆ ರೂ 7.99 ಲಕ್ಷದಿಂದ ಪ್ರಾರಂಭವಾಗುತ್ತದೆ.

ಮಹೀಂದ್ರ XUV 3XO: ಮಹೀಂದ್ರಾ XUV 3XO ಸಹ ಬಜೆಟ್ ಸ್ನೇಹಿ ಕಾರು. ಈ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಎರಡರಲ್ಲೂ ಲಭ್ಯವಿದೆ. ಈ ಕಾರಿನಲ್ಲಿ ಅಳವಡಿಸಲಾಗಿರುವ ಡೀಸೆಲ್ ಎಂಜಿನ್ 86 kW ಪವರ್ ಮತ್ತು 300 Nm ಟಾರ್ಕ್ ಉತ್ಪಾದಿಸುತ್ತದೆ. ಆದರೆ, ಪೆಟ್ರೋಲ್ ಎಂಜಿನ್‌ನಿಂದ ಈ ಕಾರು 96 kW ಪವರ್ ನೀಡುತ್ತದೆ ಮತ್ತು 230 Nm ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರು 18 ರಿಂದ 21 kmpl ಮೈಲೇಜ್​ವರೆಗೆ ನೀಡುತ್ತದೆ.

ಮಹೀಂದ್ರಾದ ಈ ಕಾರು 2024 ರಲ್ಲಿ ಭಾರತೀಯ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿದೆ. ಈ ಕಾರು ಇತ್ತೀಚೆಗೆ ಭಾರತ್ ಎನ್‌ಸಿಎಪಿಯಿಂದ ಕ್ರ್ಯಾಶ್ ಟೆಸ್ಟ್‌ನಲ್ಲಿ 5 - ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಈ ವಾಹನದ ಎಲ್ಲ ರೂಪಾಂತರಗಳಲ್ಲಿ 6 ಏರ್‌ಬ್ಯಾಗ್‌ಗಳನ್ನು ಒದಗಿಸಲಾಗಿದೆ. ಮಹೀಂದ್ರಾ ವಾಹನದಲ್ಲಿ ಸ್ಕೈರೂಫ್ ವೈಶಿಷ್ಟ್ಯವನ್ನು ಸಹ ಸೇರಿಸಲಾಗಿದೆ. ಮಹೀಂದ್ರಾ XUV 3XO ನ ಎಕ್ಸ್ ಶೋ ರೂಂ ಬೆಲೆ ರೂ 7.79 ಲಕ್ಷದಿಂದ ಪ್ರಾರಂಭವಾಗುತ್ತದೆ.

ಮಾರುತಿ ಡಿಸೈರ್​: ಮಾರುತಿ ಡಿಸೈರ್‌ನ ಅಪ್​ಡೇಟ್ಡ್​ ಮಾದರಿಯನ್ನು ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಕಾರು ಮಾರುಕಟ್ಟೆಯಲ್ಲಿ ಏಳು ಬಣ್ಣಗಳಲ್ಲಿ ಲಭ್ಯವಿದೆ. ಸುರಕ್ಷತೆಗಾಗಿ ಈ ಕಾರಿಗೆ 6 ಏರ್‌ಬ್ಯಾಗ್‌ಗಳನ್ನು ನೀಡಲಾಗಿದೆ. ಹೊಸ ಡಿಸೈರ್ ಕ್ರ್ಯಾಶ್ ಟೆಸ್ಟ್‌ನಲ್ಲಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದ ಮಾರುತಿಯಿಂದ ಮೊದಲ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಮಾರುತಿಯ ಈ ಕಾರಿನಲ್ಲಿ ಸನ್‌ರೂಫ್ ಕೂಡ ನೀಡಲಾಗಿದೆ.

ಮಾರುತಿಯ ಕಾರು 1.2-ಲೀಟರ್ Z-ಸರಣಿ ಎಂಜಿನ್ ಹೊಂದಿದೆ. ಇದರೊಂದಿಗೆ ಈ ಕಾರು ಸಿಎನ್‌ಜಿಯಲ್ಲಿಯೂ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಮಾರುತಿ ಡಿಜೈರ್ ಪೆಟ್ರೋಲ್ ರೂಪಾಂತರದಲ್ಲಿ 24.79 kmpl ಮೈಲೇಜ್ ನೀಡುತ್ತದೆ ಮತ್ತು ಅದರ CNG ವಾಹನವು 33.73 km/kg ಮೈಲೇಜ್ ನೀಡುವುದಾಗಿ ಹೇಳಿಕೊಂಡಿದೆ. ಹೊಸ ಡಿಸೈರ್‌ನ ಎಕ್ಸ್ ಶೋ ರೂಂ ಬೆಲೆ ರೂ.6.79 ಲಕ್ಷದಿಂದ ಆರಂಭವಾಗುತ್ತದೆ.

ಓದಿ:ಈ ತಿಂಗಳಲ್ಲಿ ದೇಶಿಯ ಮಾರುಕಟ್ಟೆಗೆ ಲಗ್ಗೆಯಿಡಲಿವೆ ಈ ಪವರ್​ಫುಲ್ SUV ಕಾರುಗಳು!