ಹೈದರಾಬಾದ್: ಭಾರತದ ಮಾರುಕಟ್ಟೆ ಪ್ರವೇಶಿಸಲು ಸಜ್ಜಾಗಿರುವ ವಿಶ್ವದ ಶ್ರೀಮಂತ ಉದ್ಯಮಿ ಎಲಾನ್ ಮಸ್ಕ್ಗೆ ಎಲಾನ್ ಭಾಯ್ (ಅಣ್ಣ) ಎಂದು ಹೆಸರು ಬದಲಾಯಿಸಿಕೊಳ್ಳಿ ಎಂದು ಲಂಡನ್ ಮೂಲದ ಎಲೆಕ್ಟ್ರಾನಿಕ್ ಬ್ರಾಂಡ್ ನಥಿಂಗ್ ಸಿಇಒ ಕಾರ್ಲ್ಪೀ ಸಲಹೆ ನೀಡಿದ್ದಾರೆ.
ವಿಶೇಷ ಎಂದರೆ ಪೀ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬಳಕೆದಾರ ಹೆಸರನ್ನು ಬದಲಾಯಿಸಿಕೊಂಡ ಬಳಿಕ ತಮಾಷೆಯಾಗಿ ಈ ರೀತಿ ಎಲಾನ್ ಮಸ್ಕ್ಗೆ ಕಾಲೆಳೆದಿದ್ದಾರೆ. ಭಾರತದಲ್ಲಿ ಮುಂದಿನ ದಿನದಲ್ಲಿ ಟೆಸ್ಲಾ ಫ್ಯಾಕ್ಟರಿ ಆರಂಭಿಸುವುದಾಗಿ ತಿಳಿಸಿರುವ ಎಲಾನ್ ಮಸ್ಕ್, ತಮ್ಮ ಹೆಸರನ್ನು ಎಲಾನ್ ಭಾಯ್ ಎಂದು ಬದಲಾಯಿಸಿಕೊಳ್ಳಬೇಕು ಎಂದಿದ್ದಾರೆ.
ಈ ಕುರಿತು ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಪೀ, ಎಲಾನ್ ಮಸ್ಕ್ ನೀವು ಹೆಸರನ್ನು ಬದಲಾಯಿಸದೆ ಭಾರತದಲ್ಲಿ ಟೆಸ್ಲಾ ಫ್ಯಾಕ್ಟರಿ ನಿರ್ಮಾಣ ಮಾಡುತ್ತಿದ್ದೀರಾ ಎಂದು ಪ್ರಶ್ನಿಸಿದ್ದಾರೆ.
ನಥಿಂಗ್ ಫೋನ್ (2ಎ) ಅನ್ನು ಭಾರತದ ಮಾರುಕಟ್ಟೆ ಜೊತೆಗೆ ಜಾಗತಿಕ ಮಾರುಕಟ್ಟೆಗೆ ಇದೇ ಮಾರ್ಚ್ 5ರಂದು ಪರಿಚಯಿಸಲು ಪೀ ಮುಂದಾಗಿದ್ದಾರೆ. ವರದಿ ಪ್ರಕಾರ ಈ ಫೋನ್ ಜಾಹೀರಾತಿಗೆ ರಣವೀರ್ ಸಿಂಗ್ ಅವರನ್ನು ಸಂಸ್ಥೆ ಆಯ್ಕೆ ಮಾಡಿದೆ.
ಅಷ್ಟೇ ಅಲ್ಲದೇ, ಎಕ್ಸ್ನಲ್ಲಿ ನಥಿಂಗ್ ಇಂಡಿಯಾ ಹೆಸರನ್ನು ನಂಥಿಂಗ್ ಇಂಡಿಯಾ ಭಾಯ್ ಎಂದು ಬದಲಾಯಿಸಲಾಗಿದೆ. ಅಲ್ಲದೇ ಕಾರ್ಲ್ ಕೂಡ ಕಾರ್ಲ್ ಭಾಯ್ ಎಂದು ಬದಲಾಯಿಸಿದ್ದಾರೆ. ಈ ಮೂಲಕ ಭಾರತದ ಮಾರುಕಟ್ಟೆಯಲ್ಲಿ ತಂತ್ರಗಾರಿಕೆ ನಡೆಸುವ ಮೂಲಕ ಎಲ್ಲರ ಆಕರ್ಷಣೆಯನ್ನು ಪಡೆದಿದೆ.
ಪೀ ಅವರ ಟ್ವೀಟ್ಗೆ ಪ್ರತಿಕ್ರಿಯಿಸಿರುವ ಬಳಕೆದಾರರೊಬ್ಬರು, ಎಲಾನ್ ಅಣ್ಣ ಭಾರತದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದಿದ್ದಾರೆ. ಒಂದು ವೇಳೆ ಅವರು ಭಾರತದಲ್ಲಿ ಚುನಾವಣೆಗೆ ನಿಂತರೂ ನಿಸ್ಸಾಂಶವಾಗಿ ಗೆಲ್ಲುತ್ತಾರೆ ಎಂದಿದ್ದಾರೆ. ಮತ್ತೊಬ್ಬರು ಇದು ಹೆಸರು ಬದಲಾಯಿಸಲು ಇದು ಸರಿಯಾದ ಸಮಯ ಎಂದಿದ್ದಾರೆ.
ಮತ್ತೊಬ್ಬ ಬಳಕೆದಾರ ಟೆಸ್ಲಾ ಗುಜರಾತ್ಗೆ ಹೋದರೆ ಎಲಾನ್ ಭಾಯ್, ಮಹಾರಾಷ್ಟ್ರವಾದರೆ ಎಲಾನ್ ಭಾವು, ತೆಲಂಗಾಣವಾದರೆ ಎಲಾನ್ ಗಾರು, ಹರಿಯಾಣವಾದರೆ ಎಲಾನ್ ಟೌ, ಪಂಜಾಬ್ ನಂತರ ಎಲಾನ್ ಪಾಜಿ, ತಮಿಳುನಾಡಿನಲ್ಲಿ ಎಲಾನ್ ಅಣ್ಣಾ, ಪಶ್ಚಿಮ ಬಂಗಾಳವಾದರೆ ಎಲಾನ್ ದಾದಾ ಎಂದು ಬದಲಾಯಿಸಬೇಕು ಎಂದಿದ್ದಾರೆ.
ಬ್ಲೂ ಬರ್ಗ್ ಸುದ್ದಿ ಸಂಸ್ಥೆ ಕಳೆದ ಡಿಸೆಂಬರ್ನಲ್ಲಿ ವರದಿ ಮಾಡಿದಂತೆ, 2024ಕ್ಕೆ ಭಾರತಕ್ಕೆ ಎಲೆಕ್ಟ್ರಾನಿಕ್ ಕಾರಿನ ಪೂರೈಕೆ ನಡೆಸಲಿದ್ದು, ಮುಂದಿನ ಎರಡು ವರ್ಷದೊಳಗೆ ದೇಶದಲ್ಲಿಯೇ ಟೆಸ್ಲಾ ಎಲೆಕ್ಟ್ರಾನಿಕ್ ಕಾರುಗಳ ತಯಾರಿಕಾ ಫ್ಯಾಕ್ಟರಿ ನಿರ್ಮಾಣ ಮಾಡುವ ಮಾತುಕತೆ ಮುಗಿದಿದೆ. (ಐಎಎನ್ಎಸ್)
ಇದನ್ನೂ ಓದಿ: GPT ಪದಕ್ಕೆ ಪೇಟೆಂಟ್ ನೀಡಲಾಗದು': Open AI ಅರ್ಜಿ ತಿರಸ್ಕರಿಸಿದ ಟ್ರೇಡ್ಮಾರ್ಕ್ ಕಚೇರಿ
