ಕೊನೆಗೂ ದೇಶಿಯ ಮಾರುಕಟ್ಟೆಗೆ ಕಾಲಿಟ್ಟ ಸವೆನ್​ ಸೀಟರ್​ ಕಿಯಾ ಸಿರೋಸ್: ಪ್ರಿಮಿಯಂ ಲುಕ್​, ಸೂಪರ್ ಫೀಚರ್ಸ್​

Kia Syros Launched: ಕೊನೆಗೂ ಕಿಯಾ ಸಿರೋಸ್ ದೇಶಿಯ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ. ಕಿಯಾ ಸಿರೋಸ್ ಭಾರತದಲ್ಲಿ ಕಂಪನಿಯ ಐದನೇ SUV ಆಗಿದೆ. 7 ಸೀಟರ್​ನ ಈ ಕಾರಿನ ವೈಶಿಷ್ಟ್ಯಗಳ ಬಗ್ಗೆ ಮಾಹಿತಿ ಇಲ್ಲಿದೆ..

Kia Syros Launched in India:ಕೊನೆಗೂ ಕಿಯಾ ಮೋಟಾರ್ಸ್ ದೇಶಿಯ ಮಾರುಕಟ್ಟೆಗೆ ತನ್ನ ಬಹು ನಿರೀಕ್ಷಿತ ಸವೆನ್ ಸೀಟರ್​​ ಸಿರೋಸ್ ಅನ್ನು ಪರಿಚಯಿಸಿದೆ. ಇದು ಸಬ್​ 4m SUV ಆಗಿದ್ದು, ಸೋನೆಟ್‌ಗಿಂತ ಸ್ವಲ್ಪ ದೊಡ್ಡದಾಗಿದೆ. ಆದರೆ ಸೆಲ್ಟೋಸ್‌ಗಿಂತ ಹೆಚ್ಚಿನ ಸ್ಥಳವನ್ನು ಹೊಂದಿದೆ. Kia Sciros ನ ಡಿಲಿವೆರಿಗಳು ಮುಂದಿನ ವರ್ಷ ಫೆಬ್ರವರಿಯಲ್ಲಿ ಪ್ರಾರಂಭವಾಗಲಿದೆ. ಅದರ ಬೆಲೆಗಳನ್ನು ಜನವರಿ 2025 ರಲ್ಲಿ ಬಹಿರಂಗಪಡಿಸಲಾಗುತ್ತದೆ.

ಕಿಯಾ ಸಿರೋಸ್‌ನ ವಿನ್ಯಾಸ ಮತ್ತು ವೈಶಿಷ್ಟ್ಯ: ಕಿಯಾ ಸೈರಸ್ ಭಾರತದಲ್ಲಿ ಐದನೇ ಎಸ್​ಯುವಿ ಆಗಿದೆ. ಇದರ ವಿನ್ಯಾಸವು ಸಾಕಷ್ಟು ವಿಭಿನ್ನವಾಗಿದೆ ಮತ್ತು ಪ್ರೀಮಿಯಂ ಲುಕ್​ ಹೊಂದಿದೆ. ಈ ಸಬ್-ಕಾಂಪ್ಯಾಕ್ಟ್ ಎಸ್​ಯುವಿ ಡ್ಯುಯಲ್-ಸ್ಕ್ರೀನ್ ಸೆಟಪ್, ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ, ಡಿಜಿಟಲ್ ಡ್ರೈವರ್ ಡಿಸ್​ಪ್ಲೇಯಂತಹ ಅನೇಕ ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿದೆ. ಸಿರೋಸ್​ 3,995 ಮಿಮೀ ಉದ್ದ, 1,800 ಎಂಎಂ ಅಗಲ ಮತ್ತು 1,665 ಎಂಎಂ ಎತ್ತರವಿದೆ.

ಕಿಯಾ ಸಿರೋಸ್ (Photo Credit: Kia India)

ಪವರ್ಟ್ರೇನ್ ಮತ್ತು ಕಲರ್​: ಕಿಯಾ ಸಿರೋಸ್‌ನ ಪವರ್‌ಟ್ರೇನ್ ಕುರಿತು ಮಾತನಾಡುವುದಾದರೆ, ಇದು 1.0 ಟರ್ಬೊ ಪೆಟ್ರೋಲ್ ಎಂಜಿನ್ ಮತ್ತು ಡೀಸೆಲ್ ರೂಪಾಂತರದಲ್ಲಿ 1.5 ಲೀಟರ್ ಎಂಜಿನ್‌ನ ಪವರ್​ ಹೊಂದಿದೆ. ಇದು 6 - ಸ್ಪೀಡ್ ಮ್ಯಾನುವಲ್, 6-ಸ್ಪೀಡ್ ಆಟೋಮ್ಯಾಟಿಕ್ ಮತ್ತು 7-ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆ ಹೊಂದಿದೆ. ಕಲರ್​ ಆಯ್ಕೆಗಳ ಬಗ್ಗೆ ಮಾತನಾಡುವುದಾದರೆ, ನೀವು ಫ್ರಾಸ್ಟ್ ಬ್ಲೂ, ಪ್ಯೂಟರ್ ಆಲಿವ್, ಅರೋರಾ ಬ್ಲ್ಯಾಕ್ ಪರ್ಲ್, ಇಂಟೆನ್ಸ್ ರೆಡ್, ಗ್ರಾವಿಟಿ ಗ್ರೇ, ಇಂಪೀರಿಯಲ್ ಬ್ಲೂ, ಸ್ಪಾರ್ಕ್ಲಿಂಗ್ ಸಿಲ್ವರ್ ಮತ್ತು ಗ್ಲೇಸಿಯರ್ ವೈಟ್ ಪರ್ಲ್ ಕಲರ್​ಗಳನ್ನು ಪಡೆಯುತ್ತೀರಿ.

ಕಿಯಾ ಸಿರೋಸ್ (Photo Credit: Kia India)

ಕಾರಿನ ಇಂಟಿರಿಯರ್​ ಬಗ್ಗೆ ಮಾತನಾಡುವುದಾದರೆ, ಇದು ವೆಂಟಿಲೆಟೆಡ್​ ಸೀಟ್‌ಗಳೊಂದಿಗೆ ಉತ್ತಮ ಬೂಟ್ ಸ್ಪೇಸ್ ಅನ್ನು ಹೊಂದಿರಲಿದೆ. ಏರ್‌ಕ್ರಾಫ್ಟ್ ಥ್ರೊಟಲ್‌ನಂತಹ ಗೇರ್ ಶಿಫ್ಟರ್ ಮತ್ತು 360 ಡಿಗ್ರಿ ಕ್ಯಾಮೆರಾ ಪಾರ್ಕಿಂಗ್ ಅನ್ನು ಒದಗಿಸಲಾಗಿದೆ. ಜೊತೆಗೆ ಮಲ್ಟಿ ಟೈಪ್-ಸಿ ಯುಎಸ್‌ಪಿ ಪೋರ್ಟ್‌ಗಳು, ವೈರ್‌ಲೆಸ್ ಚಾರ್ಜಿಂಗ್ ಆಯ್ಕೆಯೂ ಸಹ ಕಾರಿನಲ್ಲಿ ಲಭ್ಯವಿದೆ. ಈ ಸವೆನ್​ ಸೀಟರ್​ ಕಿಯಾದಲ್ಲಿ, ನಿಮಗೆ ಪನೋರಮಿಕ್​ ಸನ್‌ರೂಫ್ ನೀಡಲಾಗಿದೆ.

ಕಿಯಾ ಸಿರೋಸ್ (Photo Credit: Kia India)

ಕಾರಿನ ಇತರ ಫೀಚರ್​ಗಳು:ಕಾರಿನ ಇತರ ವೈಶಿಷ್ಟ್ಯಗಳ ಬಗ್ಗೆ ಮಾತನಾಡುವುದಾದ್ರೆ, ಸಿರೋಸ್ ಫ್ಲಶ್ ಡೋರ್ ಹ್ಯಾಂಡಲ್‌ಗಳು ಮತ್ತು ಟಾಪ್-ಎಂಡ್ ಟ್ರಿಮ್‌ಗಾಗಿ 17-ಇಂಚಿನ ವ್ಹೀಲ್​ಗಳು ಮತ್ತು ಎಲ್-ಆಕಾರದ ಟೈಲ್ - ಲ್ಯಾಂಪ್‌ಗಳನ್ನು ಸಹ ಪಡೆಯುತ್ತದೆ. ಇದು ADAS ಲೆವೆಲ್ 2, ರಿಕ್ಲೈನಿಂಗ್ ರಿಯರ್​ ಸೀಟುಗಳು, 8 ಸ್ಪೀಕರ್ ಆಡಿಯೋ ಸಿಸ್ಟಮ್ ಮತ್ತು ಪವರ್ಡ್​ ಹ್ಯಾಂಡ್‌ಬ್ರೇಕ್ ಅನ್ನು ಹೊಂದಿದೆ.

ಕಿಯಾ ಸಿರೋಸ್ (Photo Credit: Kia India)

ಓದಿ:ಕಾರು ಬೇಕೇ ಕಾರು! ಆರು ಏರ್​ ಬ್ಯಾಗ್ಸ್​, ಸೇಫ್ಟಿಗೆ ಹೆಚ್ಚಿನ ಒತ್ತು, ಕೈಗೆಟುಕುವ ದರದಲ್ಲಿ ಇಲ್ಲಿವೆ ಹಲವು ಎಸ್​ಯುವಿಗಳು!

ಓದಿ:ನಾಳೆ ನಿಮ್ಮ ಪ್ಲಾನ್​ಗಳ ಬಗ್ಗೆ ಇರಲಿ ಎಚ್ಚರ !: ಆ ದಿನ 8 ಗಂಟೆಯಷ್ಟೇ ಹಗಲು, 16 ಗಂಟೆ ರಾತ್ರಿ!! ಕಾರಣವೇನು?