Hyundai Tucson Crash Test Rating:ಹ್ಯುಂಡೈನ ಎಸ್ಯುವಿ ಟಕ್ಸನ್ ಫೈವ್ ಸ್ಟಾರ್ ಕ್ಲಬ್‌ಗೆ ಸೇರ್ಪಡೆಗೊಂಡಿದೆ. ಈ ಎಸ್ಯುವಿ ಭಾರತದ ಎನ್‌ಕ್ಯಾಪ್ ಕ್ರಾಸ್ ಟೆಸ್ಟ್‌ನಲ್ಲಿ ಪರಿಪೂರ್ಣ 5-ಸ್ಟಾರ್ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಇದು ಭಾರತದ ಎನ್‌ಕ್ಯಾಪ್ನಿಂದ ಪರೀಕ್ಷಿಸಲ್ಪಟ್ಟ ಮೊದಲ ಹುಂಡೈ ಕಾರು. ಈ ಹಿಂದೆ ಈ ಕಂಪನಿಯ ವೆರ್ನಾ ಜಾಗತಿಕ ಎನ್‌ಕ್ಯಾಪ್ ಪರೀಕ್ಷೆಯಲ್ಲಿ 5 ಸ್ಟಾರ್ ರೇಟಿಂಗ್ ಪಡೆದಿತ್ತು. ಟಕ್ಸನ್ ಈಗ ಅತ್ಯಧಿಕ ರೇಟಿಂಗ್ ಹೊಂದಿದೆ.
ವಯಸ್ಕರ ಸುರಕ್ಷತೆಗಾಗಿ ಕಾರು 32 ಅಂಕಗಳಲ್ಲಿ 30.84 ಅಂಕಗಳನ್ನು ಗಳಿಸಿದೆ. ಮಕ್ಕಳ ರಕ್ಷಣೆಗೆ ಸಂಬಂಧಿಸಿದಂತೆ 49 ಅಂಕಗಳಿಗೆ 41 ಅಂಕಗಳನ್ನು ಪಡೆದಿದೆ. ಈ ಎರಡೂ ವಿಭಾಗಗಳಲ್ಲಿ ಹ್ಯುಂಡೈ ಟಕ್ಸನ್ ಫೈವ್ ಸ್ಟಾರ್ ರೇಟಿಂಗ್ ಅನ್ನು ಸಾಧಿಸಿದೆ ಎಂದು ಇಂಡಿಯಾ ಎನ್‌ಸಿಎಪಿ ಬಹಿರಂಗಪಡಿಸಿದೆ. ಹ್ಯುಂಡೈ ಟಕ್ಸನ್ ಎಸ್ಯುವಿ ಎಂಜಿನ್ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳ ಕುರಿತು ಹೆಚ್ಚಿನ ವಿವರಗಳನ್ನು ತಿಳಿದುಕೊಳ್ಳೋಣ ಬನ್ನಿ..
ಎಂಜಿನ್: ಇದು 2.0-ಲೀಟರ್ ಪೆಟ್ರೋಲ್ ಮತ್ತು 2-ಲೀಟರ್ ಡೀಸೆಲ್ ಆವೃತ್ತಿಗಳಲ್ಲಿ ಲಭ್ಯವಿದೆ. ಇದರ ಪೆಟ್ರೋಲ್ ಎಂಜಿನ್ 156bhp ಪವರ್ ಮತ್ತು 192Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮೆಟಿಕ್ ಗೇರ್ ಬಾಕ್ಸ್ ಜೊತೆ ಲಿಂಕ್ ಆಗಿದೆ. ಇದರ ಡೀಸೆಲ್ ಎಂಜಿನ್ 186bhp ಪವರ್ ಮತ್ತು 416Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು 8-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮೆಟಿಕ್ ಗೇರ್‌ಬಾಕ್ಸ್‌ಗೆ ಜೋಡಿಸಲ್ಪಟ್ಟಿದೆ. ಇದಲ್ಲದೆ, ಟಕ್ಸನ್ ಡೀಸೆಲ್ ಎಂಜಿನ್ ಆಲ್-ವೀಲ್ ಡ್ರೈವ್ ಆಯ್ಕೆಯನ್ನು ಸಹ ಹೊಂದಿದೆ.
ಭದ್ರತಾ ವೈಶಿಷ್ಟ್ಯಗಳು:
- ಫ್ರಂಟಲ್ ಏರ್ ಬ್ಯಾಗ್ಸ್
- ಬೆಲ್ಟ್ ಪ್ರಿಟೆನ್ಷನರ್
- ಬೆಲ್ಟ್ ಲೋಡ್ ಲಿಮಿಟರ್
- ಸೈಡ್ ಹೆಡ್ ಕರ್ಟನ್ ಏರ್ ಬ್ಯಾಗ್
- ಸೈಡ್ ಚೆಸ್ಟ್ ಏರ್ ಬ್ಯಾಗ್
- ಸೈಡ್ ಪೆಲ್ವಿಸ್ ಏರ್ ಬ್ಯಾಗ್