AIನಿಂದ ಕ್ರಿಯೇಟ್​​ ಮಾಡಿದ ಫೋಟೋಗಳನ್ನು ಗುರುತಿಸಲು ಹೊಸ ಫೀಚರ್​ ಪರಿಚಯಿಸಿದ ಗೂಗಲ್​!

Google Photos Introduces Info: ಗೂಗಲ್​ ಟೂಲ್​ಗಳಿಂದ ರಚಿಸಿದ್ದ ಎಐ ಫೋಟೋಗಳನ್ನು ಗುರುತಿಸಲು ಗೂಗಲ್ ಫೋಟೋಸ್​ನಲ್ಲಿ ಹೊಸ ಫೀಚರ್ ಲಭ್ಯವಾಗಿದೆ. ಈ ವೈಶಿಷ್ಟ್ಯದಿಂದ ನೀವು ಎಐನಿಂದ ಕ್ರಿಯೇಟ್​ ಮಾಡಿದ ಫೋಟೋಗಳನ್ನು ಸುಲಭವಾಗಿ ಗುರುತಿಸಬಹುದಾಗಿದೆ.

Google Photos Introduces AI Info:ಪ್ರಸ್ತುತ, ಕೃತಕ ಬುದ್ಧಿಮತ್ತೆ (AI) ಬಳಕೆ ಪ್ರಪಂಚದಾದ್ಯಂತ ಭಾರಿ ಪ್ರಮಾಣದಲ್ಲಿ ಹೆಚ್ಚುತ್ತಿದೆ. ಇದು ಬಹುತೇಕ ಎಲ್ಲಾ ಕ್ಷೇತ್ರಗಳನ್ನು ಒಳಗೊಂಡಿದೆ. ಜಗತ್ತು AI ಕಡೆಗೆ ಓಡುತ್ತಿದ್ದು, ಎಲ್ಲಾ ಕಂಪನಿಗಳು AI ಪರಿಕರಗಳನ್ನು ಬಳಸುತ್ತಿವೆ. AI ಉಪಕರಣಗಳ ಬಳಕೆ ಹೆಚ್ಚುತ್ತಿರುವ ಈ ಸಮಯದಲ್ಲಿ AI ಸಹಾಯದಿಂದ ಫೋಟೋ ಮತ್ತು ವಿಡಿಯೋಗಳನ್ನು ಸುಲಭವಾಗಿ ರಚಿಸಲಾಗುತ್ತಿದೆ.

ಇದು ನಿಜವಾದ ಫೋಟೋವೇ ಅಥವಾ AI ಸಹಾಯದಿಂದ ರೂಪಿಸಿದ್ದಾರಾ ಎಂಬುದು ತಿಳಿದುಕೊಳ್ಳುವುದು ಸಹ ಕಷ್ಟವಾಗುತ್ತದೆ. ಈ ಸಮಸ್ಯೆ ಪರಿಶೀಲಿಸಲು ಗೂಗಲ್​ ಫೋಟೋಸ್​ ಸಿದ್ಧವಾಗಿದೆ. ಇದಕ್ಕಾಗಿ ಗೂಗಲ್ ಫೋಟೋಸ್​ನಲ್ಲಿ ಎಐ ಇನ್ಫೋ ಎಂಬ ಹೊಸ ಫೀಚರ್ ಅನ್ನು ತಂದಿದೆ. AI ಸಹಾಯದಿಂದ ರಚಿಸಲಾದ ಫೋಟೋಗಳನ್ನು ಸುಲಭವಾಗಿ ಗುರುತಿಸಲು ಈ ವೈಶಿಷ್ಟ್ಯವು ಉಪಯುಕ್ತವಾಗಿದೆ.

ಈ ಎಐ ಇನ್ಫೋ ಸೌಲಭ್ಯವನ್ನು ತಂದಿರುವುದಾಗಿ ಗೂಗಲ್ ತನ್ನ ಬ್ಲಾಗ್ ಪೋಸ್ಟ್​ನಲ್ಲಿ ಹಂಚಿಕೊಂಡಿದೆ. AI ಸಹಾಯದಿಂದ ರೂಪಿಸಿದ್ದ ಫೋಟೋಗಳನ್ನು ಸುಲಭವಾಗಿ ಗುರುತಿಸಬಹುದು. ಅಂದರೆ ಇನ್ಮುಂದೆ AI ಉಪಕರಣಗಳನ್ನು ಬಳಸಿ ಎಡಿಟ್ ಮಾಡಬಹುದಾದ ಫೋಟೋಗಳನ್ನು ಕಾಣಬಹುದು. ಆದರೆ, ಗೂಗಲ್ ತಂದಿರುವ ಎಐ ಟೂಲ್​ಗಳ ಸಹಾಯದಿಂದ ಫೋಟೋಗಳನ್ನು ಎಡಿಟ್ ಮಾಡಿದ್ರೆ ಮಾತ್ರ ಅಂತಹ ಎಐ ಫೋಟೋಗಳನ್ನು ಗುರುತಿಸಬಹುದಾಗಿದೆ ಎಂದು ತಿಳಿದು ಬಂದಿದೆ.

ಇದು ಕೆಲಸ ಮಾಡುವುದು ಹೇಗೆ?:

• ಗೂಗಲ್​ ಫೋಟೋಸ್​ ಅಪ್ಲಿಕೇಶನ್‌ನಲ್ಲಿ ಫೋಟೋಗಳನ್ನು ಆಯ್ಕೆ ಮಾಡಿದ ನಂತರ ಕೆಳಗೆ ಸ್ಕ್ರೋಲ್ ಮಾಡಿದಾಗ 'Details' ಸೆಕ್ಷನ್​ ಕಾಣಿಸಿಕೊಳ್ಳುತ್ತದೆ.
• ಅದರಲ್ಲಿ AI ಸಹಾಯದಿಂದ ರಚಿಸಲಾದ ಫೋಟೋದಲ್ಲಿ 'Edited with Google AI' ಎಂದು ತೋರಿಸುತ್ತದೆ.
• ಎಲ್ಲ ಜನಪ್ರಿಯ ಫೋಟೋ ಎಡಿಟಿಂಗ್ ಅಪ್ಲಿಕೇಶನ್‌ಗಳು AI ಆಧಾರಿತ ಪರಿಕರಗಳನ್ನು ನೀಡುತ್ತವೆ.
• ಹೆಚ್ಚು ಉತ್ತಮವಾದ ಎಡಿಟಿಂಗ್ ಆಯ್ಕೆಗಳು ಬಳಕೆದಾರರಿಗೆ ಲಭ್ಯವಾಗುತ್ತಿವೆ.
• ಇದರೊಂದಿಗೆ, ಗೂಗಲ್​ ಫೋಟೋಸ್​ ಇತ್ತೀಚೆಗೆ ಮ್ಯಾಜಿಕ್ ಎಡಿಟರ್ ಮತ್ತು ಮ್ಯಾಜಿಕ್ ಎರೇಸರ್ ಸೇರಿದಂತೆ ತನ್ನ ಎಲ್ಲ ಬಳಕೆದಾರರಿಗೆ ಇತರ AI ಟೂಲ್​ಗಳನ್ನು ಲಭ್ಯವಾಗುವಂತೆ ಮಾಡಿದೆ.

ಗೂಗಲ್ ಇತ್ತೀಚೆಗೆ ತನ್ನ ಹೊಸ ಮುಖ್ಯ ತಂತ್ರಜ್ಞರಾಗಿ ಪ್ರಭಾಕರ್ ರಾಘವನ್ ಅವರನ್ನು ನೇಮಿಸಿದೆ. ಇವರನ್ನು ಗೂಗಲ್ ಸಿಇಒ ಸುಂದರ್ ಪಿಚೈ ಘೋಷಿಸಿದ್ದಾರೆ. ಈ ಸಂದರ್ಭದಲ್ಲಿ ಪ್ರಭಾಕರ್ ರಾಘವನ್ ಯಾರು? ಗೂಗಲ್ ಅವರನ್ನು ಹೊಸ ಮುಖ್ಯ ತಂತ್ರಜ್ಞರನ್ನಾಗಿ ಏಕೆ ನೇಮಿಸಿತು? ಮುಂತಾದ ಹೆಚ್ಚಿನ ವಿವರಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ