Lays Off Employees:ನವೆಂಬರ್ 5 ರಂದು ನಡೆಯಲಿರುವ ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಡೊನಾಲ್ಡ್ ಟ್ರಂಪ್ ಪ್ರಚಾರದಲ್ಲಿ ನಿರತರಾಗಿರುವ ಎಲೋನ್ ಮಸ್ಕ್ ಅವರು ತಮ್ಮ ಎಕ್ಸ್ ಸಾಮಾಜಿಕ ಮಾಧ್ಯಮ ವೇದಿಕೆಯಿಂದ ಬಹಳಷ್ಟು ಉದ್ಯೋಗಿಗಳನ್ನು ವಜಾಗೊಳಿಸಿದ್ದಾರೆ ಎಂದು ವರದಿಯಾಗಿದೆ. ಈ ಬಗ್ಗೆ ಕಂಪನಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
ದಿ ವರ್ಜ್‌ನಲ್ಲಿನ ವರದಿಯ ಪ್ರಕಾರ, ಎಕ್ಸ್ ತಮ್ಮ ಹೆಚ್ಚಿನ ಉದ್ಯೋಗಿಗಳನ್ನು ವಜಾಗೊಳಿಸಿದೆ. ಪ್ರಾಥಮಿಕವಾಗಿ ಎಕ್ಸ್ನ ಎಂಜಿನಿಯರಿಂಗ್ ವಿಭಾಗದ ಮೇಲೆ ಪರಿಣಾಮ ಬೀರಿದೆ. ಎಷ್ಟು ಜನರನ್ನು ಉದ್ಯೋಗದಿಂದ ತೆಗೆದು ಹಾಕಿದ್ದಾರೆ ಎಂಬ ನಿಖರ ಮಾಹಿತಿ ತಿಳಿದು ಬಂದಿಲ್ಲ. ಆದರೆ ಮಸ್ಕ್ ಆಗಲಿ ಅಥವಾ ಎಕ್ಸ್ ಆಗಲಿ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
ಇತ್ತೀಚೆಗೆ, ಟೆಕ್ ಬಿಲಿಯನೇರ್ ತಮ್ಮ ಬಹು ನಿರೀಕ್ಷಿತ ಸ್ಟಾಕ್ ಅನುದಾನದ ಬಗ್ಗೆ ಎಕ್ಸ್ ಸಿಬ್ಬಂದಿಗೆ ಇಮೇಲ್ ಕಳುಹಿಸಿದ್ದಾರೆ ಎಂದು ವರದಿಯಾಗಿದೆ. ದಿ ವರ್ಜ್ ಪ್ರಕಾರ, ಇಮೇಲ್‌ನಲ್ಲಿ ಸಾಮಾಜಿಕ ಮಾಧ್ಯಮ ಪಾಲ್ಟ್‌ಫಾರ್ಮ್ ಉದ್ಯೋಗಿಗಳ ನಿರೀಕ್ಷಿತ ಪ್ರಭಾವದ ಆಧಾರದ ಮೇಲೆ ಸ್ಟಾಕ್ ಆಯ್ಕೆಗಳನ್ನು ನೀಡಲು ಯೋಜಿಸಿದೆ. ಅಂದರೆ, ಸಿಬ್ಬಂದಿ ತಮ್ಮ ಸ್ಟಾಕ್ ಪಡೆಯಲು ಕಂಪನಿಗೆ ತಮ್ಮ ಕೊಡುಗೆಗಳೇನು ಎಂದು ಒಂದು ಪುಟದ ಸಾರಾಂಶವನ್ನು ಸಲ್ಲಿಸಬೇಕು ಎಂದು ಕೇಳಲಾಗಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.