ಸ್ಟೈಲಿಶ್​ ಲುಕ್​, ಅಡ್ವಾನ್ಸ್​ ಫೀಚರ್​! ಮಾರುಕಟ್ಟೆಗೆ ಲಗ್ಗೆಯಿಡಲು ಸಿದ್ಧವಾಗಿದೆ ಬಜಾಜ್​ ನ್ಯೂ ಚೇತಕ್​ ಇವಿ

Bajaj New Chetak: ಬಜಾಜ್​ ಕಂಪನಿ ತನ್ನ ಜನಪ್ರಿಯ ಚೇತಕ್ ಇವಿ ಸ್ಕೂಟರ್​ನ ಹೊಸ ಮಾಡೆಲ್​ ಅನ್ನು ಗ್ರಾಹಕರಿಗೆ ಪರಿಚಯಿಸಲು ಸಿದ್ಧವಾಗಿದ್ದು, ಇದರ ಬೆಲೆ ಸೇರಿದಂತೆ ಇನ್ನಿತರ ಮಾಹಿತಿ ಇಲ್ಲಿದೆ..

Bajaj New Chetak: ಪ್ರಮುಖ ಆಟೋ ಮೊಬೈಲ್ ಕಂಪನಿ ಬಜಾಜ್ ಆಟೋ ತನ್ನ ಜನಪ್ರಿಯ ಚೇತಕ್ ಎಲೆಕ್ಟ್ರಿಕ್ ಸ್ಕೂಟರ್‌ನ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಕಂಪನಿಯು 2020 ರಲ್ಲಿ 'ಬಜಾಜ್ ಚೇತಕ್ EV' ಸ್ಕೂಟರ್ ಅನ್ನು ಬಿಡುಗಡೆ ಮಾಡಿತು. ಆದರೆ ಆಗ ಈ ಸ್ಕೂಟರ್‌ನ ಮಾರಾಟ ಅಷ್ಟರಮಟ್ಟಿಗೆ ಸಾಗಲಿಲ್ಲ. ಆದರೆ ಅದರ ನಂತರ ಕಂಪನಿಯು ಹೊಸ ಮಾದರಿಗಳ ಪರಿಚಯ ಮತ್ತು ಬೆಲೆ ಕಡಿತಗೊಳಿಸಿತು. ಆಗ ಮಾರಾಟಕ್ಕೆ ಉತ್ತೇಜನ ಸಿಕ್ಕಿತು. ಈ ಸ್ಕೂಟರ್ ದೇಶದಲ್ಲಿ ಮೂರನೇ ಅತಿ ಹೆಚ್ಚು ಮಾರಾಟವಾಗುವ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ.

ಈ ಹಿನ್ನೆಲೆಯಲ್ಲಿ ಕಂಪನಿಯು ಇವಿ ವಿಭಾಗದಲ್ಲಿ ತನ್ನ ವ್ಯವಹಾರವನ್ನು ಇನ್ನಷ್ಟು ವೇಗವಾಗಿ ವಿಸ್ತರಿಸಲು ಕೆಲಸ ಮಾಡುತ್ತಿದೆ. ಈ ಅನುಕ್ರಮದಲ್ಲಿ ಚೇತಕ್ ತನ್ನ ಜನಪ್ರಿಯ ಬ್ರ್ಯಾಂಡ್‌ನ ಹೊಸ ಆವೃತ್ತಿಯನ್ನು ಪ್ರಾರಂಭಿಸಲು ಎದುರು ನೋಡುತ್ತಿದೆ. ಡಿಸೆಂಬರ್ 20 ರೊಳಗೆ ಈ ಹೊಸ ಚೇತಕ್ ಅನ್ನು ಮಾರುಕಟ್ಟೆಗೆ ತರಲು ಸಕಲ ಸಿದ್ಧತೆ ಮಾಡಲಾಗುತ್ತಿದೆ.

ಈ ಚೇತಕ್‌ನ ಹೊಸ ಆವೃತ್ತಿಯು ಹೊಸ ವೈಶಿಷ್ಟ್ಯಗಳೊಂದಿಗೆ ಆಕರ್ಷಕ ನೋಟದಲ್ಲಿ ಎಂಟ್ರಿ ನೀಡಲಿದೆ. ಬ್ಯಾಟರಿ ಪ್ಯಾಕ್ ಅನ್ನು ಫ್ಲೋರ್ಬೋರ್ಡ್ ಅಡಿಯಲ್ಲಿ ಇಡಲಾಗುತ್ತದೆ. ಇದರಿಂದ ಕಾರ್ಗೋ ಜಾಗವನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಈ ಸ್ಕೂಟರ್ ಸಿಂಗಲ್​ ಚಾರ್ಜ್‌ನಲ್ಲಿ 123 ಕಿ.ಮೀ ನಿಂದ 137 ಕಿ.ಮೀ ವ್ಯಾಪ್ತಿಯವರೆಗೆ ಚಲಿಸಲಿದೆ. ಹೊಸ ಚೇತಕ್‌ನಲ್ಲಿ ತಂದಿರುವ ಬದಲಾವಣೆಗಳಿಂದಾಗಿ ಎಲೆಕ್ಟ್ರಿಕ್ ಸ್ಕೂಟರ್‌ನ ನಿರ್ವಹಣೆ ಮತ್ತು ರೈಡ್​ ಕ್ವಾಲಿಟಿ ಉತ್ತಮವಾಗಿರುತ್ತದೆ.

ಬೆಲೆ: ಬೆಲೆಗೆ ಸಂಬಂಧಿಸಿದಂತೆ ಬಜಾಜ್ ಚೇತಕ್ ಪ್ರಸ್ತುತ ರೂ.96,000-ರೂ.1,29,000 (ಎಕ್ಸ್ ಶೋ ರೂಂ) ನಡುವೆ ಇದೆ. ಈ ಹೊಸ ಇವಿಯ ಬೆಲೆ ಇವುಗಳಿಗಿಂತ ಸ್ವಲ್ಪ ಹೆಚ್ಚಾಗುವ ಸಾಧ್ಯತೆಯಿದೆ.

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ವಿಭಾಗದಲ್ಲಿ ದೈತ್ಯ ಕಂಪನಿಗಳ ನಡುವಿನ ಸ್ಪರ್ಧೆಯು ಕ್ರಮೇಣ ಹೆಚ್ಚುತ್ತಿದೆ. ಎಲೆಕ್ಟ್ರಿಕ್ ವಾಹನಗಳ ಮಾರಾಟದಲ್ಲಿ ಕಂಪನಿಗಳು ತಮ್ಮ ಮಾರುಕಟ್ಟೆ ಪಾಲನ್ನು ಕ್ರಮೇಣ ಹೆಚ್ಚಿಸುತ್ತಿವೆ. ಬಜಾಜ್ ಎಲೆಕ್ಟ್ರಿಕ್ ಸ್ಕೂಟರ್ ಓಲಾ, ಟಿವಿಎಸ್ ಮತ್ತು ಈಥರ್‌ನಂತಹ ಪ್ರತಿಸ್ಪರ್ಧಿಗಳಿಂದ ತೀವ್ರ ಸ್ಪರ್ಧೆಯನ್ನು ಎದುರಿಸುತ್ತಿದೆ.

ಕಳೆದ ವರ್ಷ ಚೇತಕ್ ತನ್ನ ಮಾರಾಟದ ವೇಗದಿಂದಾಗಿ ಮಾರುಕಟ್ಟೆಯಲ್ಲಿ ಅಗ್ರ ಮೂರು ಮಾರಾಟಗಾರರಲ್ಲಿ ಒಂದಾಗಿದೆ. ತನ್ನ ಸ್ಥಾನವನ್ನು ಸುಧಾರಿಸುವ ಪ್ರಯತ್ನದ ಭಾಗವಾಗಿ, ಕಂಪನಿಯು ಚೇತಕ್‌ನ ಹೊಸ ಆವೃತ್ತಿಯನ್ನು ಹೊರ ತರುತ್ತಿದೆ.

ಓದಿ:ಬಿಡುಗಡೆಯಾದ ತಿಂಗಳೊಳಗೆ ಬುಕಿಂಗೋ ಬುಕಿಂಗ್;! ಹೊಸ ಡಿಸೈರ್​ಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡ್​!