ಮತಯಂತ್ರ ಸಮಸ್ಯೆ (Etv Bharat)
ಕಾರವಾರ: ಎಲೆಕ್ಟ್ರಾನಿಕ್‌ ಮತಯಂತ್ರ (ಇವಿಎಂ) ಸಮಸ್ಯೆಯಿಂದಾಗಿ ಕಾರವಾರ ನಗರದ ಸೆಂಟ್ ಮೈಕಲ್ ಶಾಲೆಯಲ್ಲಿ ಮತದಾನ ವಿಳಂಬವಾಗಿದೆ. ಮತಗಟ್ಟೆ 107ರಲ್ಲಿ ಇವಿಎಂ ಕೆಟ್ಟುಹೋದ ಕಾರಣ ಒಂದು ಗಂಟೆಯಿಂದ ಮತದಾನ ಆರಂಭವಾಗದೇ ನೂರಾರು ಜನರು ಸರತಿ ಸಾಲಿನಲ್ಲಿ ಕಾದು ನಿಲ್ಲುವಂತಾಗಿದೆ.
ವಯೋವೃದ್ಧರು, ಕಾಲು ಗಾಯಗೊಂಡು ಬ್ಯಾಂಡೇಜ್ ಹಾಕಿಸಿಕೊಂಡವರೂ ಸೇರಿದಂತೆ ಬೆಳಗ್ಗೆ 6.45ರಿಂದಲೇ ಜನರು ಸರದಿ ಸಾಲಿನಲ್ಲಿ ನಿಂತು ಕಾಯುತ್ತಿದ್ದ ದೃಶ್ಯ ಕಂಡುಬಂತು. ಈ ಬಗ್ಗೆ ಚುನಾವಣಾ ಸಿಬ್ಬಂದಿಯನ್ನು ಪ್ರಶ್ನಿಸಿದರೆ ಹಾರಿಕೆ ಉತ್ತರ ನೀಡುತ್ತಿದ್ದಾರೆ ಎಂಬ ಆರೋಪವೂ ಕೇಳಿಬಂದಿದೆ. ಕೆಲಸಕ್ಕೆ ಹೋಗುವವರೂ ಸೇರಿದಂತೆ ಹಲವರು ಕಾಯುತ್ತಿದ್ದು, ಮತದಾನ ಆರಂಭವಾಗದ ಕಾರಣಕ್ಕೆ ಚುನಾವಣಾ ಸಿಬ್ಬಂದಿ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.