ಬೆಂಗಳೂರು:ಕಾರು ಚಾಲಕ ಯೂ ಟರ್ನ್ ಪಡೆಯುವ ಸಂದರ್ಭದಲ್ಲಿ ತನ್ನನ್ನು ಗಮನಿಸಲಿಲ್ಲವೆಂದು ಸಿಟ್ಟಿಗೆದ್ದ ದ್ವಿಚಕ್ರ ವಾಹನ ಸವಾರನೊಬ್ಬ ಕಾರನ್ನು ಅಡ್ಡಗಟ್ಟಿ, ಬೈಕ್ನಿಂದ ಇಳಿದು ಬಂದು ಕಾರಿಗೆ ಒದ್ದು ಉದ್ಧಟತನ ಪ್ರದರ್ಶಿಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಜೂನ್ 7ರಂದು ಜಕ್ಕೂರು ಸಮೀಪ ಶ್ರೀರಾಮಪುರ ವಿಲೇಜ್ ಬಳಿ ಘಟನೆ ನಡೆದಿದ್ದು, ಕಾರಿನ ಡ್ಯಾಶ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಕಾರಿನಲ್ಲಿ ಸಾಗುತ್ತಿದ್ದ ಚಾಲಕ ಪ್ರವೀಣ್, ಯೂ ಟರ್ನ್ ಪಡೆಯುವಾಗ ಬೈಕ್ ಸವಾರನನ್ನು ಗಮನಿಸಿರಲಿಲ್ಲ. ಕೊಂಚ ದೂರ ಸಾಗಿದ ಬಳಿಕ ಕಾರನ್ನು ಓವರ್ ಟೇಕ್ ಮಾಡಿ ಅಡ್ಡಗಟ್ಟಿದ್ದ ಬೈಕ್ ಸವಾರ, ಇಳಿದು ಬಂದು ಏಕಾಏಕಿ ಕಾರಿನ ಬಾನೆಟ್‌ಗೆ ಒದ್ದು, ಕಾರು ಚಾಲಕನಿಗೆ ನಿಂದಿಸಿದ್ದಾನೆ. ಆರೋಪಿಯ ಕೃತ್ಯ ಕಾರಿನ ಡ್ಯಾಶ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಘಟನೆಯ ಕುರಿತು ಎಕ್ಸ್ ಆ್ಯಪ್ನಲ್ಲಿ ಮಾಹಿತಿ ಹಂಚಿಕೊಂಡಿರುವ ಕಾರು ಚಾಲಕ ಪ್ರವೀಣ್, ಬೆಂಗಳೂರು ಪೊಲೀಸರಿಗೆ ಟ್ಯಾಗ್ ಮಾಡಿದ್ದಾರೆ.