ಹುಬ್ಬಳ್ಳಿ-ಧಾರವಾಡ ಪೊಲೀಸರಿಂದ ಏರಿಯಾ ಡಾಮಿನೇಶನ್: 243 ಮಂದಿ ವಿರುದ್ಧ ಕೇಸ್ - Area Domination

ಹು-ಧಾ ಪೊಲೀಸ್​​​​ ಆಯುಕ್ತರು ಜಿಲ್ಲೆಯಲ್ಲಿ ಸುವ್ಯವಸ್ಥೆಗಾಗಿ ಏರಿಯಾ ಡಾಮಿನೇಷನ್​​ ಕಾರ್ಯ ನಡೆಸುತ್ತಿದ್ದು, 243 ಜನರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗಿದೆ.

ಧಾರವಾಡ:ಸಮಾಜದಲ್ಲಿ ಶಾಂತಿ ಸುವ್ಯವಸ್ಥೆ ಮೂಡಿಸುವ ದೃಷ್ಟಿಯಿಂದ ಹುಬ್ಬಳ್ಳಿ-ಧಾರವಾಡ ಪೊಲೀಸ್​​​​ ಆಯುಕ್ತರು ಒಂದು ಹೆಜ್ಜೆ ಮುಂದಿಟ್ಟಿದ್ದು, ನಗರದ ಹಲವೆಡೆ ಪೊಲೀಸರಿಂದ ಏರಿಯಾ ಡಾಮಿನೇಷನ್​​ ಕಾರ್ಯ ನಡೆಯುತ್ತಿದೆ.

ಶಹರ ಪೊಲೀಸ್​​​​ ಠಾಣೆ ವ್ಯಾಪ್ತಿಯಲ್ಲಿ ಶನಿವಾರ ರಾತ್ರಿ ಏರಿಯಾ ಡಾಮಿನೇಷನ್​ ನಡೆದಿದೆ. ಹು-ಧಾ ಪೊಲೀಸ್​ ಆಯುಕ್ತ ಎನ್​.ಶಶಿಕುಮಾರ್​ ನೇತೃತ್ವದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಒಟ್ಟು 243 ಜನರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಕೈಗೊಂಡಿದ್ದಾರೆ. 50 ರೌಡಿಶೀಟರ್​​, 36 MOB, 9 NDPS, ಖಾಲಿ ಜಾಗ, ರಸ್ತೆ ಪಕ್ಕ ಕುಡಿಯುತ್ತ ಕುಳಿತಿದ್ದ 61 ಜನ, ಇತರೆ 18 ಜನ ಸೇರಿ 170 ಜನರನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ.

170 ಜನರ ಮೇಲೆ ಕೆಪಿ ಆ್ಯಕ್ಟ್​​ ಅಡಿ ಪ್ರಕರಣ ದಾಖಲಿಸಲಾಗಿದ್ದು, ಸಾರ್ವಜನಿಕ ಸ್ಥಳದಲ್ಲಿ ಧೂಮಪಾನ ಮಾಡುತ್ತಿದ್ದ 31 ಜನರ ವಿರುದ್ಧ COPTA ಆ್ಯಕ್ಟ್​ ಅಡಿ ಕೇಸ್ ನಮೂದಿಸಲಾಗಿದೆ. ಸಂಚಾರ ನಿಯಮ ಉಲ್ಲಂಘಿಸಿದ 38 ಜನರ ವಿರುದ್ಧ MV ಆ್ಯಕ್ಟ್ ಅಡಿ ಕೇಸ್ ಹಾಕಲಾಗಿದೆ. ಏರಿಯಾ ಡಾಮಿನೇಷನ್​​ ಬಳಿಕ ಮಾಧ್ಯಮಗಳಿಗೆ ಪೊಲೀಸ್​ ಆಯುಕ್ತ ಎನ್.ಶಶಿಕುಮಾರ್ ಮಾಹಿತಿ ನೀಡಿದರು.

ಇದನ್ನೂ ಓದಿ:ಸಿಇಟಿಯನ್ನು ಕಂಪ್ಯೂಟರ್ ಆಧಾರಿತ ಪರೀಕ್ಷೆಯಾಗಿಸುವ ಬಗ್ಗೆ ಚಿಂತನೆ: ಉನ್ನತ ಶಿಕ್ಷಣ ಸಚಿವ ಸುಧಾಕರ್ - CET Computer Based Test