ಹೈದರಾಬಾದ್: ಈ ವರ್ಷ ನಡೆದಿದ್ದ ಟಿ20 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾವನ್ನು 7 ರನ್ಗಳಿಂದ ಮಣಿಸಿ ವಿಶ್ವಕಪ್ ಗೆದ್ದುಕೊಂಡಿತ್ತು. ದಕ್ಷಿಣ ಆಫ್ರಿಕಾ ಗೆಲುವಿಗೆ ಕೊನೆಯ 30 ಎಸೆತಗಳಲ್ಲಿ 30 ರನ್ಗಳು ಬೇಕಿತ್ತು. ಈ ವೇಳೆ, ಭಾರತೀಯ ಬೌಲರ್ಗಳು ಅದ್ಬುತ ಪ್ರದರ್ಶನ ತೋರಿ ಕೈಜಾರಿ ಹೋಗಿದ್ದ ಪಂದ್ಯವನ್ನು ಮರಳಿ ಗೆಲ್ಲುವಂತೆ ಮಾಡಿದ್ದರು.
ಆದರೆ ಕೆಲ ದಿನಗಳ ಹಿಂದೆ ಕಪಿಲ್ ಶರ್ಮಾ ಅವರ ಕಾರ್ಯಕ್ರಮವೊಂದರಲ್ಲಿ ಈ ಪಂದ್ಯದ ಬಗ್ಗೆ ರೋಹಿತ್ ಶರ್ಮಾ ಮಾತನಾಡಿದ್ದರು. ಈ ವೇಳೆ, ಫೈನಲ್ ಪಂದ್ಯದಲ್ಲಿ ರಿಷಭ್ ಪಂತ್ ಮೊಣಕಾಲಿನ ಗಾಯದ ನಾಟಕವಾಡಿ ಪಂದ್ಯವನ್ನು ನಾಲ್ಕೈದು ನಿಮಿಷಗಳ ಕಾಲ ತಡೆಯವಂತೆ ಮಾಡಿದ್ದರು. ಇದುಕೂಡ ನಮಗೆ ಪಂದ್ಯ ಗೆಲ್ಲುವಲ್ಲಿ ಸಹಾಯ ಮಾಡಿತ್ತು ಎಂದು ಹೇಳಿದ್ದರು.
ಮೌನ ಮುರಿದ ಪಂತ್:ರೋಹಿತ್ ಅವರ ಹೇಳಿಕೆ ಪಂತ್ ಕೂಡ ಪ್ರತಿಕ್ರಿಯೆ ನೀಡಿದ್ದು, ಹೌದು, ಅಂದು ನಾನು ಹಾಗೆ ಮಾಡಿದ್ದೆ. ಅಲ್ಲದೇ ನನ್ನ ಪರಿಶೀಲಿಸಲು ಮೈದಾನದಕ್ಕೆ ಬಂದ ಫಿಸಿಯೋಗೂ ನಿಧಾನವಾಗಿ ಸಮಯ ಕಳೆಯುವಂತೆ ಕೇಳಿಕೊಂಡೆ. ಏಕೆಂದರೆ ಅಂದು ಪಂದ್ಯ ವೇಗವಾಗಿ ಸಾಗುತ್ತಿತ್ತು. ದಕ್ಷಿಣ ಆಫ್ರಿಕಾ ಬ್ಯಾಟರ್ಗಳು 2-3 ಓವರ್ಗಳಲ್ಲಿ ಸಾಕಷ್ಟು ರನ್ ಸಿಡಿಸಿದ್ದರು. ಇಂತಹ ಸಮಯದಲ್ಲಿ ಯೋಜನೆ ರೂಪಿಸಲು ನಮ್ಮ ತಂಡಕ್ಕೆ ಕೆಲ ಸಮಯ ಬೇಕಿತ್ತು. ಆಗ ಫಿಸಿಯೋಗೆ ಹೇಳುತ್ತಿದ್ದೆ. ಹೇಗಾದರೂ ಮಾಡಿ ಸಮಯ ವ್ಯರ್ಥ ಮಾಡಿ ಎಂದು ಕೇಳಿಕೊಂಡಿದ್ದೆ. ಅಲ್ಲದೇ ನಾನು ನಟಿಸುತ್ತಿರುವುದಾಗಿಯೂ ಅವರಿಗೆ ಹೇಳಿದ್ದೆ. ನನ್ನ ಈ ಐಡಿಯಾ ಆ ಸಮಯಕ್ಕೆ ಕೆಲಸ ಮಾಡಿತು.
ಪ್ರತಿ ಸಂದರ್ಭದಲ್ಲೂ ಇದು ವರ್ಕ್ ಆಗುತ್ತೆ ಎಂದು ಹೇಳಲ್ಲ ಆದರೆ ಕೆಲವೊಂದು ಸಂದರ್ಭಗಳಲ್ಲಿ ಖಂಡಿತವಾಗಿ ಇಂತಹ ಐಡಿಯಾಗಳು ವರ್ಕಾಗುತ್ತವೆ ಎಂದು ಹೇಳಿದ್ದಾರೆ. ಅವರ ಈ ಹೇಳಿಕೆಯ ವಿಡಿಯೋ ಸದ್ಯ ವೈರಲ್ ಆಗಿದೆ.
ಇದನ್ನೂ ಓದಿ:ಟಿ20 ವಿಶ್ವಕಪ್ ಗೆಲುವಿಗೆ ರಿಷಭ್ ಪಂತ್ ಬುದ್ಧಿವಂತಿಕೆಯೂ ಕಾರಣ: ರೋಹಿತ್ ಶರ್ಮಾ - Rohit Reveals Pant Tactics
