ಅಚ್ಚರಿ...! 121 ಐಪಿಎಲ್​ ಪಂದ್ಯ 2,665 ರನ್: 13 ಅರ್ಧಶತಕ, 1 ಶತಕ ಸಿಡಿಸಿದ್ದ ಕನ್ನಡಿಗನೂ Unsold!​

IPL Mega Auction:ಎರಡನೇ ದಿನದ ಹರಾಜಿನಲ್ಲಿ ಕರ್ನಾಟಕದ ಸ್ಟಾರ್​ ಆಟಗಾರ ಅನ್​ಸೋಲ್ಡ್​ ಆಗಿದ್ದಾರೆ.

IPL Mega Auction: ಎರಡನೇ ದಿನದ IPL ಹರಾಜು ಪ್ರಕ್ರಿಯೆ ಆರಂಭವಾಗಿದ್ದು ಆರಂಭದಲ್ಲೇ ನಾಲ್ವರು ಆಟಗಾರರು ಅನ್​ಸೋಲ್ಡ್​ ಆಗಿದ್ದಾರೆ. ಅನ್​ಸೋಲ್ಡ್​ ಆದ ಆಟಗಾರರ ಪಟ್ಟಿಯಲ್ಲಿ ಕೆಲ ಸ್ಟಾರ್​ ಆಟಗಾರರು ಇದ್ದು ಅಚ್ಚರಿ ಮೂಡಿಸಿದೆ. ನ್ಯೂಜಿಲೆಂಡ್​ನ ಕೇನ್​ ವಿಲಿಯಮ್ಸ್​, ಗ್ಲೆನ್​ ಫಿಲಿಪ್ಸ್,​ ಕೇಶವ್​ ಮಹರಾಜ್,​ ಭಾರತದ ಅಜಿಂಕ್ಯಾ ರಹಾನೆ, ಶಾರ್ದೂಲ್​ ಠಾಕೂರ್​ ಅನ್​ಸೋಲ್ಡ್​, ಫೃಥ್ವಿ ಶಾ ಅನ್​ಸೋಲ್ಡ್​ ಆಗಿದ್ದಾರೆ. ಇವರೊಂದಿಗೆ ಕರ್ನಾಟಕದ ಸ್ಟಾರ್​ ಆಟಗಾರನೂ ಕೂಡು ಅನ್​ಸೋಲ್ಡ್​ ಲಿಸ್ಟ್​ಗೆ ಸೇರ್ಪಡೆ ಗೊಂಡಿದ್ದಾರೆ.

ಯಾರೂ ಖರೀದಿಸಲು ಮುಂದೆ ಬರಲೇ ಇಲ್ಲ: ಈ ಆಟಗಾರ ಒಟ್ಟು 121 ಐಪಿಎಲ್​ ಪಂದ್ಯಗಳನ್ನು ಆಡಿದ್ದು ಇದರಲ್ಲಿ 2,665 ರನ್​ ಕಲೆಹಾಕಿದ್ದಾರೆ. ಈ ಅವಧಿಯಲ್ಲಿ 1 ಶತಕ ಮತ್ತು 13 ಅರ್ಧಶತಕ ಸಿಡಿಸಿದ್ದಾರೆ. 106 ಹೈಸ್ಕೋರ್​ ಆಗಿದೆ. ಇಷ್ಟೆಲ್ಲ ಅನುಭವ ಹೊಂದಿರುವ ಇವರು ಯಾವುದೇ ತಂಡಕ್ಕೆ ಸೇರ್ಪಡೆಯಾಗಿಲ್ಲ. ಹೌದು ನಾವು ಹೇಳುತ್ತಿರುವುದು ಕರ್ನಾಟಕದ ಸ್ಟಾರ್​ ಆಟಗಾರ ಮಾಯಾಂಕ್​ ಅಗರ್ವಾಲ್​ ಕುರಿತು. ₹1 ಕೋಟಿ ಮೂಲ ಬೆಲೆಯೊಂದಿಗೆ ಹರಾಜಿಗೆ ಬಂದಿದ್ದ ಇವರನ್ನು ಯಾವುದೇ ಫ್ರಾಂಚೈಸಿಗಳು, ಹರಾಜಿನಲ್ಲಿ ಖರೀದಿಸಲು ಮುಂದೆ ಬರಲಿಲ್ಲ. ಈ ಹಿನ್ನೆಲೆ ಇವರು ಅನ್​ಸೋಲ್ಡ್​ ಆಗಿದ್ದಾರೆ.

2011ರಲ್ಲಿ ಐಪಿಎಲ್​​ಗೆ ಪದಾರ್ಪಣೆ ಮಾಡಿದ್ದರು;ಅಗರ್ವಾಲ್​ 2011ಕ್ಕೆ ಐಪಿಎಲ್​ಗೆ ಪದಾರ್ಪಣೆ ಮಾಡಿದ್ದರು. ಬಳಿಕ 3 ವರ್ಷಗಳ ಕಾಲ ಅಂದರೆ 2011ರಿಂದ 13ರ ವರೆಗೆ ಆರ್​ಸಿಬಿ ತಂಡವನ್ನು ಪ್ರತಿನಿಧಿಸಿದ್ದರು. ಬಳಿಕ ಡೆಲ್ಲಿ ಕ್ಯಾಪಿಟಲ್ಸ್​ ಮತ್ತು ರೈಸಿಂಗ್​ ಪೂಣೆ ಸೂಪರ್​ ಜೈಂಟ್ಸ್​ ತಂಡದಲ್ಲಿ ಆಡಿದ್ದರು. 2018 ರಿಂದ 22ರ ವರೆಗೆ ಪಂಜಾಬ್​ ತಂಡವನ್ನು ಪ್ರತಿನಿಧಿಸಿದ್ದರು. ಈ ಅವಧಿಯಲ್ಲಿ ಒಟ್ಟು 60 ಪಂದ್ಯಗಳನ್ನು ಆಡಿದ್ದ ಅವರ 1513 ರನ್​ ಗಳಿಸಿದ್ದರು. ಇದರಲ್ಲಿ ಒಂದು ಶತಕ ಮತ್ತು 9 ಅರ್ಧಶತಕಗಳು ಸೇರಿವೆ. ಪ್ರಸ್ತುತ ಅವರು ಹರಾಜಿನಲ್ಲಿ ಅನ್​ಸೋಲ್ಡ್​ ಆಗಿದ್ದಾರೆ.

RCB ಸೇರಿದ ಭುವಿ:ಇದರ ನಡುವೆಯೇ ಖಷಿಯ ವಿಚಾರವೆಂದರೆ ಭಾರತದ ಸ್ಟಾರ್​ ವೇಗದ ಬೌಲರ್ ಆರ್​ಸಿಬಿ ಪಾಲಾಗಿದ್ದಾರೆ. ಕ್ರಿಕೆಟ್​ ಲೋಕದಲ್ಲಿ ಹಲವಾರು ದಾಖಲೆಗಳನ್ನು ಬರೆದಿದರುವ ಸ್ವಿಂಗ್​ ಕಿಂಗ್​ ಈ ಬಾರಿ ಆರ್​ಸಿಬಿ ಪರ ಕಣಕ್ಕಿಳಿಯುತ್ತಿದ್ದಾರೆ. ಹೌದು ಭುವನೇಶ್ವರ್​ ಕುಮಾರ್​ ಅವರನ್ನು ಆರ್​ಸಿಬಿ 10.75 ಕೋಟಿ ಕೊಟ್ಟು ಖರೀದಿ ಮಾಡಿದೆ. ಈ ಮೂಲಕ ಆರ್​ಸಿಬಿ ಬೌಲಿಂಗ್ ಬಲವನ್ನು ಹೆಚ್ಚಿಸಿದೆ.

ಇದನ್ನೂ ಓದಿ:IPL Mega Auction Live: ₹10.75 ಕೋಟಿಗೆ ಆರ್​ಸಿಬಿ ಪಾಲಾದ ಸ್ಟಾರ್​ ಬೌಲರ್​!