Thala For A Reason: ಅಮೆರಿಕದಲ್ಲಿ ನಡೆದ 2024ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್ ಟ್ರಂಪ್ ಭರ್ಜರಿ ಗೆಲುವು ಸಾಧಿಸಿ ಎರಡನೇ ಬಾರಿಗೆ ಅಧಿಕಾರದ ಗದ್ದುಗೆಗೇರಿದ್ದಾರೆ. ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಟ್ರಂಪ್, ಕಮಲಾ ಹ್ಯಾರಿಸ್ ಅವರ ಕಠಿಣ ಸ್ಪರ್ಧೆಯನ್ನು ಮೆಟ್ಟಿನಿಂತು 47ನೇ ಅಧ್ಯಕ್ಷರಾಗಿ ಗೆಲುವು ಸಾಧಿಸಿದ್ದಾರೆ. ಟ್ರಂಪ್ ಗೆಲುವಿನ ಬೆನ್ನಲ್ಲೇ ಎಂ.ಎಸ್ ಧೋನಿ ಅಭಿಮಾನಿಗಳು 'ಥಲಾ ಫಾರ್ ಎ ರೀಸನ್' ಎಂಬ ಮೆಮ್ಸ್ಗಳನ್ನು ಹಂಚಿಕೊಳ್ಳುತ್ತಿದ್ದು, ಟ್ರಂಪ್ ಗೆಲುವಿಗೆ ಧೋನಿ ಕಾರಣ ಎಂಬ ಮೆಮ್ಸ್ಗಳು ಭಾರೀ ವೈರಲ್ ಆಗುತ್ತಿವೆ.
ಅಮೆರಿಕ ಅಧ್ಯಕ್ಷರ ಚುನಾವಣೆ ಫಲಿತಾಂಶ ನ.6 (ಭಾರತೀಯ ಕಾಲಮಾನ) ಪ್ರಕಟಗೊಂಡಿದೆ. ಇದಕ್ಕೆ ಧೋನಿ ಅವರ ಜೆರ್ಸಿ ನಂಬರ್ ಆದ 7ಕ್ಕೆ ಹೋಲಿಸಿ ಥಲಾ ಫಾರ್ ಎ ರೀಸನ್ ಎಂದು ಅಭಿಮಾನಿಗಳು ಪೋಸ್ಟ್ ವೈರಲ್ ಮಾಡುತ್ತಿದ್ದಾರೆ. ಇದಕ್ಕೂ ಧೋನಿ ಜೆರ್ಸಿ ನಂಬರಿಗೂ ಏನು ಸಂಬಂಧ ಎಂಬ ಪ್ರಶ್ನೆ ನಿಮಗೆ ಕಾಡಬಹುದು. ಈ ಕುರಿತು ವೈರಲ್ ಆಗುತ್ತಿರುವ ಮೆಮ್ಸ್ ನೋಡೋಣ..
ಥಲಾ ಫಾರ್ ರೀಸನ್:ನಿನ್ನೆ ದಿನಾಂಕ 6-11-2024. ಧೋನಿ ಅಭಿಮಾನಿಗಳ ಲೆಕ್ಕಾಚಾರದ ಪ್ರಕಾರ ಈ ದಿನಾಂಕವನ್ನು (6+1+1+2+2+4=16) ಕೂಡಿಸಿದರೆ ಉತ್ತರ 16 ಬರುತ್ತದೆ. ಇವರೆಡನ್ನು ಕೂಡಿಸಿದರೆ ಅಂದರೆ 6+1=7 ಆಗುತ್ತದೆ. ಹಾಗಾಗಿ ಟ್ರಂಪ್ ಗೆಲುವಿಗೆ ಧೋನಿ ಕಾರಣ ಎಂದು ಮೆಮ್ಸ್ ಹಂಚಿಕೊಂಡಿದ್ದಾರೆ.
ಮತ್ತೆ ಕೆಲವರು America ಇದು 7 ಅಕ್ಷರಗಳಿಂದ ಕೂಡಿರುವ ಕಾರಣ ಟ್ರಂಪ್ ಗೆಲುವಿಗೆ ಥಲಾ ಕಾರಣ ಎಂದಿದ್ದಾರೆ. ಹಾಗೆ ಟ್ರಂಪ್ 47ನೇ ಅಧ್ಯಕ್ಷರಾಗಿದ್ದರಿಂದ ಕೊನೆಯ ಸಂಖ್ಯೆ 7 ಇದ್ದು ಇದು ಕೂಡ ಕಾರಣ ಎಂದಿದ್ದಾರೆ.