Turmeric Coffee Recipe:ಕಾಫಿ. ಬಹುತೇಕರ ಇಷ್ಟದ ಪೇಯ. ಪ್ರತೀ ದಿನ ಬೆಳಿಗ್ಗೆ ಮತ್ತು ಸಂಜೆಯ ಸಮಯದಲ್ಲಿ ಮಿಸ್ ಮಾಡದೇ ಕಾಫಿ ಕುಡಿಯುತ್ತಾರೆ. ಕೆಲಸದ ಒತ್ತಡದಿಂದ ಮುಕ್ತಿ ಪಡೆಯಲು ಆಗಾಗ್ಗೆ ಕಾಫಿ ಸವಿಯುವುದುಂಟು.
ಈ ಕಾಫಿಯಲ್ಲಿ ಹಲವು ಬಗೆಯ ಫ್ಲೇವರ್‌ಗಳಿವೆ. ಇದೀಗ ಹೊಸ ಬಗೆಯ ಕಾಫಿ ಟ್ರೆಂಡಿಂಗ್ ಆಗುತ್ತಿದೆ. ತನ್ನದೇ ಆದ ಅಭಿಮಾನಿಗಳನ್ನು ಹೊಂದಿರುವ ಈ ಕಾಫಿ ಎಲ್ಲರನ್ನೂ ಆಕರ್ಷಿಸುತ್ತಿದೆ. ಅದುವೇ ಅರಿಶಿನದ ಕಾಫಿ. ಇದನ್ನು 'ಗೋಲ್ಡನ್ ಮಿಲ್ಕ್ ಲ್ಯಾಟೆ' ಎಂದೂ ಕರೆಯಲಾಗುತ್ತದೆ.
ಇತ್ತೀಚಿನ ದಿನಗಳಲ್ಲಿ ಜನರು ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಅರಿಶಿನದ ಕಾಫಿಯ ಪ್ರಯೋಜನಗಳೇನು? ಆರೋಗ್ಯ ತಜ್ಞರು ಏನೆನ್ನುತ್ತಾರೆ? ಈ ಕಾಫಿ ತಯಾರಿಸುವುದು ಹೇಗೆ? ಎಂಬುದನ್ನು ತಿಳಿಯೋಣ.
ಅರಿಶಿನ ಕಾಫಿಯ ಲಾಭಗಳೇನು?:
ಅರಿಶಿನದಲ್ಲಿ ಕರ್ಕ್ಯುಮಿನ್ ಉತ್ಕರ್ಷಣ ನಿರೋಧಕಗಳು, ಉರಿಯೂತ ಮತ್ತು ಪ್ರತಿರಕ್ಷಣಾ ವರ್ಧಕ ಗುಣಗಳು ಸಮೃದ್ಧವಾಗಿವೆ. ಇದನ್ನು ಕಾಫಿಯೊಂದಿಗೆ ಬೆರೆಸಿದಾಗ ರುಚಿ ಹೆಚ್ಚಿಸುವುದಲ್ಲದೆ, ಹಲವಾರು ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ ಎಂದು ತಜ್ಞರು ತಿಳಿಸುತ್ತಾರೆ.
ಈ ಕಾರಣದಿಂದ ಅರಿಶಿನ ಕಾಫಿಯ ಜನಪ್ರಿಯತೆಯು ವಿಶ್ವಾದ್ಯಂತ ಹೆಚ್ಚುತ್ತಿದೆ. ಈ ಕಾಫಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ದೇಹದಲ್ಲಿ ಉರಿಯೂತ ಕಡಿಮೆ ಮಾಡುತ್ತದೆ.
ಸಂಧಿವಾತ ಮತ್ತು ಸ್ನಾಯು ನೋವಿನಿಂದ ಉತ್ತಮ ಪರಿಹಾರವನ್ನು ನೀಡುತ್ತದೆ. ಕಾಫಿ ಮತ್ತು ಅರಿಶಿನ ಎರಡರಲ್ಲೂ ಉತ್ಕರ್ಷಣ ನಿರೋಧಕಗಳು ಅಧಿಕವಾಗಿವೆ. ಇವೆರಡು ಜೀವಕೋಶಗಳನ್ನು ಸರಿಪಡಿಸುತ್ತದೆ ಹಾಗೂ ಅಕಾಲಿಕ ವಯಸ್ಸನ್ನು ತಡೆಯುತ್ತಾರೆ.
ಆ್ಯಂಟಿ ಬ್ಯಾಕ್ಟೀರಿಯಲ್, ಆ್ಯಂಟಿ ವೈರಸ್ ಮತ್ತು ಆ್ಯಂಟಿ ಫಂಗಲ್ ಗುಣಲಕ್ಷಣಗಳು ಚಳಿಗಾಲದಲ್ಲಿ ಶೀತಗಳು ಮತ್ತು ಇತರ ಸೋಂಕುಗಳನ್ನು ತಡೆಯುತ್ತದೆ.
ಸಾಮಾನ್ಯವಾಗಿ ಕಾಫಿಯ ಆಮ್ಲೀಯ ಗುಣಗಳು ಅನಿಲವನ್ನು ಉಂಟುಮಾಡುತ್ತವೆ. ಆದರೆ, ಅರಿಶಿನದಿಂದ ತಯಾರಿಸಿದ ಕಾಫಿ ಹೊಟ್ಟೆನೋವು ಮತ್ತು ಅಜೀರ್ಣವನ್ನು ಹೋಗಲಾಡಿಸುವುದು ಮಾತ್ರವಲ್ಲದೆ, ಜೀರ್ಣಾಂಗ ವ್ಯವಸ್ಥೆಯ ಆರೋಗ್ಯ ಕಾಪಾಡುತ್ತದೆ.
ಮೆದುಳು ಮತ್ತು ಹೃದಯವನ್ನು ಆರೋಗ್ಯವಾಗಿರಿಸಲು ಸಹಾಯ ಮಾಡುತ್ತದೆ.
ಅರಿಶಿನ ಕಾಫಿ ತಯಾರಿಸುವುದು ಹೇಗೆ?:
ನಿಮ್ಮ ಆಯ್ಕೆಯ ಕಾಫಿಯನ್ನು ಮೊದಲು ಸಿದ್ಧಪಡಿಸಿಕೊಳ್ಳಿ. ಅದು ಬಿಸಿ ಬಿಸಿಯಾಗಿರುವಾಗ, ಅರ್ಧ ಚಮಚ ಅರಿಶಿನ, ಚಿಟಿಕೆ ಕಾಳುಮೆಣಸಿನ ಪುಡಿ ಮತ್ತು ಕಾಲು ಚಮಚ ದಾಲ್ಚಿನ್ನಿ ಪುಡಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
ಅಷ್ಟೇ, ಅದ್ಭುತವಾದ ಟೇಸ್ಟಿ ಮತ್ತು ಆರೋಗ್ಯಕರ ಅರಿಶಿನ ಕಾಫಿ ಸಿದ್ಧ.
ಈ ಕಾಫಿ ಕುಡಿಯುವವರಿಗೆ ಹೊಸ ಪರಿಮಳದ ಪರಿಚಯವಾಗುತ್ತದೆ ಹಾಗೂ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಒಮ್ಮೆ ಟ್ರೈ ಮಾಡಿ.
