ಉಪಹಾರದಲ್ಲಿ ಬರೀ ಶೇಂಗಾ, ಕೊಬ್ಬರಿ ಚಟ್ನಿ ಸೇವಿಸಿ ಬೇಸರವಾಗಿದೆಯೇ? ನಿಮಗಾಗಿ ಇಲ್ಲಿದೆ ನೋಡಿ ಚೆನ್ನೈನ 'ಮುರುಗನ್ ಚಟ್ನಿ'

ಪ್ರತಿನಿತ್ಯ ಉಪಹಾರದಲ್ಲಿ ಶೇಂಗಾ ಹಾಗೂ ಕೊಬ್ಬರಿ ಚಟ್ನಿ ಸೇವಿಸಿ ಬೇಸರ ತರಿಸಿದೆಯೇ? ಹಾಗಾದ್ರೆ ನಾವು ನಿಮಗಾಗಿ ಚೆನ್ನೈನ ಪ್ರಸಿದ್ಧ ಮುರುಗನ್ ಚಟ್ನಿ ರೆಸಿಪಿಯನ್ನು ತಂದಿದ್ದೇವೆ. ಈ ಚಟ್ನಿ ಸಿದ್ಧಪಡಿಸೋದು ಹೇಗೆ ಎಂಬುದನ್ನು ತಿಳಿಸುತ್ತೇವೆ.

Murugan Chutney Recipe :ಮನೆ ಹಾಗೂ ಹೋಟೆಲ್​ಗಳಲ್ಲಿ ಸಾಮಾನ್ಯವಾಗಿ ಇಡ್ಲಿ, ದೋಸೆ, ಬಜ್ಜಿ, ವಡೆ, ಉಪ್ಪಿಟ್ಟು ಸೇರಿದಂತೆ ವಿವಿಧ ಉಪಹಾರಗಳಲ್ಲಿ ಶೇಂಗಾ ಇಲ್ಲವೇ ಕೊಬ್ಬರಿ ಚಟ್ನಿಯನ್ನು ಸೇವಿಸುತ್ತೇವೆ. ಇನ್ನೂ ಕೆಲವರು ಇಡ್ಲಿಗಳಿಗಾಗಿ ವಿಶೇಷವಾಗಿರುವಂತಹ ಸಾಂಬಾರ್ ಸಿದ್ಧಪಡಿಸುತ್ತಾರೆ. ಪ್ರತಿದಿನ ಒಂದೇ ರೀತಿಯ ಚಟ್ನಿ ಮಾಡುವ ಬದಲು ಈ ಬಾರಿ ಚೆನ್ನೈನ ಪ್ರಸಿದ್ಧ ಮುರುಗನ್ ಚಟ್ನಿಯ ಟ್ರೈ ಮಾಡಿ ನೋಡಿ. ರುಚಿಕರ ಮುರುಗನ್ ಚಟ್ನಿಯನ್ನು ಇಡ್ಲಿ, ದೋಸೆ ಮತ್ತು ಉಪ್ಪಿಟ್ಟಿನ ಜೊತೆಗೆ ಹೊಂದಿಕಯಾಗುತ್ತದೆ. ಈ ಚಟ್ನಿ ಮಾಡುವುದು ಕೂಡ ತುಂಬಾ ಸುಲಭ. ಮನೆಯಲ್ಲಿ ಲಭ್ಯವಿರುವ ಪದಾರ್ಥಗಳಿಂದ ಮುರುಗನ್ ಚಟ್ನಿಯನ್ನು ತಯಾರಿಸಬಹುದು. ಮುರುಗನ್ ಚಟ್ನಿಯನ್ನು ಸರಳ ರೀತಿಯಲ್ಲಿ ಹೇಗೆ ತಯಾರಿಸಬೇಕು ಎಂಬುದನ್ನು ತಿಳಿಯೋಣ.

ಮುರುಗನ್ ಚಟ್ನಿಗೆ ಬೇಕಾಗಿರುವ ಪದಾರ್ಥಗಳೇನು ?

• ಹಣ್ಣಾಗಿರುವ ಟೊಮೆಟೊ - 4
• ಎಣ್ಣೆ - 2 ಚಮಚ
• ಸಾಸಿವೆ - 1 ಟೀಸ್ಪೂನ್
• ಸಿಪ್ಪೆ ಸುಲಿದ ಬಾದಾಮಿ - ¼ ಕಪ್
• ಒಣಮೆಣಸಿನಕಾಯಿ - 6
• ಬೆಳ್ಳುಳ್ಳಿ ಎಸಳು - 5
• ತುರಿದ ಬೆಲ್ಲ - ಅರ್ಧ ಟೀಸ್ಪೂನ್
• ಇಂಗು - ಒಂದು ಚಿಟಿಕೆ
• ಉಪ್ಪು - ರುಚಿಗೆ ತಕ್ಕಷ್ಟು

ಒಗ್ಗರಣೆಗಾಗಿ ಬೇಕಾಗುವ ಸಾಮಗ್ರಿಗಳು :

• ಎಣ್ಣೆ - 1 ಟೀಸ್ಪೂನ್
• ಸಾಸಿವೆ - 1 ಟೀಸ್ಪೂನ್
• ಕರಿಬೇವು - ಸ್ವಲ್ಪ

ಮುರುಗನ್ ಚಟ್ನಿ ತಯಾರಿಸುವ ವಿಧಾನ :

• ಮೊದಲು ಹಣ್ಣಾಗಿರುವ ಟೊಮೆಟೊಗಳನ್ನು ಮಧ್ಯಮ ಗಾತ್ರದ ಪೀಸ್​ಗಳಾಗಿ ಕತ್ತರಿಸಿ ಪಕ್ಕಕ್ಕೆ ಇಡಿ.
• ಬೆಳ್ಳುಳ್ಳಿ ಎಸಳುಗಳನ್ನು ಸಿಪ್ಪೆ ತೆಗೆದು ಪಕ್ಕಕ್ಕೆ ಇಡಿ.
• ಈಗ ಒಲೆಯ ಮೇಲೆ ಪಾತ್ರೆ ಇಟ್ಟು, ಅದರೊಳಗೆ ಎಣ್ಣೆ ಹಾಕಿ ಬಿಸಿ ಮಾಡಬೇಕಾಗುತ್ತದೆ. ನಂತರ ಸಾಸಿವೆ ಹಾಗೂ ಸಿಪ್ಪೆ ಸುಲಿದ ಬಾದಾಮಿ ಹಾಕಿ ಹುರಿಯಿರಿ. ಸರಿಯಾಗಿ ಬೇಯಿಸಲು ಕಡಿಮೆ ಉರಿಯನ್ನು ಹೊಂದಿಸಿ. ಈಗ ಒಣಗಿದ ಮೆಣಸಿನಕಾಯಿ ಹಾಗೂ ಬೆಳ್ಳುಳ್ಳಿ ಎಸಳುಗಳನ್ನು ಸೇರಿಸಿ ಹುರಿಯಿರಿ.
• ಬಳಿಕ ಟೊಮೆಟೊ ಹೋಳುಗಳು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
• ಟೊಮೆಟೊ ಬೇಯುತ್ತಿರುವಾಗ ತುರಿದ ಬೆಲ್ಲ ಮತ್ತು ಇಂಗು ಹಾಕಿ ಮಿಶ್ರಣ ಮಾಡಿ.
• ಟೊಮೆಟೊ ಸಂಪೂರ್ಣವಾಗಿ ಬೆಂದ ಬಳಿಕ ಒಲೆ ಆಫ್ ಮಾಡಿ. ಈ ಮಿಶ್ರಣ ಸಂಪೂರ್ಣವಾಗಿ ತಣ್ಣಗಾದ ನಂತರ ಅದನ್ನು ಮಿಕ್ಸಿಂಗ್ ಬೌಲ್‌ಗೆ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ.
• ಈ ಚಟ್ನಿಯನ್ನು ಒಂದು ಮಿಕ್ಸಿಂಗ್ ಬೌಲ್‌ನಲ್ಲಿ ತೆಗೆದುಕೊಂಡು ಅದಕ್ಕೆ ಸಾಕಷ್ಟು ನೀರು ಸೇರಿಸಬೇಕಾಗುತ್ತದೆ. ಈ ಹಂತದಲ್ಲಿ ಚಟ್ನಿಯಲ್ಲಿರುವ ಉಪ್ಪಿನ ರುಚಿ ನೋಡಿ.
• ಇದೀಗ ಒಗ್ಗರಣೆಗಾಗಿ ಮತ್ತೊಂದು ಪಾತ್ರೆಯಲ್ಲಿ ಸ್ವಲ್ಪ ಎಣ್ಣೆ ಸೇರಿಸಿ. ಸ್ವಲ್ಪ ಬಿಸಿಯಾದ ನಂತರ ಸಾಸಿವೆ ಮತ್ತು ಕರಿಬೇವು ಸೇರಿಸಿ ಸ್ವಲ್ಪ ಹೊತ್ತು ಹುರಿಯಿರಿ.
• ನಂತರ ಚಟ್ನಿಗೆ ಸಿದ್ಧವಾದ ಒಗ್ಗರಣೆಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಬೇಕಾಗುತ್ತದೆ.
• ಇದೀಗ ರುಚಿಕರವಾದ ಚೆನ್ನೈನ ಫೇಮಸ್ ಮುರುಗನ್ ಚಟ್ನಿ ಸಿದ್ಧವಾಗಿದೆ.
• ಈ ಮುರುಗನ್ ಚಟ್ನಿ ನಿಮಗೆ ಇಷ್ಟವಾದರೆ ಮನೆಯಲ್ಲಿಯೇ ಪ್ರಯತ್ನಿಸಿ ನೋಡಿ.

ಇವುಗಳನ್ನೂ ಓದಿ: