ಎಣ್ಣೆ ಇಲ್ಲದೆಯೇ ಪೂರಿ ಸಿದ್ಧಪಡಿಸೋದು ತುಂಬಾ ಸುಲಭ: ತೂಕ ಇಳಿಸಲು ಪ್ರಯತ್ನಿಸುವವರಿಗೆ ಒಳ್ಳೆಯದು!

ಎಣ್ಣೆಯಲ್ಲಿ ಕರಿಯದೇ ಸಾಫ್ಟ್ ಆದ ಪೂರಿಗಳನ್ನು ತುಂಬಾ ಸರಳವಾಗಿ ಸಿದ್ಧಪಡಿಸಬಹುದು. ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವವರಿಗೆ ಈ ಪೂರಿಗಳು ಉತ್ತಮ ಆಯ್ಕೆಯಾಗಿದೆ. ಆಯಿಲ್​ ಫ್ರೀ ಪೂರಿ ಮಾಡುವುದು ಹೇಗೆ ಎಂಬುದನ್ನು ತಿಳಿಯೋಣ..

How To Make Poori Without Oil:ಬಹುತೇಕ ಜನರು ಪೂರಿಗಳನ್ನು ಹೆಚ್ಚು ಇಷ್ಟಪಟ್ಟು ಸೇವಿಸುತ್ತಾರೆ. ಬೆಳಗಿನ ಉಪಹಾರಕ್ಕಾಗಿ ಬಿಸಿ ಬಿಸಿಯಾದ ಪೂರಿಗಳನ್ನು ಆಲೂ ಕರಿಯೊಂದಿಗೆ ಸೇವಿಸಿದರೆ ರುಚಿಯೂ ಅದ್ಭುತವಾಗಿರುತ್ತೆ. ಈ ಪೂರಿಗಳನ್ನು ಚಿಕನ್ ಹಾಗೂ ಮಟನ್ ಕರಿಗಳ ಜೊತೆಗೆ ಸೇವಿಸಿದರೆ, ಮನೆಯವರೆಲ್ಲರೂ ಇಡೀ ಪಾತ್ರೆಯನ್ನೇ ಖಾಲಿ ಮಾಡುತ್ತಾರೆ. ಎಣ್ಣೆಯಲ್ಲಿ ಕರಿದ ಪೂರಿಗಳನ್ನು ಸೇವಿಸಿದರೆ ವೇಟ್​ ಹೆಚ್ಚಾಗುವ ಭಯ ಕಾಡುತ್ತದೆ. ಆದ್ರೆ, ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವವರಿಗೆ ಮತ್ತು ಡಯಟ್ ಮಾಡುತ್ತಿರುವವರಿಗಾಗಿಯೇ ಆಯಿಲ್​ ಫ್ರೀ ಪೂರಿಗಳನ್ನು ಮಾಡುವುದು ಹೇಗೆ ಎಂಬುದನ್ನು ತಿಳಿಸುತ್ತೇವೆ. ಎಣ್ಣೆಯಿಲ್ಲದ ನಯವಾದ ಪೂರಿಗಳನ್ನು ಸವಿಯಬಹುದು. ಎಣ್ಣೆ ಇಲ್ಲದೆ ಪೂರಿ ಮಾಡುವುದು ಹೇಗೆ? ತಯಾರಿಸುವ ವಿಧಾನಗಳ ಕುರಿತು ಅರಿತುಕೊಳ್ಳೋಣ.

ಆಯಿಲ್​ ಫ್ರೀ ಪೂರಿಗೆ ಬೇಕಾಗುವ ಪದಾರ್ಥಗಳು:

• ಗೋಧಿ ಹಿಟ್ಟು - ಕಪ್
• ಮೊಸರು - 2 ಟೀಸ್ಪೂನ್
• ಉಪ್ಪು- ರುಚಿಗೆ ತಕ್ಕಷ್ಟು
• ನೀರು - ಅಗತ್ಯಕ್ಕೆ ತಕ್ಕಷ್ಟು

ಆಯಿಲ್​ ಫ್ರೀ ಪೂರಿ ಮಾಡುವುದು ಹೇಗೆ?

• ಮೊದಲು ಮಿಕ್ಸಿಂಗ್ ಬೌಲ್​ನಲ್ಲಿ ಗೋಧಿ ಹಿಟ್ಟು ಹಾಗೂ ರುಚಿಗೆ ತಕ್ಕಷ್ಟು ಉಪ್ಪುನ್ನು ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಿ.
• ನಂತರ ಹಿಟ್ಟಿಗೆ ಮೊಸರು ಸೇರಿಸಿ, ಮತ್ತೆ ಸರಿಯಾಗಿ ಮಿಶ್ರಣ ಮಾಡಿ.
• ಈಗ ಹಿಟ್ಟಿಗೆ ಅಗತ್ಯವಿದ್ದಷ್ಟು ನೀರನ್ನು ಅಂದ್ರೆ, ಸ್ವಲ್ಪ ಸ್ವಲ್ಪವೇ ಹಾಕಿ ಕಲಸಿಕೊಳ್ಳಬೇಕು.. ನೀವು ಸಿದ್ಧಪಡಿಸುವ ಹಿಟ್ಟನ್ನು ಚಪಾತಿ ಹಿಟ್ಟಿನ ರೀತಿಯಲ್ಲಿ ಕಲಸಿ.
• ಹಿಟ್ಟನ್ನು ಮೃದುವಾಗಿ ಬೆರೆಸಿದ ನಂತರ, ಬೌಲ್ ಅನ್ನು ಮುಚ್ಚಿ ಇಡಬೇಕು, 20 ನಿಮಿಷಗಳ ಕಾಲ ಹಾಗೆ ಇಡಿ.
• ಬಳಿಕ ಹಿಟ್ಟನ್ನು ಸಣ್ಣ ಉಂಡೆಗಳನ್ನಾಗಿ ಮಾಡಿ ಇಟ್ಟುಕೊಳ್ಳಬೇಕು. ಚಪಾತಿ ಮಣೆಯ ಮೇಲೆ ಹಿಟ್ಟಿನ ಉಂಡೆಯನ್ನು ಹಾಕಿ ಸ್ವಲ್ಪ ದಪ್ಪಗೆ ಆಗುವಂತೆ ಚಪಾತಿಯ ಲತ್ತುಗುಣಿಯಿಂದ ಪೂರಿಗಳನ್ನು ತಯಾರಿಸಿ ಇಟ್ಟುಕೊಳ್ಳಿ. ಹೀಗೆ ಎಲ್ಲಾ ಪೂರಿಗಳನ್ನು ಸಿದ್ಧಪಡಿಸಿ ಇಟ್ಟುಕೊಳ್ಳಿ.
• ನಂತರ ಒಲೆಯ ಮೇಲೆ ಪಾತ್ರೆ ಇಡಿ ಮತ್ತು 2 ಗ್ಲಾಸ್ ನೀರನ್ನು ಸುರಿಯಿರಿ. ನೀರು ಚೆನ್ನಾಗಿ ಕುದಿಯುವಾಗ, ಪೂರಿಗಳನ್ನು ಅದರೊಳಗೆ ಸೇರಿಸಿ ಮತ್ತು 2 ನಿಮಿಷ ಬೇಯಿಸಲು ಬಿಡಿ.
• ಪೂರಿಗಳು ನೀರಿನ ಮೇಲೆ ತೇಲಿದ ತಕ್ಷಣವೇ, ಅವುಗಳನ್ನು ತಟ್ಟೆಗೆ ತೆಗೆದುಕೊಳ್ಳಿ. ಎಲ್ಲಾ ಪೂರಿಗಳನ್ನು ಸ್ವಲ್ಪ ಸಮಯದವರೆಗೆ ನೀರಿನಲ್ಲಿ ಬೇಯಿಸಿ. ನಂತರ ಪಕ್ಕಕ್ಕೆ ಇರಿಸಿ.
• ಈಗ ನೀರಿನಲ್ಲಿ ಬೇಯಿಸಿದ ಪೂರಿಗಳ ಮೇಲಿನ ತೇವಾಂಶವನ್ನು ಒಣ ಬಟ್ಟೆಯಿಂದ ಒರೆಸಿ ಇಡಬೇಕು.
• ನಂತರ ಪೂರಿಗಳನ್ನು ಏರ್ ಫ್ರೈಯರ್‌ನಲ್ಲಿ ಹಾಕಿ. ಅವುಗಳನ್ನು 180 ಡಿಗ್ರಿಗಳಲ್ಲಿ ನಾಲ್ಕು ನಿಮಿಷಗಳ ಕಾಲ ತಯಾರಿಸಿ.
• ಇಷ್ಟಾದರೆ ಸಾಕು, ಸಿಂಪಲ್ ಆಗಿ ಎಣ್ಣೆ ಇಲ್ಲದೆ ಸೂಪರ್ ಟೇಸ್ಟಿ ಪೂರಿ ರೆಡಿ ಆಗುತ್ತವೆ.
• ಈ ಬಿಸಿ ಬಿಸಿ ಪೂರಿಗಳನ್ನು ಆಲೂ ಕರಿಯೊಂದಿಗೆ ತಿಂದರೆ ರುಚಿಯೂ ಅದ್ಭುತ.
• ಆಯಿಲ್​ ಫ್ರೀ ಪೂರಿ ನಿಮಗೆ ಇಷ್ಟವಾಗಿದ್ದರೆ ಮನೆಯಲ್ಲಿಯೇ ಒಮ್ಮೆ ಪ್ರಯತ್ನಿಸಿ ನೋಡಿ.

ಇದನ್ನೂ ಓದಿ:ಬಾಯಲ್ಲಿಟ್ಟರೆ ಕರಗುವ ಆಯಿಲ್​ ಫ್ರೀ ಮಿಲ್ಕ್ ಗುಲಾಬ್ ಜಾಮೂನ್: ರೆಡಿ ಮಾಡಲು ಹಿಟ್ಟು- ತುಪ್ಪ ಬೇಕಿಲ್ಲ, ಹಾಲು ಮತ್ತು ಸಕ್ಕರೆ ಇದ್ದರೆ ಸಾಕು!