Green Chilli Chutney: ಕೆಲವರಿಗೆ ಪಲ್ಯಕ್ಕಿಂತ ಚಟ್ನಿ ತುಂಬಾ ಹಿಡಿಸುತ್ತದೆ. ಅಂಥವರಿಗಾಗಿ ಸೂಪರ್ ಟೇಸ್ಟಿ ಗ್ರೀನ್ ರೆಸಿಪಿಯನ್ನು ನಾವು ತಂದಿದ್ದೇವೆ. ಅದುವೇ ಮಹಾರಾಷ್ಟ್ರ ಶೈಲಿಯ ಹಸಿಮೆಣಸಿನಕಾಯಿ ಚಟ್ನಿ.
ಪ್ರತಿನಿತ್ಯ ಪಲ್ಯ ಮತ್ತು ಉಪ್ಪಿನಕಾಯಿ ತಿಂದು ಬೇಜಾರಾಗಿದ್ದರೆ, ಈ ಹಸಿಮೆಣಸಿನಕಾಯಿ ಚಟ್ನಿಯನ್ನೊಮ್ಮೆ ಟ್ರೈ ಮಾಡಿ ನೋಡಿ. ಈ ಚಟ್ನಿಯನ್ನು ಬಿಸಿ ಅನ್ನ ಹಾಗೂ ರೊಟ್ಟಿಯೊಂದಿಗೆ ಸೇವಿಸಿದರೆ ರುಚಿ ಅದ್ಭುತವಾಗಿರುತ್ತದೆ.
ಕೆಲವೇ ನಿಮಷಗಳಲ್ಲಿ ಈ ರೆಸಿಪಿಯನ್ನು ಬಹಳ ಸುಲಭವಾಗಿ ಮಾಡಬಹುದು. ಹಸಿಮೆಣಸಿನಕಾಯಿ ಚಟ್ನಿಗೆ ಬೇಕಾದ ಪದಾರ್ಥಗಳೇನು? ತಯಾರಿಸುವುದು ವಿಧಾನ ಹೇಗೆ ಎಂಬುದನ್ನು ಕಲಿಯೋಣ.
ಚಟ್ನಿ ರೆಸಿಪಿಗೆ ಬೇಕಾಗುವ ಪದಾರ್ಥಗಳೇನು?:
- ಬಜ್ಜಿ ತಯಾರಿಸುವಂತಹ ಹಸಿಮೆಣಸಿನಕಾಯಿ - 8
- ಚಿಕ್ಕ ಮೆಣಸಿನಕಾಯಿ - 50 ಗ್ರಾಂ (ಮಧ್ಯಮ ಖಾರವಿರುವ)
- ಜೀರಿಗೆ - 1 ಟೀಸ್ಪೂನ್
- ಬೆಳ್ಳುಳ್ಳಿ ಎಸಳು - 25 (ಸಿಪ್ಪೆ ಸುಲಿದ)
- ಉಪ್ಪು - ರುಚಿಗೆ ತಕ್ಕಷ್ಟು
- ಅಡುಗೆ ಎಣ್ಣೆ- ಸ್ವಲ್ಪ
- ಶೇಂಗಾ - ಕಾಲು ಕಪ್
- ಕೊತ್ತಂಬರಿ ಸೊಪ್ಪು ಪುಡಿ - ಸ್ವಲ್ಪ
ಚಟ್ನಿ ಮಾಡುವುದು ಹೇಗೆ?:
- ಇದಕ್ಕಾಗಿ ಮೊದಲು ಬಜ್ಜಿ ತಯಾರಿಸುವಂತಹ ಹಸಿಮೆಣಸಿನಕಾಯಿ ತುಂಬನ್ನು ತೆಗೆದು ಸ್ವಚ್ಛವಾಗಿ ತೊಳೆದುಕೊಳ್ಳಬೇಕು. ನಂತರ ಒಂದು ಇಂಚು ಗಾತ್ರದ ಸಣ್ಣ ತುಂಡುಗಳಾಗಿ ಕತ್ತರಿಸಿ ಪಕ್ಕಕ್ಕೆ ಇಟ್ಟುಕೊಳ್ಳಿ.
- ಚಿಕ್ಕ ಮೆಣಸಿನಕಾಯಿ ತುಂಬನ್ನು ತೆಗೆದು ಸ್ವಚ್ಛವಾಗಿ ತೊಳೆದುಕೊಳ್ಳಿ. ಇವುಗಳನ್ನೂ ಎರಡು ಎರಡು ಪೀಸ್ ಆಗಿ ಕತ್ತರಿಸಿ.
- ಈಗ ಒಲೆಯ ಆನ್ ಮಾಡಿ, ಬಜ್ಜಿ ತಯಾರಿಸುವಂತಹ ಹಸಿಮೆಣಸಿನಕಾಯಿ ಹಾಗೂ ಸಣ್ಣ ಮೆಣಸಿನಕಾಯಿ ತುಂಡುಗಳನ್ನು ಹಾಕಿ ಹುರಿದುಕೊಳ್ಳಬೇಕಾಗುತ್ತದೆ.
- ಹೀಗೆ ಮೆಣಸಿನಕಾಯಿಯಲ್ಲಿ ಕಪ್ಪು ಕಲೆಗಳು ಕಾಣಿಸಿಕೊಳ್ಳುವವರೆಗೆ ಫ್ರೈ ಮಾಡಿಕೊಳ್ಳಿ.
- ಮೆಣಸಿನಕಾಯಿ ಬಣ್ಣ ಬದಲಾದಾಗ ಸ್ವಲ್ಪ ಎಣ್ಣೆ ಹಾಕಿ ಹುರಿದುಕೊಳ್ಳಿ.
- ಅದಾ ನಂತರ ಜೀರಿಗೆ, ಬೆಳ್ಳುಳ್ಳಿ ಎಸಳು ಹಾಗೂ ಶೇಂಗಾ ಹಾಕಿ ಹುರಿಯಿರಿ. ಒಲೆಯ ಮೇಲೆ ಮಧ್ಯಮದ ಉರಿಯಲ್ಲಿ ಫ್ರೈ ಮಾಡಿ.
- ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಮಿಶ್ರಣ ಮಾಡಿಕೊಳ್ಳಿ.
- ಬಳಿಕ ಕೊತ್ತಂಬರಿ ಸೊಪ್ಪು ಹಾಕಿ ಸ್ಟವ್ ಆಫ್ ಮಾಡಿಕೊಳ್ಳಿ.
- ಈಗ ಇಡೀ ಮಿಶ್ರಣವನ್ನು ತೆಗೆದುಕೊಂಡು ನುಣ್ಣಗೆ ರುಬ್ಬಿಕೊಳ್ಳಿ. ಪುಡಿಮಾಡಿದ ನಂತರ ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ.
- ರುಬ್ಬುವಾಗ ನೀರು ಸುರಿಯಬೇಡಿ. ನೀವು ಮಿಕ್ಸಿ ಜಾರ್‌ನಲ್ಲಿ ರುಬ್ಬುತ್ತಿದ್ದರೆ, ಅದನ್ನು ಒರಟಾಗಿ ರುಬ್ಬಿಕೊಳ್ಳಿ.
- ಈ ರೀತಿ ಸರಳವಾಗಿ ಮಾಡಿದರೆ ಸಾಕು, ಮಹಾರಾಷ್ಟ್ರ ಶೈಲಿಯ ಹಸಿ ಮೆಣಸಿನಕಾಯಿ ತುಂಬಾ ರುಚಿಕರವಾಗಿ ಮಾಡಬಹುದು.
- ನಿಮಗೆ ಇಷ್ಟವಾದಲ್ಲಿ ಒಮ್ಮೆ ಈ ರೆಸಿಪಿಯನ್ನು ಟ್ರೈ ಮಾಡಿ.
