ಹೈದರಾಬಾದ್:ಕೋಲ್ಡ್ ಡ್ರಿಕ್ಸ್, ಚಿಪ್ಸ್, ಕುಕ್ಕಿಗಳಂತಹ ಅಲ್ಟ್ರಾ ಪ್ರೊಸೆಸ್ (ಹೆಚ್ಚು ಸಂಸ್ಕರಿತ) ಆಹಾರಗಳು ಬಾಯಿ ರುಚಿ ಹೆಚ್ಚಿಸುವುದು ಸುಳ್ಳಲ್ಲ. ಆದರೆ, ಈ ರೀತಿಯ ಆಹಾರಗಳನ್ನು ಸೇವಿಸುವ ಮುನ್ನ ಇದೀಗ ಮತ್ತೊಮ್ಮೆ ಯೋಚಿಸಬೇಕಿದೆ. ಕಾರಣ, ಇವು ಯೋಚನಾ ಸಾಮರ್ಥ್ಯ ಕುಗ್ಗಿಸಿ, ಅರಿವಿನ ನಷ್ಟಕ್ಕೆ ಜೊತೆಗೆ ಪಾರ್ಶ್ವವಾಯುಗೆ ಕಾರಣವಾಗಬಹುದು ಎಂದು ಅಧ್ಯಯನವೊಂದು ಹೆಚ್ಚಿಸಿದೆ.
ಈ ಸಂಬಂಧ ಮೆಸ್ಸಾಚ್ಯೂಸೆಟ್ ಆಸ್ಪತ್ರೆ ಸಂಶೋಧಕರು ಅಧ್ಯಯನ ನಡೆಸಿದ್ದಾರೆ. ಈ ವೇಳೆ, ಹೆಚ್ಚು ಸಂಸ್ಕರಿತ ಆಹಾರ ಸೇವನೆಯು ಅರಿವಿನ ಕೊರತೆ ಸಮಸ್ಯೆಯೊಂದಿಗೆ ಸಂಬಂಧ ಹೊಂದಿರುವುದು ಕಂಡು ಬಂದಿದೆ. ಅಲ್ಟ್ರಾ ಪ್ರೊಸೆಸ್ಡ್ ಆಹಾರಗಳಲ್ಲಿ ಹೆಚ್ಚಿನ ಮಟ್ಟದಲ್ಲಿ ಸಕ್ಕರೆ, ಕೊಬ್ಬು ಮತ್ತು ಉಪ್ಪಿನ ಅಂಶವನ್ನು ಹೊಂದಿದೆ. ಜೊತೆಗೆ ಇಂತಹ ಆಹಾರ ದೀರ್ಘಕಾಲ ಉಳಿಯುವಂತೆ ಮಾಡಲು ಅಡಿಕ್ಟಿವ್ಸ್ ಮತ್ತು ಸಂರಕ್ಷಕ ಪದಾರ್ಥ ಹಾಗೂ ಫ್ಲೆವರ್ಗಳನ್ನು ಸೇರಿಸಲಾಗಿರುತ್ತದೆ.
ಈಗಾಗಲೇ ಅಲ್ಟ್ರಾ ಪ್ರೊಸೆಸ್ಡ್ ಆಹಾರಗಳು ಹೃದಯ ಸಮಸ್ಯೆ, ಸ್ಥೂಲಕಾಯ ಮತ್ತು ಟೈಪ್ 2 ಮಧುಮೇಹದೊಂದಿಗೆ ಸಂಬಂಧ ಹೊಂದಿದೆ ಎಂದು ಸಂಶೋಧನೆಗಳು ತೋರಿಸಿದೆ. ಇದೀಗ ಈ ಆಹಾರಗಳ ಮಿದುಳಿನ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಕುರಿತು ಅಧ್ಯಯನ ನಡೆಸಲಾಗಿದೆ. ಮಿದುಳಿನ ಆರೋಗ್ಯ ಕಾಪಾಡುವಲ್ಲಿ ಆರೋಗ್ಯಯುತ ಆಹಾರಗಳು ಮುಖ್ಯವಾಗಿದೆ. ಆದರೂ ಮೆದುಳಿಗೆ ಅಗತ್ಯ ಆಹಾರಗಳ ಆಯ್ಕೆ ಇಂದಿಗೂ ಅಸ್ಪಷ್ಟವಾಗಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.