Body Pain Reason: ಹಲವರು ಸಾಮಾನ್ಯವಾಗಿ ದೇಹದ ನೋವಿನ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇದರಿಂದ ಅವರಿಗೆ ಯಾವುದೇ ಕೆಲಸ ಮಾಡಲಾಗದೆ ಸಂಕಷ್ಟ ಎದುರಿಸುತ್ತಿದ್ದಾರೆ. ಪರಿಣಾಮವಾಗಿ ಪರಿಹಾರಕ್ಕಾಗಿ ನೋವು ನಿವಾರಕ ಮಾತ್ರೆಗಳನ್ನು ತೆಗೆದುಕೊಳ್ಳತ್ತಾರೆ. ಆದರೆ, ಅವುಗಳನ್ನು ಬಳಸುವುದು ಒಳ್ಳೆಯದಲ್ಲ. ಇದರಿಂದ ಅನೇಕ ಆರೋಗ್ಯ ಸಮಸ್ಯೆಗಳು ಉದ್ಭವಿಸುತ್ತವೆ. ಅದರಲ್ಲೂ ಲಿವರ್ ಕಾರ್ಯನಿರ್ವಹಣೆಯ ಮೇಲೆಯೂ ತುಂಬಾ ಪರಿಣಾಮ ಬೀರುತ್ತದೆ ಎಂದು ಆರೋಗ್ಯ ತಜ್ಞರು ಎಚ್ಚರಿಕೆ ನೀಡುತ್ತಾರೆ.
2018ರಲ್ಲಿ ಜರ್ನಲ್ ಆಫ್ ಕ್ಲಿನಿಕಲ್ ಮತ್ತು ಟ್ರಾನ್ಸ್ಲೇಷನಲ್ ಹೆಪಟೊಲಜಿ (Journal of Clinical and Translational Hepatology - JCTH) ಪ್ರಕಟಿಸಿದ 'ಅಸೆಟಾಮಿನೋಫೆನ್- ಇಂಡ್ಯೂಸ್ಡ್ ಲಿವರ್ ಇಂಜುರಿ: ಮೆಕ್ಯಾನಿಸಮ್ಸ್ ಅಂಡ್ ಕ್ಲಿನಿಕಲ್ ಇಂಪ್ಲಿಕೇಶನ್ಸ್' (Acetaminophen-Induced Liver Injury: Mechanisms and Clinical Implications) ಅಧ್ಯಯನದಲ್ಲಿ ಈ ವಿಷಯವು ಕಂಡುಬಂದಿದೆ (ವರದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ). ಇದರ ಹಿನ್ನೆಲೆಯಲ್ಲಿ ಈ ನೋವುಗಳು ಏಕೆ ಬರುತ್ತವೆ ಎಂಬುದನ್ನು ಅರಿತು ಮುನ್ನೆಚ್ಚರಿಕೆ ವಹಿಸುವುದು ಉತ್ತಮ ಎಂದು ಸಂಶೋಧಕರು ಸಲಹೆ ನೀಡುತ್ತಾರೆ. ಇದೀಗ ದೇಹದ ನೋವಿಗೆ ಕಾರಣಗಳೇನು ಎಂಬುದನ್ನು ಅರಿತುಕೊಳ್ಳೋಣ.
ವಿಟಮಿನ್ ಡಿ ಕೊರತೆ: ನಮ್ಮ ಮೂಳೆಗಳು ಮತ್ತು ಹಲ್ಲುಗಳನ್ನು ಬಲವಾಗಿಡಲು ನಮ್ಮ ದೇಹದ ಸರಿಯಾದ ಕಾರ್ಯನಿರ್ವಹಣೆಗೆ ವಿಟಮಿನ್ ಡಿ ಬಹಳ ಮುಖ್ಯವಾಗಿದೆ. ಕೊರತೆ ಉಂಟಾದರೆ ದೇಹದಲ್ಲಿ ಕಂಡುಬರುತ್ತದೆ ಎಂದು ತಜ್ಞರು ಹೇಳುತ್ತಾರೆ.
6 ರಿಂದ 8 ಗಂಟೆಗಳ ನಿದ್ದೆ: ತಜ್ಞರು ಹೇಳುವಂತೆ ಪ್ರತಿಯೊಬ್ಬ ಮನುಷ್ಯನಿಗೆ ಸುಮಾರು 6-8 ಗಂಟೆಗಳ ನಿದ್ದೆ ಬೇಕು. ನಿದ್ದೆ ಮಾಡುವಾಗ ದೇಹವು ಶಕ್ತಿಯ ಮೂಲಗಳನ್ನು ಪುನರುತ್ಪಾದಿಸುತ್ತದೆ. ಸರಿಯಾದ ನಿದ್ರೆ ಇಲ್ಲದಿದ್ದರೆ, ದೇಹವು ಶಕ್ತಿಯ ಮೂಲಗಳನ್ನು ಬದಲಿಸುವುದಿಲ್ಲ ಎಂದು ತಜ್ಞರು ತಿಳಿಸುತ್ತಾರೆ.
ಹೆಚ್ಚು ನೀರು ಕುಡಿಯಿರಿ: ದೇಹದಲ್ಲಿ ಸರಿಯಾದ ಪ್ರಮಾಣದ ನೀರಿನ ಕೊರತೆಯೂ ದೇಹದ ನೋವಿಗೆ ಕಾರಣವಾಗಬಹುದು. ದೇಹವು ಸಾಕಷ್ಟು ನೀರು ಕುಡಿಯದಿದ್ದರೆ, ನಿರ್ಜಲೀಕರಣದ ಸಾಧ್ಯತೆಯಿದೆ. ಇದರಿಂದ ಇಡೀ ದೇಹಕ್ಕೆ ಆಯಾಸ ಮತ್ತು ನೋವು ಉಂಟಾಗುತ್ತದೆ ಎಂದು ತಜ್ಞರು ವಿವರಿಸುತ್ತಾರೆ.
ಕಬ್ಬಿಣಾಂಶದ ಕೊರತೆ: ರಕ್ತದಲ್ಲಿ ಪ್ರಮುಖ ಕಬ್ಬಿಣಾಂಶದ ಕೊರತೆಯಿಂದಾಗಿ ಗೌಟ್ ನೋವು ಉಂಟಾಗುತ್ತದೆ. ಇದರ ಕೊರತೆಯಿದ್ದರೆ, ದೇಹದ ವಿವಿಧ ಭಾಗಗಳಿಗೆ ಪೋಷಕಾಂಶಗಳು ಹಾಗೂ ಆಮ್ಲಜನಕವು ಸರಿಯಾಗಿ ಸಿಗುವುದಿಲ್ಲ. ಇದರಿಂದಾಗಿ ದೇಹದ ಆಯಾಸ ಮತ್ತು ನೋವು ಉಂಟಾಗುತ್ತದೆ ಎಂದು ಸಂಶೋಧಕರು ಹೇಳುತ್ತಾರೆ.
ಸಂಧಿವಾತ: ಸಂಧಿವಾತದ ಸಮಸ್ಯೆಯು ದೇಹದಾದ್ಯಂತ ನೋವು ಉಂಟುಮಾಡುತ್ತದೆ. ಇದಕ್ಕೆ ಮೊದಲು ಕೀಲುಗಳ ಉರಿಯೂತ ಕಡಿಮೆಯಾದರೆ ಈ ನೋವುಗಳೂ ಕಡಿಮೆಯಾಗುತ್ತವೆ ಎನ್ನುತ್ತಾರೆ ಆರೋಗ್ಯ ತಜ್ಞರು.
ಸೋಂಕುಗಳು: ಶೀತ ಮತ್ತು ಜ್ವರದ ಸಮಸ್ಯೆಗಳು ಸಾಮಾನ್ಯವಾಗಿ ಶೀತ ಮತ್ತು ಮಳೆಗಾಲದಲ್ಲಿ ಸಂಭವಿಸುತ್ತವೆ. ಆದರೆ, ಈ ವೈರಲ್ ಸೋಂಕುಗಳು ವಿಪರೀತ ನೋವನ್ನು ಸಹ ಉಂಟುಮಾಡುತ್ತವೆ ಎಂದು ವೈದ್ಯರು ತಿಳಿಸುತ್ತಾರೆ.
ಒತ್ತಡ & ಆತಂಕ: ನಮ್ಮಲ್ಲಿ ಒತ್ತಡ ಹಾಗೂ ಆತಂಕ ಹೆಚ್ಚಿದ್ದರೆ, ಮಾನಸಿಕವಾಗಿ ಮಾತ್ರವಲ್ಲ ದೈಹಿಕವಾಗಿಯೂ ಕೂಡ ನೋವು ಅನುಭವಿಸಬೇಕಾಗುತ್ತದೆ. ಇದರಿಂದ ರೋಗನಿರೋಧಕ ಶಕ್ತಿಯೂ ಕಡಿಮೆಯಾಗಿ ಆರೋಗ್ಯ ಸಮಸ್ಯೆಗಳು ಆವರಸಿತ್ತವೆ. ಇದರಿಂದಾಗಿ ದೇಹದಲ್ಲಿ ತೀವ್ರ ನೋವು ಉಂಟಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಹೆಚ್ಚಿನ ಮಾಹಿತಿಗಾಗಿ ಈ ವೆಬ್ಸೈಟ್ನ್ನು ವೀಕ್ಷಿಸಬಹುದು:
ಓದುಗರಿಗೆ ಮುಖ್ಯ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆ ಆಧರಿಸಿ ನಾವು ಈ ಮಾಹಿತಿ ನಿಮಗೆ ನೀಡಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣಿತ ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.
