ಹೈದರಾಬಾದ್: ಬಾಲಿವುಡ್ ಸೂಪರ್ ಸ್ಟಾರ್ ನಟ ಶಾರುಖ್ ಖಾನ್ ಅವರ ಮುದ್ದಿನ ಮಗಳು ಸುಹಾನಾಗೆ ಇಂದು ಜನ್ಮ ದಿನದ ಸಂಭ್ರಮ. ಈಗಾಗಲೇ ವೆಬ್ ಸಿರೀಸ್ ಮೂಲಕ ಸಿನಿ ಪ್ರಯಾಣ ಆರಂಭಿಸಿರುವ ಸುಹಾನಾ, 24ನೇ ವಸಂತಕ್ಕೆ ಕಾಲಿಟ್ಟಿದ್ದು, ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ. ಅಭಿಮಾನಿಗಳು, ಬಾಲಿವುಡ್ ಸ್ನೇಹಿತರು ಸೇರಿದಂತೆ ಅವರಿಗೆ ಶುಭಕೋರಿದ್ದಾರೆ. ಅದರಲ್ಲೂ ಅವರ ಆತ್ಮೀಯ ಸ್ನೇಹ ವರ್ಗವಾಗಿರುವ ಅನನ್ಯಾ ಪಾಂಡೆ, ಶನಯಾ ಕಪೂರ್ ಮತ್ತು ನವ್ಯ ನವೇಲಿ ನಂದ ಸೇರಿದಂತೆ ಅನೇಕ ಮಂದಿ ಸಾಮಾಜಿಕ ಜಾಲತಾಣದಲ್ಲಿ ಜನ್ಮದಿನಕ್ಕೆ ಹಾರೈಸಿದ್ದಾರೆ.
ಸುಹಾನಾ, ಅನನ್ಯಾ, ಶನಯಾ ಬಾಲ್ಯದ ಸ್ನೇಹಿತರಾಗಿದ್ದು, ಇಂದಿಗೂ ಕೂಡ ಆತ್ಮೀಯ ಸ್ನೇಹಿತರಾಗಿದ್ದಾರೆ. ಅನನ್ಯ ಪಾಂಡೆ, ಇನ್ಸ್ಟಾಗ್ರಾಂನಲ್ಲಿ ಸುಹಾನಾ ಕೆಕೆಆರ್ ಶರ್ಟ್ನಲ್ಲಿರುವ ಫೋಟೋ ಹಾಕಿ ಶುಭಾಶಯ ಕೋರಿದ್ದಾರೆ. ಹುಟ್ಟು ಹಬ್ಬದ ಶುಭಾಶಯಗಳು ನನ್ನ ಅತ್ಯುತ್ತಮ ಹುಡುಗಿ, ಈಡೀ ವಿಶ್ವದಲ್ಲೇ ನಿನ್ನಂತೆ ಬೇರೆ ಯಾರೂ ಇಲ್ಲ. ನಾನು ನಿನ್ನನ್ನು ಮೆಚ್ಚುತ್ತೇನೆ. ಈ ಎಂದು ಸುಹಾನಾಗೆ ಶುಭ ಹಾರೈಸಿದ್ದಾರೆ.
ಸಂಜಯ್ ಕಪೂರ್ ಮತ್ತು ಮಹೀಪ್ ಕಪೂರ್ ದಂಪತಿ ಮಗಳಾಗಿರುವ ಶನಯ ಕಪೂರ್ ಕೂಡ ಇದೀಗ ಬಾಲಿವುಡ್ನಲ್ಲಿ ಅದೃಷ್ಟ ಪರೀಕ್ಷೆಗೆ ಸಿದ್ದವಾಗಿದ್ದು, ಆಕೆ ಕೂಡ ಸುಹಾನಾಗೆ ಜನ್ಮದಿನದ ಹಾರೈಕೆ ತಿಳಿಸಿದ್ದಾರೆ. ಕೆಕೆಆರ್ ಟಿ ಶರ್ಟ್ನಲ್ಲಿ ವಿಐಪಿ ಸ್ಟಾಂಡ್ನಲ್ಲಿ ಸುಹಾನ ಜೊತೆಗಿನ ಫೋಟೋ ಹಂಚಿಕೊಂಡಿರುವ ನಟಿ, ಹುಟ್ಟು ಹಬ್ಬದ ಶುಭಾಶಯಗಳು ಸಹೋದರಿ, ಲವ್ ಯೂ ಎಂದು ಹಾರ್ಟ್ ಎಮೋಜಿಯೊಂದಿಗೆ ಶುಭ ಕೋರಿದ್ದಾರೆ.