ಬಾಲಿವುಡ್ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಖ್ಯಾತಿಯ ಅಮೀರ್ ಖಾನ್ ಪುತ್ರ ಜುನೈದ್ ಖಾನ್ ಹಾಗೂ ಖುಷಿ ಕಪೂರ್ ಅಭಿನಯದ 'ಲವ್ಯಾಪ' ನಾಳೆ, ಫೆಬ್ರವರಿ 7ರಂದು ತೆರೆಗಪ್ಪಳಿಸಲಿದೆ. ಸಿನಿಮಾ ಪ್ರಚಾರ ಜೋರಾಗೇ ನಡೆದಿದ್ದು, ಕಳೆದ ಸಂಜೆ ಸ್ಪೆಷಲ್ ಸ್ಕ್ರೀನಿಂಗ್ ಹಮ್ಮಿಕೊಳ್ಳಲಾಗಿತ್ತು. ಈವೆಂಟ್ನಲ್ಲಿ ಬಾಲಿವುಡ್ ಖಾನ್‌ಗಳಾದ ಸಲ್ಮಾನ್ ಮತ್ತು ಶಾರುಖ್ ಅವರು ಆಮೀರ್ ಖಾನ್ ಅವರೊಂದಿಗೆ ಸೇರಿ 'ಲವ್ಯಾಪ' ತಾರಾಬಲವನ್ನು ಹೆಚ್ಚಿಸಿದರು.
ಖಾನ್ಸ್ ಒಡನಾಟ: ಅಮೀರ್ ಖಾನ್ ಪುತ್ರ ಜುನೈದ್ ಖಾನ್ ಅವರ ಮೊದಲ ಸಿನಿಮಾ 'ಲವ್ಯಾಪ' ಈವೆಂಟ್ನಲ್ಲಿ ಶಾರುಖ್ ಮತ್ತು ಸಲ್ಮಾನ್ ಕಾಣಿಸಿಕೊಂಡಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಇವು ಅಮೀರ್ ಜೊತೆಗಿನ ಖಾನ್ಸ್ ಒಡನಾಟವನ್ನು ಪ್ರದರ್ಶಿಸಿದೆ.
ಅಮೀರ್ ಮಕ್ಕಳನ್ನು ಅಪ್ಪಿಕೊಂಡ ಶಾರುಖ್: ವಿಡಿಯೋದಲ್ಲಿ ಶಾರುಖ್ ಖಾನ್ ಅವರು ಅಮೀರ್ ಮತ್ತು ಅವರ ಮಕ್ಕಳಾದ ಜುನೈದ್, ಇರಾ ಅವರನ್ನು ಆತ್ಮೀಯವಾಗಿ ಅಪ್ಪಿಕೊಂಡಿರುವುದನ್ನು ಸಹ ಕಾಣಬಹುದು. ಈ ಕಾರ್ಯಕ್ರಮಕ್ಕಾಗಿ ಶಾರುಖ್ ಡಾರ್ಕ್ ಬ್ಲ್ಯೂ ಶರ್ಟ್ ಹಾಗೂ ಜೀನ್ಸ್ ಧರಿಸಿದ್ದರು.
ಕೂಲ್ ಲುಕ್ನಲ್ಲಿ ಸಲ್ಲು: ಕಾರ್ಯಕ್ರಮದಲ್ಲಿ ಅಮೀರ್ ಜೊತೆ ಸಲ್ಮಾನ್ ಖಾನ್ ಕೂಡಾ ಕಾಣಿಸಿಕೊಂಡರು. ದಬಾಂಗ್ ನಟ ಲೈಟ್ ಬ್ಲ್ಯೂ ಜೀನ್ಸ್, ಲೈಟ್ ಗ್ರೀನ್ ಪೋಲೋ ಟೀ ಶರ್ಟ್ ಧರಿಸಿ ಕೂಲ್ ಲುಕ್ನಲ್ಲಿ ಕಾಣಿಸಿಕೊಂಡರು.
ಇದನ್ನೂ ಓದಿ: ಪ್ರಶಾಂತ್ ನೀಲ್ ಸಿನಿಮಾದಲ್ಲಿ ಮಲಯಾಳಂ ನಟ ಟೊವಿನೋ ಥಾಮಸ್: ಮಂಗಳೂರಿನಲ್ಲಿ ಶೂಟಿಂಗ್
ಅಮೀರ್ ಪುತ್ರ ಜುನೈದ್ ಖಾನ್ ಮೊದಲ ಸಿನಿಮಾ: ಲವ್ಯಾಪ ಸಿನಿಮಾ ಬಗ್ಗೆ ಗಮನಿಸೋದಾದ್ರೆ, ನಿರ್ಮಾಪಕ ಬೋನಿ ಕಪೂರ್ ಮತ್ತು ದಿವಂಗತ ನಟಿ ಶ್ರೀದೇವಿ ದಂಪತಿ ಪುತ್ರಿ ಖುಷಿ ಕಪೂರ್ ಅವರ ಜೊತೆಗೆ ಜುನೈದ್ ಖಾನ್ ಬೆಳ್ಳಿತೆರೆ ಪ್ರವೇಶಿಸುತ್ತಿದ್ದಾರೆ. ಜುನೈದ್ ಈ ಹಿಂದೆ ತಮ್ಮ ಮೊದಲ ನೆಟ್‌ಫ್ಲಿಕ್ಸ್ ಶೋ ಮಹಾರಾಜ್‌ನಲ್ಲಿ ಕಾಣಿಸಿಕೊಂಡಿದ್ದರು. ಖುಷಿ ಜೋಯಾ ಅಖ್ತರ್ ಅವರ ಮ್ಯೂಸಿಕಲ್ ಫಿಲ್ಮ್ 'ದಿ ಆರ್ಚೀಸ್‌'ನೊಂದಿಗೆ ನಟನೆಗೆ ಪದಾರ್ಪಣೆ ಮಾಡಿದ್ರು. ಇದು ಒಟಿಟಿಯಲ್ಲಿ ಬಿಡುಗಡೆಯಾಗಿತ್ತು.
ಇದನ್ನೂ ಓದಿ: 75 ರೂಪಾಯಿ ಸಂಭಾವನೆಗೆ ಡ್ಯಾನ್ಸರ್ ಆಗಿದ್ದ ಇವರ ಈಗಿನ ಆಸ್ತಿ 2,900 ಕೋಟಿ ರೂ.ಗೂ ಹೆಚ್ಚು!
ನಾಳೆ ರೊಮ್ಯಾಂಟಿಕ್ ಕಾಮಿಡಿ ಡ್ರಾಮಾ ರಿಲೀಸ್: ಲವ್ಯಾಪ ಫೆಬ್ರವರಿ 7, 2025ರಂದು ಅಂದರೆ ನಾಳೆ, ಶುಕ್ರವಾರ ಬಿಡುಗಡೆ ಆಗಲಿದೆ. ಅದ್ವೈತ್ ಚಂದನ್ ನಿರ್ದೇಶನದ ಈ ಸಿನಿಮಾ ಒಂದು ರೊಮ್ಯಾಂಟಿಕ್ ಕಾಮಿಡಿ ಡ್ರಾಮಾ ಆಗಿದ್ದು, ಇದು ಒಬ್ಬರನ್ನೊಬ್ಬರು ಚೆನ್ನಾಗಿ ತಿಳಿದುಕೊಳ್ಳಲು ಮದುವೆಗೆ ಮೊದಲು ಒಂದು ದಿನ ಫೋನ್ ಬದಲಾಯಿಸಲು ಕೇಳಿಕೊಳ್ಳುವ ಜೋಡಿ ಸುತ್ತ ಸುತ್ತುತ್ತದೆ. ಇದು ಪ್ರೇಕ್ಷಕರಿಗೆ ಕಂಪ್ಲೀಟ್ ಎಂಟರ್ಟೈನ್ಮೆಂಟ್ ನೀಡುವ ಭರವಸೆ ಇದೆ.
