ಹೈದರಾಬಾದ್: ನಟ ಶಾಹೀದ್ ಕಪೂರ್ ತಮ್ಮ ಸೂಪರ್ಡೂಪರ್ ಚಿತ್ರ 'ತೇರಿ ಬಾತೋ ಮೇ ಹೈಸಾ ಉಲ್ಜಾ ಜಿಯಾ'ದ ಯಶಸ್ಸಿನ ಅಲೆಯಲ್ಲಿದ್ದಾರೆ. ತಮ್ಮ ಬ್ಯುಸಿ ವೃತ್ತಿಪರ ಜೀವನ ನಡುವೆ ತಮ್ಮ ಮುದ್ದಿನ ಮಡದಿ ಮೀರಾ ಕಪೂರ್ ಜೊತೆ ರೋಮ್ಯಾಂಟಿಕ್ ಡೇಟ್ಗೆ ತೆರಳಿದ್ದು, ಈ ವೇಳೆ ಊಟವಾಗಿ ಹೊರ ಬರುತ್ತಿದ್ದಂತೆ ಪ್ಯಾಪರಾಜಿಗಳು ವಿರುದ್ಧ ತಾಳ್ಮೆ ಕಳೆದು ಕೊಂಡು ಸುದ್ದಿಯಾಗಿದ್ದಾರೆ.
ಮುಂಬೈನಲ್ಲಿ ಈ ಜೋಡಿ ತಮ್ಮ ರಾತ್ರಿ ಭೋಜನ ಸವಿಯುವ ಉದ್ದೇಶದಿಂದ ರೋಮ್ಯಾಂಟಿಕ್ ಡೇಟ್ಗೆ ಮುಂದಾಗಿದ್ದಾರೆ. ಚಿತ್ರೋದ್ಯಮದಲ್ಲಿ ಸಿಖತ್ ಫ್ಯಾಷನ್ಬಲ್ ಜೋಡಿಯಾಗಿ ಗುರುತಿಸಿಕೊಂಡಿರುವ ಈ ಜೋಡಿ ಡೇಟ್ ವೇಳೆ ಅದ್ಬುತವಾಗಿ ಕಂಡಿದ್ದಾರೆ. ಈ ಸಮಯದಲ್ಲಿ ಫೋಟೋ ತೆಗೆಯಲು ಪ್ಯಾಪಾರಾಜಿಗಳು ಮುಂದಾಗಿದ್ದಾರೆ. ಅದು ಅವರ ಕಾರ್ವರೆಗೆ ಹಿಂಬಾಲಿಸಿದ್ದು, ನಟನ ತಾಳ್ಮೆ ಕಟ್ಟೆ ಒಡೆಯುವಂತೆ ಮಾಡಿದೆ. ಈ ವೇಳೆ ಕಿರಿಕಿರಿಗೆ ಒಳಗಾದ ನಟ, ನೀವು ಇಲ್ಲಿಯೇ ನಿಲ್ಲಿಸುತ್ತೀರಾ? ನೀವು ಸರಿಯಾಗಿ ವರ್ತಿಸುತ್ತೀರಾ ಎಂದು ಸಿಟ್ಟಿನಲ್ಲಿ ಅವರು ಕೂಗಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಈ ಘಟನೆ ಹೊರತಾಗಿ ನಟ ಡಿನ್ನರ್ ಡೇಟ್ನಲ್ಲಿ ಸಿಕ್ಕಾಪಟ್ಟೆ ಸ್ಟೈಲೀಶ್ ಆಗಿ ಕಂಗೊಳಿಸಿದ್ದಾರೆ. ಕಪ್ಪು ಬಣ್ಣದ ಶರ್ಟ್ ಮತ್ತು ಅದೇ ಡೇನಿಮ್ ಪ್ಯಾಂಟ್ನಲ್ಲಿ ಅವರು ಕಂಡರೆ, ಮೀರಾ ಕೋಆರ್ಡ್ ಸೆಟ್ನಲ್ಲಿ ಮುದ್ದಾಗಿ ಕಂಡಿದ್ದಾರೆ. ಕಪ್ಪು ಬಣ್ಣದ ಸ್ಯಾಟಿನ್ ಗೌನ್ಗೆ ಓಪನ್ ಹೇರ್ ಬಿಟ್ಟಿದ್ದಾರೆ. ಈ ದಂಪತಿಗಳು ಇಬ್ಬರು ಮುದ್ದಾದ ಮಕ್ಕಳ ಪೋಷಕರು ಹೌದು.
ವೃತ್ತಿ ವಿಷಯದಲ್ಲಿ ಗಮನಿಸಿದರೆ ನಟಿ ಕೃತಿ ಸನೋನ್ ಜೊತೆ ನಟಿಸಿದ 'ತೇರಿ ಬಾತೋ ಮೇ ಹೈಸೇ ಉಲ್ಜಾ ಜಿಯಾ' ಚಿತ್ರ ನಿಧಾನವಾಗಿ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಯಿತು. ಇದರ ಹೊರತಾಗಿ ನಟ ಪೂಜಾ ಹೆಗ್ಡೆ ಜೊತೆಗೆ 'ದೇವಾ'ದಲ್ಲಿ ಕಾಣಿಸಲಿದ್ದಾರೆ. ಈ ಚಿತ್ರವನ್ನು ರೋಶನ್ ಆ್ಯಂಡ್ರೋಸ್ ನಿರ್ದೇಶಿಸಿದ್ದು, ಈ ಚಿತ್ರದಲ್ಲಿ ರಗಡ್ ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹಾಗೇ ಸಚಿನ್ ಬಿ ರವಿ ನಿರ್ದೇಶನದಲ್ಲಿ 'ಅಶ್ವತ್ಥಾಮ- ದಿ ಸಾಗಾ ಕಂಟಿನ್ಯೂಸ್'ನಲ್ಲಿ ಕೂಡ ಬಣ್ಣ ಹಚ್ಚಿದ್ದಾರೆ ಇದರ ಜೊತೆಗೆ ಅವರ ಅಭಿಮಾನಿಗಳು ನಟ ಶಾಹೀದ್ ಆನ್ಲೈನ್ ಹಿಟ್ ಸೀರಿಸ್ ಆಗಿರುವ 'ಫರ್ಜಿ' ಎರಡನೇ ಸೀಸನ್ ಅನ್ನು ಕೂಡ ಎದುರು ನೋಡುತ್ತಿದ್ದಾರೆ.
ಇದನ್ನೂ ಓದಿ: ಬೇಬಿ ಶವರ್ ಸಂಭ್ರಮದಲ್ಲಿ ನತಾಶಾ - ವರುಣ್ ಧವನ್; ಇಲ್ಲಿವೆ ಫೋಟೋಸ್
