ರಾಜ್ಕುಮಾರ್ ರಾವ್ ಮತ್ತು ಜಾಹ್ನವಿ ಕಪೂರ್ ಮುಖ್ಯಭೂಮಿಕೆಯ ಮುಂದಿನ ಬಹುನಿರೀಕ್ಷಿತ ಸಿನಿಮಾ 'ಮಿಸ್ಟರ್ ಅಂಡ್ ಮಿಸಸ್ ಮಾಹಿ'. ಬಿಡುಗಡೆಗೆ ಸಜ್ಜಾಗಿರುವ ಸ್ಪೋರ್ಟ್ಸ್ ಡ್ರಾಮಾದ ಟ್ರೇಲರ್ ವೀಕ್ಷಿಸಲು ಅಭಿಮಾನಿಗಳು ಕಾತರರಾಗಿದ್ದರು. ಭಾನುವಾರ ಸಂಜೆ ಅಧಿಕೃತ ಟ್ರೇಲರ್ ಅನಾವರಣಗೊಳಿಸುವುದಾಗಿ ಚಿತ್ರತಂಡ ತಿಳಿಸಿತ್ತು. ಕೊಟ್ಟ ಭರವಸೆಯಂತೆ ನಿರ್ಮಾಪಕರಿಂದು 'ಮಿಸ್ಟರ್ ಅಂಡ್ ಮಿಸಸ್ ಮಾಹಿ' ಟ್ರೇಲರ್ ಬಿಡುಗಡೆಗೊಳಿಸಿದ್ದಾರೆ.
ಚಿತ್ರ ತಯಾರಕರು ಮೊದಲು ಸ್ಟಾರ್ ಸ್ಪೋರ್ಟ್ಸ್‌ನಲ್ಲಿ ಮಿಸ್ಟರ್ ಅಂಡ್ ಮಿಸಸ್ ಮಾಹಿ ಟ್ರೇಲರ್ನ ಫಸ್ಟ್ ಲುಕ್ ಅನ್ನು ರಿಲೀಸ್ ಮಾಡಿದ್ರು. ನಂತರ ಯೂಟ್ಯೂಬ್‌ನಲ್ಲಿ ಸಂಪೂರ್ಣ ಟ್ರೇಲರ್ ಅನಾವರಣಗೊಳಿಸಿದರು. ಟ್ರೇಲರ್ ಇಮ್ಪರ್ಫೆಕ್ಟ್ಲಿ ಪರ್ಫೆಕ್ಟ್ ರಿಲೇಶನ್ಶಿಪ್ ಸಾರವನ್ನು ಒಳಗೊಂಡಿದೆ. ಹಲವು ಅಡೆತಡೆಗಳ ನಡುವೆ ದಂಪತಿಯ ಕ್ರಿಕೆಟ್ ಮೇಲಿನ ಒಲವು ಅವರನ್ನು ಒಗ್ಗೂಡಿಸಿದೆ.
ಸುಮಾರು 3-ನಿಮಿಷದ ಟ್ರೇಲರ್ ಸಿನಿಮಾದ ಒಂದು ಸಣ್ಣ ನೋಟ ಒದಗಿಸಿದೆ. ಉತ್ತರ ಭಾರತದ ಹಿನ್ನೆಲೆಯಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಮಧ್ಯಮ ವರ್ಗ ಕುಟುಂಬದ ವಾತಾವರಣ, ನವದಂಪತಿಯ ಪ್ರೇಮ್ಕಹಾನಿ ಇಲ್ಲಿದೆ. ಆರಂಭದಲ್ಲಿ, ಆಕಾಂಕ್ಷೆಗಳು, ಕನಸುಗಳು ಹಿನ್ನೆಡೆ ಕಾಣುತ್ತವೆ. ಪರಿಸ್ಥಿತಿಯನ್ನು ನವದಂಪತಿಗಳು ಹೇಗೆ ನಿಭಾಯಿಸುತ್ತಾರೆ ಅನ್ನೋದೇ ಕಥೆ.
ಚಿತ್ರದಲ್ಲಿ ರಾಜ್ಕುಮಾರ್ ಮತ್ತು ಜಾನ್ಹವಿ ಇಬ್ಬರನ್ನೂ ಮಾಹಿ ಎಂದು ಹೆಸರಿಸಲಾಗಿದೆ. ಮದುವೆಯ ನಂತರ ಸಾಕಷ್ಟು ಅಡೆತಡೆಗಳ ನಡುವೆಯೂ ಕ್ರಿಕೆಟ್ ಮೇಲಿನ ಒಲವನ್ನು ಈ ದಂಪತಿ ವ್ಯಕ್ತಪಡಿಸುತ್ತಾರೆ.