ಹಿಂದಿ ಬಿಗ್ ಬಾಸ್ ಒಟಿಟಿ ಸೀಸನ್ 3ರ ಟೀಸರ್ ರಿಲೀಸ್ ಆಗಿದೆ. ಜೂನ್‌ನಲ್ಲಿ ಪಾಪ್ಯುಲರ್ ಶೋ ಪ್ರಾರಂಭವಾಗಲಿದೆ. ಹಿಂದಿನ ಎಲ್ಲಾ ಸೀಸನ್‌ಗಳನ್ನೂ ಮರೆಸುವ ಸುಳಿವನ್ನು ಟೀಸರ್ ನೀಡಿದೆ.
ಒಟಿಟಿ ಸೀಸನ್ ಮೇ ತಿಂಗಳಲ್ಲಿ ಶುರುವಾಗಬಹುದೆಂದು ಅಭಿಮಾನಿಗಳು ನಿರೀಕ್ಷಿಸಿದ್ದರು. ಆದರೆ ಸಣ್ಣ ವಿಳಂಬ ಸೀಸನ್ 3ರ ಮೇಲಿನ ನಿರೀಕ್ಷೆ, ಕುತೂಹಲ ಹೆಚ್ಚಿಸಿತ್ತು. ಇದೀಗ ಜಿಯೋಸಿನಿಮಾ ಟೀಸರ್ ಬಿಡುಗಡೆಗೊಳಿಸುವ ಮೂಲಕ ಬಿಗ್ ಬಾಸ್ ಉತ್ಸಾಹಿಗಳ ಕಾಯುವಿಕೆ ಕೊನೆಗೊಳಿಸಿದೆ. ಕಳೆದ ತಿಂಗಳು, ಕಾರ್ಯಕ್ರಮದ ಮುಂಬರುವ ಸೀಸನ್ ಬಗ್ಗೆ ಸಣ್ಣ ಸುಳಿವು ನೀಡಿದ್ದು ಬಿಟ್ಟರೆ ಯಾವುದೇ ಅಪ್ಡೇಟ್ಸ್ ಇರಲಿಲ್ಲ.
ಆದ್ರೀಗ ಅನಾವರಣಗೊಂಡಿರುವ ಟೀಸರ್ ಪ್ರೇಕ್ಷಕರಿಗೆ ದೊಡ್ಡ ಅಪ್ಡೇಟ್ಸ್ ಒದಗಿಸಿದೆ. ಹಿಂದಿ ಬಿಗ್ ಬಾಸ್ ಒಟಿಟಿ 3 ಜೂನ್‌ನಲ್ಲಿ ಲೈವ್ ಸ್ಟ್ರೀಮಿಂಗ್ ಪ್ರಾರಂಭಿಸಲಿದೆ ಎಂಬುದನ್ನು ಖಚಿತಪಡಿಸಿದೆ. "ಯೇ ಸೀಸನ್ ಹೋಗಾ ಖಾಸ್, ಹೋಗಾ ಜಕಾಸ್" ಎಂಬ ಡೈಲಾಗ್ನೊಂದಿಗೆ ಪ್ರೋಮೋ ಕೊನೆಗೊಂಡಿದೆ. ಅಲ್ಲದೇ ಹಿರಿಯ ನಟ ಅನಿಲ್ ಕಪೂರ್ ಹೆಸರು ಶೋದೊಂದಿಗೆ ಸೇರಿಕೊಂಡಿದೆ. ನಟ ಕಾರ್ಯಕ್ರಮವನ್ನು ಹೋಸ್ಟ್ ಮಾಡಬಹುದು ಎಂಬ ಊಹಾಪೋಹಗಳೆದ್ದಿವೆ. ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಚರ್ಚೆ ನಡೆಯುತ್ತಿದೆ.
ಟೀಸರ್ ವೀಕ್ಷಕರನ್ನು ಈ ಹಿಂದಿನ ಸೀಸನ್ಗಳಿಗೆ ಕರೆದೊಯ್ದಿದೆ. ಹಿಂದಿನ ಸೀಸನ್‌ಗಳ ಕೆಲವು ಸ್ಮರಣೀಯ ಕ್ಷಣಗಳನ್ನು ಟೀಸರ್ ಒಳಗೊಂಡಿದ್ದು, ಸೀಸನ್ 3ರ ಮೇಲಿನ ನಿರೀಕ್ಷೆ ಹೆಚ್ಚಿಸಿದೆ. ಬಿಗ್ ಬಾಸ್ ಒಟಿಟಿ 2ರ ಅಭಿಷೇಕ್ ಮಲ್ಹಾನ್ ಮತ್ತು ಅವಿನಾಶ್ ಸಚ್‌ದೇವ್ ನಡುವಿನ ಮಾತಿನ ಚಕಮಕಿಯ ದೃಶ್ಯವನ್ನು ಒಳಗೊಂಡಿದೆ. ಜೊತೆಗೆ ಫೇಮಸ್ ಪರ್ಸನಾಲಿಟಿ ಶೆಹನಾಜ್ ಗಿಲ್ ಅವರ "ಸಡ್ಡ ಕುತ್ತ ಕುತ್ತ" ಡೈಲಾಗ್ ಸಹ ಇದೆ. ಈ ಸೀಸನ್ ಹಿಂದಿನ ಎಲ್ಲಾ ಸೀಸನ್‌ಗಳನ್ನು ಮೀರಿಸಲಿದೆ ಎಂದು ತಯಾರಕರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಇದು ಅಭಿಮಾನಿಗಳಿಗೆ ನಿಜವಾಗಿಯೂ ಮರೆಯಲಾಗದ ಅನುಭವವಾಗಲಿದೆ ಎಂದು ಭರವಸೆ ನೀಡಿದ್ದಾರೆ.
ಇದನ್ನೂ ಓದಿ:ನಟ ಶಾರುಖ್ ಖಾನ್ ಆರೋಗ್ಯದಲ್ಲಿ ಏರುಪೇರು; ಅಹಮದಾಬಾದ್‌ ಆಸ್ಪತ್ರೆಗೆ ದಾಖಲು, ಚಿಕಿತ್ಸೆ ಬಳಿಕ ಡಿಸ್ಚಾರ್ಜ್ - Shah Rukh Khan Health
ವರದಿಯ ಪ್ರಕಾರ, ಡೇಟ್ಸ್ ಕೊರತೆ ಹಿನ್ನೆಲೆಯಲ್ಲಿ ಸಲ್ಮಾನ್ ಖಾನ್ ಬಿಗ್ ಬಾಸ್ ಒಟಿಟಿ 3 ಅನ್ನು ಹೋಸ್ಟ್ ಮಾಡುತ್ತಿಲ್ಲ. ಬದಲಾಗಿ, ಇತರೆ ಬಾಲಿವುಡ್ ಸೆಲೆಬ್ರಿಟಿಗಳಾದ ಕರಣ್ ಜೋಹರ್, ಸಂಜಯ್ ದತ್ ಮತ್ತು ಅನಿಲ್ ಕಪೂರ್ ಅವರನ್ನು ಸಲ್ಮಾನ್ ಅವರ ರೋಲ್ಗೆ ಪರಿಗಣಿಸಲಾಗಿದೆ. ಟೀಸರ್‌ನಲ್ಲಿ ಅನಿಲ್ ಕಪೂರ್ ಅವರ ಸಿಗ್ನೇಚರ್ ಡೈಲಾಗ್ ಬಳಸಿರುವುದರಿಂದ ಅವರು ಈ ಸೀಸನ್ ಹೋಸ್ಟ್ ಮಾಡಲಿದ್ದಾರೆ ಎಂದು ಬಹುತೇಕರು ನಂಬಿದ್ದಾರೆ.
ಇದನ್ನೂ ಓದಿ:'ಪುಷ್ಪ 2' ಎರಡನೇ ಸಿಂಗಲ್ ವಿಡಿಯೋಗೆ ಮುಹೂರ್ತ ಫಿಕ್ಸ್; ಬ್ಲಾಸ್ಟ್ ಸಾಂಗ್ನಲ್ಲಿ ನಟಿ ರಶ್ಮಿಕಾ ಮಂದಣ್ಣ - Pushpa 2 Rashmika Mandanna Song
