ಬಾಲಿವುಡ್ನ ಜನಪ್ರಿಯ ನಿರ್ದೇಶಕ ಕರಣ್ ಜೋಹರ್ ನಿರ್ದೇಶನದ ಫ್ಯಾಮಿಲಿ ಡ್ರಾಮಾ 'ಕಭಿ ಖುಷಿ ಕಭಿ ಘಮ್' ಈಗಾಗಲೇ 23 ವರ್ಷಗಳನ್ನು ಪೂರೈಸಿದೆ. ಕಂಪ್ಲೀಟ್ ಫ್ಯಾಮಿಲಿ ಎಂಟರ್ಟೈನ್ಮೆಂಟ್ ಸಿನಿಮಾದಲ್ಲಿ ಭಾರತೀಯ ಚಿತ್ರರಂಗದ ಬಹುಬೇಡಿಕೆ ತಾರೆಯರಾದ ಅಮಿತಾಭ್ ಬಚ್ಚನ್, ಶಾರುಖ್ ಖಾನ್, ಹೃತಿಕ್ ರೋಷನ್, ಜಯಾ ಬಚ್ಚನ್, ರಾಣಿ ಮುಖರ್ಜಿ, ಕಾಜೋಲ್ ಮತ್ತು ಕರೀನಾ ಕಪೂರ್ ಮುಖ್ಯಭೂಮಿಕೆಯಲ್ಲಿ ನಟಿಸಿ ಸಿನಿಪ್ರಿಯರ ಮನ ಗೆದ್ದರು. ಹೆಚ್ಚಿನ ಸಂಖ್ಯೆಯ ಇಂಡಿಯನ್ ಸೂಪರ್ ಸ್ಟಾರ್ಸ್ ಸರಿಸಮನಾಗಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದೇ ಈ ಪ್ರಾಜೆಕ್ಟ್ನ ಹೈಲೆಟ್ ಎನ್ನಬಹುದು.
ಹೌದು, ಕಭಿ ಖುಷಿ ಕಭಿ ಘಮ್‌ನ ಪ್ರತೀ ತಾರೆಗೂ ಉತ್ತಮ ಸ್ಕ್ರೀನ್ ಟೈಮ್ ಸಿಕ್ಕಿದೆ. ಕಾಸ್ಟಿಂಗ್ ಜೊತೆಗೆ, ಸಿನಿಮಾದ ಲೊಕೇಶನ್, ಸೆಲೆಬ್ರಿಟಿಗಳ ಔಟ್ಫಿಟ್ಸ್ ಪ್ರೇಕ್ಷಕರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಪವರ್ಫುಲ್ ಕಥಾಹಂದರದ ಜೊತೆಗೆ, ಇಡೀ ತಾರಾಬಳಗ ಮಾರ್ಡನ್ ಲುಕ್ನಲ್ಲಿ ಕಾಣಿಸಿಕೊಂಡಿತು. 2001ರಲ್ಲಿ ಬಿಡುಗಡೆಯಾದ ಈ ಚಿತ್ರದ ಬಿಟಿಎಸ್ ಚಿತ್ರಗಳೀಗ ವಿವಿಧ ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಫಾರ್ಮ್ಗಳಲ್ಲಿ ವೈರಲ್ ಆಗುತ್ತಿವೆ.
ಯಶ್ ಜೋಹರ್ ನಿರ್ಮಾಣದ 'ಕಭಿ ಖುಷಿ ಕಭಿ ಘಮ್' ಸಿನಿಮಾದ ಫೋಟೋಗಳು ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸೆಳೆದಿದೆ. ಶೂಟಿಂಗ್ ಸೆಟ್ನ ಫೋಟೋಗಳಾಗಿದ್ದು, ವೈರಲ್ ಫೋಟೋಗಳಲ್ಲಿ ಚಿತ್ರದ ಸಂಪೂರ್ಣ ತಾರಾಬಳಗ ಕಾಣಿಸಿಕೊಂಡಿದೆ. ಅದರಲ್ಲಿ ಸಿನಿಮಾ ಕ್ಷಣಗಳನ್ನು ಕಾಣಬಹುದು. ಈ 9 ಬಿಟಿಎಸ್ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ನಲ್ಲಿದೆ. ಅಮಿತಾಭ್ ಬಚ್ಚನ್, ಶಾರುಖ್ ಖಾನ್ ಮತ್ತು ಹೃತಿಕ್ ರೋಷನ್ ಅವರ ಭಾವನಾತ್ಮಕ ದೃಶ್ಯಗಳೂ ಸೇರಿವೆ. ಕಾಜೋಲ್ ಅವರ ತುಂಟತನವನ್ನೂ ಕಾಣಬಹುದು. ಬಿಗ್ ಬಿ ಪತ್ನಿಯೊಂದಿಗೆ ಮೋಜು ಮಾಡಿರುವ ಚಿತ್ರವೂ ಇದೆ. ಸಿನಿಮಾದ ಸಂಪೂರ್ಣ ಕಾಸ್ಟ್ ಮಾತ್ರವಲ್ಲದೇ ನಿರ್ದೇಶಕ ಕರಣ್ ಜೋಹರ್ ಮತ್ತು ನೃತ್ಯ ಸಂಯೋಜಕಿ ಫರಾ ಖಾನ್ ಕೂಡಾ ಈ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ವಿಶ್ವ ಕ್ಯಾನ್ಸರ್ ದಿನ 2025: ಶಿವಣ್ಣ To ಸಂಜಯ್ ದತ್ - ಕ್ಯಾನ್ಸರ್ ವಿರುದ್ಧ ಹೋರಾಡಿದ ಸೆಲೆಬ್ರಿಟಿಗಳಿವರು
'ಕಭಿ ಖುಷಿ ಕಭಿ ಘಮ್' 2001ರ ಡಿಸೆಂಬರ್ 19ರಂದು ಬಿಡುಗಡೆಯಾಯಿತು. ಸನ್ನಿ ಡಿಯೋಲ್ ಹಾಗೂ ಅಮೀಷಾ ಪಟೇಲ್ ಅಭಿನಯದ ಗದರ್ ಏಕ್ ಪ್ರೇಮ್ ಕಥಾ ಚಿತ್ರದ ನಂತರ ಕಭಿ ಖುಷಿ ಕಭಿ ಘಮ್ 2001ರ ಎರಡನೇ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿ ಹೊರಹೊಮ್ಮಿತು. ವಿಶ್ವಾದ್ಯಂತ 119.29 ಕೋಟಿ ರೂಪಾಯಿಯ ವ್ಯವಹಾರ ನಡೆಸಿದೆ. ಆದರೆ ಗದರ್ ಏಕ್ ಪ್ರೇಮ್ ಕಥಾ 132 ಕೋಟಿ ರೂಪಾಯಿ ಗಳಿಸಿತ್ತು.
ಇದನ್ನೂ ಓದಿ: 777 ಚಾರ್ಲಿ To ಹಾಥಿ ಮೇರೆ ಸಾಥಿ : ಪ್ರಾಣಿಗಳು ಪ್ರಮುಖ ಪಾತ್ರ ವಹಿಸಿದ ಸಿನಿಮಾಗಳು
ಈ ಚಿತ್ರದ ಕಥೆಯು ಒಂದು ಶ್ರೀಮಂತ ಕುಟುಂಬದ ಸುತ್ತ ಸುತ್ತುತ್ತದೆ. ಶಾರುಖ್ ಖಾನ್ ಕೆಳವರ್ಗದ ಹುಡುಗಿ ಕಾಜೋಲ್ ಅವರನ್ನು ಮದುವೆಯಾಗುತ್ತಾರೆ. ಇದಾದ ನಂತರ ಶಾರುಖ್ ಮನೆ ಬಿಡಬೇಕಾಗುತ್ತದೆ. ಹೃತಿಕ್-ಕರೀನಾ ಸೇರಿ ಅಮಿತಾಭ್-ಶಾರುಖ್ ಅವರನ್ನು ಒಂದುಗೂಡಿಸುತ್ತಾರೆ. ಜಯಾ ಬಚ್ಚನ್ ಅವರ ಮಾತೃಹೃದಯ, ಕಾಜೋಲ್ ಪತ್ನಿ ಪ್ರೇಮ ಕೂಡಾ ಪ್ರೇಕ್ಷಕರನ್ನು ಅಪಾರವಾಗಿ ಸೆಳೆದಿದೆ.
