ಜವಾನ್ ಡೈರೆಕ್ಟರ್ ಅಟ್ಲೀ ಬೆಂಬಲವಿರುವ ವರುಣ್ ಧವನ್ ಮತ್ತು ಕೀರ್ತಿ ಸುರೇಶ್ ನಟನೆಯ ಸಿನಿಮಾಗೆ ತಾತ್ಕಾಲಿಕವಾಗಿ 'ವಿಡಿ 18' ಎಂದು ಹೆಸರಿಡಲಾಗಿದೆ. 2023ರ ಆಗಸ್ಟ್ನಲ್ಲಿ ಸಿನಿಮಾ ಕೆಲಸ ಆರಂಭವಾಗಿದ್ದು, ಅಂದಿನಿಂದಲೂ ಸಖತ್ ಸದ್ದು ಮಾಡುತ್ತಿದೆ. ನಾಯಕ ನಟ ಸಿನಿಮಾಗೆ ಸಂಬಂಧಿಸಿದಂತೆ ನಾಳೆ ಅಪ್ಡೇಟ್ಸ್ ಹೊರಬೀಳಲಿದೆ ಎಂದು ತಿಳಿಸಿದ್ದು, ಪ್ರೇಕ್ಷಕರ ಕುತೂಹಲ ಮತ್ತಷ್ಟು ಹೆಚ್ಚಾಗಿದೆ.
ಸಿನಿಮಾದ ಅಧಿಕೃತ ಶೀರ್ಷಿಕೆ?ಬಾಲಿವುಡ್ ನಟ ವರುಣ್ ಧವನ್ ಅವರ ಇನ್‌ಸ್ಟಾಗ್ರಾಮ್ ಸ್ಟೋರೀಸ್ನಲ್ಲಿ, 'VD18' ಎಂದು ಬರೆದಿರುವ ಸಿಂಪಲ್ ಪೋಸ್ಟರ್ ಶೇರ್ ಮಾಡಿದ್ದಾರೆ. ಕಡುಗಪ್ಪು (ಮೋಡದಂತೆ ತೋರುತ್ತಿದೆ) ಹಿನ್ನೆಲೆಯಲ್ಲಿ, 'ವಿಡಿ18' ಎಂಬುದು ರೆಡ್ ಕಲರ್ನಲ್ಲಿ ಬರೆದಿದೆ. ಹಿಂಬದಿ ಸಿನಿಮಾ ನಿರ್ಮಾಣ ಸಂಸ್ಥೆಗಳ ಹೆಸರಿದೆ. ಕೆಳಭಾಗದಲ್ಲಿ, ನಾಳೆ ಮಧ್ಯಾಹ್ನ 2 ಗಂಟೆಗೆ ಬಿಗ್ ರಿವೀಲ್ ಎಂದು ಬರೆಯಲಾಗಿದೆ. ಇದನ್ನು ನೋಡಿದ ನೆಟ್ಟಿಗರು ಸಿನಿಮಾದ ಅಧಿಕೃತ ಶೀರ್ಷಿಕೆ ಹೊರಬೀಳುವ ಸಾಧ್ಯತೆ ಇದೆ ಎಂದು ಊಹಿಸುತ್ತಿದ್ದಾರೆ.
'ವಿಡಿ18' ಚಿತ್ರೀಕರಣದ ವೇಳೆ ನಟನಿಗೆ ಗಾಯಗಳಾಗಿದ್ದವು. ಈ ಕಾರಣದಿಂದ ಚಿತ್ರ ಭರ್ಜರಿ ಆ್ಯಕ್ಷನ್ ದೃಶ್ಯಗಳನ್ನು ಒಳಗೊಂಡಿರಬಹುದು ಎಂದು ನಂಬಲಾಗಿದೆ. ಕಳೆದ ಡಿಸೆಂಬರ್‌ನಲ್ಲಿ ನಟ ಗಾಯಗೊಂಡಿದ್ದರು. ಘಟನೆಯ ನಂತರ ನಟ, ಬ್ಯಾಂಡೇಜ್ನಿಂದ ಕವರ್ ಮಾಡಲಾಗಿದ್ದ ಕಾಲಿನ ವಿಡಿಯೋವನ್ನು ಹಂಚಿಕೊಂಡಿದ್ದರು.
ಡಿಸೆಂಬರ್‌ನಲ್ಲಿ ವಿಡಿ18 ತಂಡ ಕೇರಳ ಶೂಟಿಂಗ್ ಶೆಡ್ಯೂಲ್ ಪೂರ್ಣಗೊಳಿಸಿದೆ. ಆದ್ರೆ ಯೋಜನೆ ಬಗ್ಗೆ ಇನ್ನೂ ಯಾವುದೇ ಅಧಿಕೃತ ವಿವರಗಳನ್ನು ಬಹಿರಂಗಪಡಿಸಲಾಗಿಲ್ಲ. ಈ ಚಿತ್ರದಲ್ಲಿ ವರುಣ್ ಧವನ್ ಜೊತೆ ಕೀರ್ತಿ ಸುರೇಶ್ ಮತ್ತು ವಾಮಿಕಾ ಗಬ್ಬಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ:'ಬ್ಲ್ಯಾಕ್'ಗೆ 19 ವರ್ಷ: ರಾಷ್ಟ್ರಪ್ರಶಸ್ತಿ ಗೆದ್ದ ಪಾತ್ರಕ್ಕೆ ಒಂದು ಪೈಸೆಯನ್ನೂ ಪಡೆದಿರಲಿಲ್ಲ ಬಚ್ಚನ್
ವರುಣ್ ಧವನ್ ಕೊನೆಯದಾಗಿ ನಿತೇಶ್ ತಿವಾರಿ ಅವರ ರೊಮ್ಯಾಂಟಿಕ್ ಸಿನಿಮಾ 'ಬವಾಲ್‌'ನಲ್ಲಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ಜಾಹ್ನವಿ ಕಪೂರ್ ಜೊತೆ ತೆರೆ ಹಂಚಿಕೊಂಡಿದ್ದರು. ಇನ್ನು, ವರುಣ್ ಅವರು ಸೌತ್ ಸ್ಟಾರ್ ನಟಿ ಸಮಂತಾ ರುತ್ ಪ್ರಭು ಜೊತೆ ರುಸ್ಸೋ ಬ್ರದರ್ಸ್ ಸಿರಿಸ್ 'ಸಿಟಾಡೆಲ್'ನ ಭಾರತೀಯ ರೂಪಾಂತರದಲ್ಲಿ ನಟಿಸಿದ್ದು, ಇದರ ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. ರಾಜ್ ಮತ್ತು ಡಿಕೆ ಮುಂದಾಳತ್ವದಲ್ಲಿ ರೆಡಿಯಾಗಿರುವ ಇಂಡಿಯನ್ 'ಸಿಟಾಡೆಲ್'ನ ಬಿಡುಗಡೆ ದಿನಾಂಕ ಇನ್ನೂ ಘೋಷಣೆಯಾಗಿಲ್ಲ. ಮೂಲ ಸಿಟಾಡೆಲ್‌ನಲ್ಲಿ (ಇಂಟರ್ನ್ಯಾಶನಲ್ ವರ್ಷನ್) ಪ್ರಿಯಾಂಕಾ ಚೋಪ್ರಾ ಮತ್ತು ರಿಚರ್ಡ್ ಮ್ಯಾಡೆನ್ ನಟಿಸಿದ್ದರು. ವರುಣ್ ಧವನ್ ಅವರ ಹಲವು ಸಿನಿಮಾಗಳು ಚಲನಚಿತ್ರೋದ್ಯಮದಲ್ಲಿ ಅವರ ಬಹುಮುಖ ಪ್ರತಿಭೆಯನ್ನು ಸಾಬೀತುಪಡಿಸಿವೆ. ಅಭಿಮಾನಿಗಳೀಗ ವಿಡಿ18 ಮತ್ತು ಸಿಟಾಡೆಲ್‌ನ ಅಪ್ಡೇಟ್ಸ್ಗಾಗಿ ಕಾತುರರಾಗಿದ್ದಾರೆ. ಸೋಮವಾರ ಮಧ್ಯಾಹ್ನ, 'ವಿಡಿ18'ರ ಅಪ್ಡೇಟ್ಸ್ ಹೊರಬೀಳಲಿದೆ.
ಇದನ್ನೂ ಓದಿ:ಪೂನಂ ಪಾಂಡೆ ಪರ ದನಿಯೆತ್ತಿದ ಪತಿ ಸ್ಯಾಮ್: 4 ತಿಂಗಳ ಹಿಂದೆಯೇ ಆರಂಭವಾಗಿತ್ತಂತೆ ಅಭಿಯಾನ!
