ಟೈರ್. ಇದು ಕಾರಿನ ಪ್ರಮುಖ ಭಾಗಗಳಲ್ಲಿ ಒಂದು. ವಾಹನದ ವೇಗವರ್ಧನೆ, ಬ್ರೇಕಿಂಗ್, ನಿರ್ವಹಣೆ ಗುಣಮಟ್ಟ ಹೆಚ್ಚಿಸಲು ಉತ್ತಮ ಟೈರ್ಗಳನ್ನು ಆಯ್ಕೆ ಬಹಳ ಮುಖ್ಯ. ಗುಣಮಟ್ಟದ ಟೈರ್‌ಗಳು ಮೈಲೇಜ್‌ಗೂ ಸಹಾಯ ಮಾಡುತ್ತವೆ.
ಟ್ಯೂಬ್‌ಲೆಸ್ ಟೈರ್‌ಗಳು: ಟೈರ್ಗಳನ್ನು ಆಯ್ಕೆ ಮಾಡುವಾಗ ನೀವು ಟ್ಯೂಬ್ ಮಾದರಿಯ ಟೈರ್‌ಗಳಿಗಿಂತ ಹೆಚ್ಚು ಸುಧಾರಿತ ಮತ್ತು ಸುರಕ್ಷಿತವಾದವುಗಳಿಗೆ ಆದ್ಯತೆ ನೀಡಬೇಕು. ಟ್ಯೂಬ್‌ಲೆಸ್ ಟೈರ್ ಆಯ್ಕೆ ಮಾಡುವುದು ಉತ್ತಮ ಎನ್ನುತ್ತಾರೆ ತಜ್ಞರು. ಟ್ಯೂಬ್ ಲೆಸ್ ಟೈರ್‌ಗಳು ಸ್ಟೀಲ್ ವೀಲ್ಗಳು ತುಕ್ಕು ಹಿಡಿಯುವುದನ್ನು ತಡೆಯಲು ಒಳಗೆ ಆ್ಯಂಟಿ ರಸ್ಟ್ ಲೇಪನ ಹೊಂದಿರುತ್ತವೆ. ಈ ಟೈರ್ಗಳಿಗೆ ಹೊಂದಿಕೊಳ್ಳಲು ಅಲಾಯ್ ವೀಲ್ಗಳನ್ನು ಹೊಂದುವ ಅಗತ್ಯವಿಲ್ಲ.
ಟೈರ್ ಗಾತ್ರ ಹೇಗಿರಬೇಕು?:ಹೊಸ ಟೈರ್ಗಳನ್ನು ಖರೀದಿಸುವಾಗ, ಅವುಗಳ ಗಾತ್ರದ ಮೇಲೆ ಗಮನಹರಿಸಬೇಕಾಗುತ್ತದೆ. ಟೈರ್ ಗಾತ್ರವನ್ನು ಮೂರು ಭಾಗಗಳಾಗಿ ವಿಂಗಡಿಸಬಹುದು. ರಿಮ್ ಗಾತ್ರ, ಟೈರ್ ವೀಲ್ಹ್ನ ಹೊರಮೈ ಅಗಲ ಮತ್ತು ಸೈಡ್‌ವಾಲ್‌ಗಳ ಎತ್ತರ. ಟೈರ್ ಆಯ್ಕೆ ಮಾಡುವಾಗ, ನೀವು ಖರೀದಿಸುವ ಟೈರ್ನ ಗಾತ್ರವು ನೀವು ಅವಳಡಿಸಲು ಬಯಸುವ ರಿಮ್ನಂತೆಯೇ ಇರಬೇಕು ಎಂಬುದನ್ನು ನೆನಪಿಡಿ. ಟ್ರೆಡ್ ಅಗಲವನ್ನು ಬಹಳ ಎಚ್ಚರಿಕೆಯಿಂದ ಆಯ್ಕೆ ಮಾಡಬೇಕು. ಟ್ರೆಡ್ ಅಗಲವು ನೀವು ಚಾಲನೆ ಮಾಡುತ್ತಿರುವ ವಾಹನವನ್ನು ಅವಲಂಬಿಸಿರುತ್ತದೆ.
ಯಾವ ಬ್ರ್ಯಾಂಡ್ನ ಟೈರ್ ಖರೀದಿಸಬೇಕು?: ನೀವು ಹೊಸ ಟೈರ್ ಖರೀದಿಸುತ್ತಿದ್ದರೆ, ಉತ್ತಮ ಬ್ರಾಂಡ್ ಅನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳಿ. ಐಎಸ್‌ಐ ಮಾರ್ಕ್ ಹೊಂದಿರುವ ಟೈರ್ಗಳಿಗೆ ಪ್ರಾಮುಖ್ಯತೆ ನೀಡಬೇಕು. ಅಗ್ಗದ ಚೈನೀಸ್ ಟೈರ್ ಮತ್ತು ಇತರ ಕಡಿಮೆ ಗುಣಮಟ್ಟದ ಮಾದರಿಗಳನ್ನು ನೋಡಬೇಡಿ. ದೀರ್ಘ ಪ್ರಯಾಣ ಮಾಡುವವರು ಹೆಚ್ಚು ಆರಾಮದಾಯಕ ಟೈರ್ಗಳನ್ನು ತೆಗೆದುಕೊಳ್ಳಬೇಕು. ನಗರದಲ್ಲಿ ಸಂಚರಿಸಲು ಟೈರ್ ಬೇಕು ಎನ್ನುವವರು, ಮೈಲೇಜ್ ನೀಡುವ ಟೈರ್ ಗಳತ್ತ ಗಮನಹರಿಸಿ.
ತಯಾರಿಕೆಯ ದಿನಾಂಕ ನೋಡಿ:ಟೈರ್ (ಬ್ರ್ಯಾಂಡ್ ಟೈರ್) ಖರೀದಿಸುವಾಗ, ಟೈರ್ ತಯಾರಿಕೆಯ ದಿನಾಂಕವನ್ನು ಟೈರ್ ಮೇಲೆ ಬರೆಯಲಾಗುತ್ತದೆ. ಅದನ್ನು ಗಮನಿಸಬೇಕು. ಹಳೆಯ ಸ್ಟಾಕ್‌ಗೆ ಅಂಟಿಕೊಳ್ಳುವುದನ್ನು ತಪ್ಪಿಸಲು ಇದು ಸಹಾಯ ಮಾಡುತ್ತದೆ. ಭಾರತದಂತಹ ಬಿಸಿ ವಾತಾವರಣವಿರುವ ಸ್ಥಳಗಳಲ್ಲಿ ಟೈರ್‌ಗಳು ಬೇಗ ಸವೆಯುತ್ತವೆ. ಅದಕ್ಕಾಗಿಯೇ ಹೊಸ ಟೈರ್ ಖರೀದಿಸುವಾಗ, ನೀವು ಉತ್ಪಾದನಾ ದಿನಾಂಕವನ್ನು ಪರಿಶೀಲಿಸಬೇಕು. ಟೈರ್‌ನಲ್ಲಿ DOTಯಿಂದ ಪ್ರಾರಂಭವಾಗುವ ಅಕ್ಷರಗಳ ಸರಣಿಯನ್ನು ನೋಡಿ. ಪ್ರತಿ ಟೈರ್‌ನಲ್ಲಿ ಉತ್ಪಾದನೆಯ ತಿಂಗಳು ಬರೆಯಲಾಗಿದೆ. ಸರಿಯಾಗಿ ಇರದೇ ಇದ್ದರೆ ಅಂತಹ ಟೈರ್ ಅನ್ನು ಖರೀದಿಸಿ, ಇಲ್ಲದಿದ್ದರೆ ಬೇಡ.
ಇದನ್ನೂ ಓದಿ:ಇವಿ ಚಾರ್ಜಿಂಗ್ ಸೌಕರ್ಯಕ್ಕೆ ಉತ್ತೇಜನ: ಅದಾನಿ ಟೋಟಲ್ ಎನರ್ಜಿಸ್ ಜೊತೆ ಕೈ ಜೋಡಿಸಿದ ಮಹೀಂದ್ರಾ - mou on boost EV charging infra
