RuPay ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಶುಭ ಸುದ್ದಿ: ಕಾರ್ಡ್​ನ ಹೊಸ ವೈಶಿಷ್ಟ್ಯಗಳೇನು - EMI, UPI ಅಪ್ಲಿಕೇಶನ್‌ನಲ್ಲಿ ಮಿತಿ ಹೆಚ್ಚಳ ಸೌಲಭ್ಯ! - NEW RuPay Credit card rules

ರುಪೇ ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಒಳ್ಳೆಯ ಸುದ್ದಿ. RuPay ಕ್ರೆಡಿಟ್ ಕಾರ್ಡ್‌ನಲ್ಲಿ 3 ಹೊಸ ವೈಶಿಷ್ಟ್ಯಗಳು ಲಭ್ಯವಿರುತ್ತವೆ. ಇದರೊಂದಿಗೆ ನೀವು UPI ಅಪ್ಲಿಕೇಶನ್‌ಗಳಿಂದ ನೇರವಾಗಿ EMIಗೆ ಪಾವತಿಯನ್ನು ಪರಿವರ್ತಿಸಬಹುದು. ಕ್ರೆಡಿಟ್ ಕಾರ್ಡ್ ಮಿತಿಯನ್ನು ಸಹ ಹೆಚ್ಚಿಸಬಹುದು. ಈ ಎಲ್ಲದರ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳಬೇಕಾ ಹಾಗಾದರೆ ಈ ಸುದ್ದಿ ಓದಿ.

ಹೈದರಾಬಾದ್​: ಈಗ ರುಪೇ ಕ್ರೆಡಿಟ್ ಕಾರ್ಡ್‌ಗಳ ಜಮಾನಾ ಶುರುವಾಗಿದೆ. ದೇಶದಲ್ಲಿ ಅನೇಕ ಜನರನ್ನು ಈ ಕಾರ್ಡ್​ಗಳು ತಲುಪಿವೆ. ಅದಕ್ಕಾಗಿಯೇ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ NPCI ರುಪೇ ಕ್ರೆಡಿಟ್ ಕಾರ್ಡ್‌ಗಳಿಗೆ ಸಂಬಂಧಿಸಿದ 3 ಹೊಸ ವೈಶಿಷ್ಟ್ಯಗಳನ್ನು ಜಾರಿಗೆ ತಂದಿದೆ. ಅವು ಯಾವುವು ಎಂದರೆ,

ಬಳಕೆದಾರರು ಪಾವತಿಯ ಸಮಯದಲ್ಲಿ UPI ಅಪ್ಲಿಕೇಶನ್ ಲಿಂಕ್ ಮಾಡಿದ RuPay ಕ್ರೆಡಿಟ್ ಕಾರ್ಡ್‌ನಲ್ಲಿ ಈಗ ವಹಿವಾಟುಗಳನ್ನು EMI ಗಳಾಗಿ ಪರಿವರ್ತಿಸಬಹುದು. UPI ಅಪ್ಲಿಕೇಶನ್‌ನಲ್ಲಿ ಕ್ರೆಡಿಟ್ ಕಾರ್ಡ್ ಆಯ್ಕೆಯಿಂದ ಪಾವತಿ ಸಮಯದಲ್ಲಿ EMI ಆಯ್ಕೆಗಳು ಆಟೋಮೆಟೆಡ್​ ಆಗಿ ಗೋಚರಿಸುತ್ತವೆ. ಬಳಕೆದಾರರು ತಮಗೆ ಸೂಕ್ತವಾದ ಆಯ್ಕೆಗಳನ್ನು ಮಾಡಿಕೊಳ್ಳಬಹುದು. ಇದು ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿ, ಕಂತುಗಳ ಪಾವತಿ, ಮಿತಿ ನಿರ್ವಹಣೆಯಂತಹ ವೈಶಿಷ್ಟ್ಯಗಳನ್ನು ಸಹ ಒಳಗೊಂಡಿದೆ. RuPay ಕ್ರೆಡಿಟ್ ಕಾರ್ಡ್ ಬಳಕೆದಾರರು ಬಯಸಿದಲ್ಲಿ 'ಆಟೋ ಪೇ' ಆಯ್ಕೆಯನ್ನು ಕೂಡಾ ಬಳಸಬಹುದು. ಬ್ಯಾಂಕ್‌ಗಳು ಮತ್ತು ಕ್ರೆಡಿಟ್ ಕಾರ್ಡ್ ವಿತರಕರು ಮೇ 31 ರೊಳಗೆ ಈ ಹೊಸ ವೈಶಿಷ್ಟ್ಯಗಳನ್ನು ಜಾರಿಗೆ ತರಬೇಕಾಗುತ್ತದೆ.

ಇವುಗಳು ರುಪೇ ಕಾರ್ಡ್​ಗಳ್ಲಿ ಇರುವ ಹೆಚ್ಚುವರಿ ವೈಶಿಷ್ಟ್ಯಗಳಾಗಿವೆ, ನೀವು ಎಂದಾದರೂ ನಿಮ್ಮ ಕ್ರೆಡಿಟ್ ಮಿತಿಯನ್ನು ಹೆಚ್ಚಿಸಬೇಕು ಎಂದು ಕೊಂಡಿದ್ದಾರೆ. ನೀವು ನಿಮ್ಮ UPI ಅಪ್ಲಿಕೇಶನ್‌ನಿಂದಲೇ ನೇರವಾಗಿ ಬ್ಯಾಂಕ್‌ಗೆ ವಿನಂತಿಯನ್ನು ಕಳುಹಿಸಬಹುದು. ಕ್ರೆಡಿಟ್ ಕಾರ್ಡ್ ಬಾಕಿ ಬಿಲ್, ಕನಿಷ್ಠ ಬಿಲ್, ಒಟ್ಟು ಮೊತ್ತ, ಬಿಲ್ ದಿನಾಂಕವನ್ನು ಯುಪಿಐ ಆಪ್ ನಲ್ಲಿಯೇ ಇನ್ಮುಂದೆ ಪರಿಶೀಲನೆ ಮಾಡಿಕೊಳ್ಳಬಹುದು. ಮೊದಲು ಈ ವೈಶಿಷ್ಟ್ಯಗಳು ಬ್ಯಾಂಕ್ ಅಪ್ಲಿಕೇಶನ್‌ನಲ್ಲಿ ಮಾತ್ರ ಲಭ್ಯವಿದ್ದವು. ಆದರೆ, ಇನ್ಮುಂದೆ ಇವು ಯುಪಿಐ ಆಪ್ ಗಳಲ್ಲಿಯೂ ಲಭ್ಯವಾಗಲಿದೆ.

RuPay ಕ್ರೆಡಿಟ್ ಕಾರ್ಡ್ ಪ್ರಯೋಜನಗಳು:UPI ನೊಂದಿಗೆ RuPay ಕ್ರೆಡಿಟ್ ಕಾರ್ಡ್‌ಗಳನ್ನು ಲಿಂಕ್ ಮಾಡುವುದರಿಂದ ಸುಲಭವಾಗಿ ನಿಮ್ಮ ಬಾಕಿಗಳನ್ನು ತಕ್ಷಣವೇ ಕುಳಿತ ಸ್ಥಳದಿಂದಲೇ ಪಾವತಿ ಮಾಡಬಹುದು. ವಿಶೇಷವಾಗಿ ಕ್ರೆಡಿಟ್ ಕಾರ್ಡ್ ಅನ್ನು ಒಂದು ಸ್ಥಳದಲ್ಲಿ ಮತ್ತು UPI ಅಪ್ಲಿಕೇಶನ್ ಅನ್ನು ಇನ್ನೊಂದು ಸ್ಥಳದಲ್ಲಿ ಬಳಸುವ ಅಗತ್ಯವಿಲ್ಲ. ನಿಮ್ಮ ಕೈಯಲ್ಲಿ ಫೋನ್ ಇದ್ದರೆ, ನೀವು ತುಂಬಾ ಸುಲಭವಾಗಿ ಪಾವತಿ ಮಾಡಬಹುದು. ಪ್ರತಿ ಬಾರಿ ಕ್ರೆಡಿಟ್ ಕಾರ್ಡ್ ಅನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗಬೇಕು ಅಂತಾನೂ ಇಲ್ಲ.

ರಿವಾರ್ಡ್ ಪಾಯಿಂಟ್‌ಗಳು ಲಭ್ಯ: ಸಾಮಾನ್ಯವಾಗಿ ಕ್ರೆಡಿಟ್ ಕಾರ್ಡ್ ಪಾವತಿ ಸಂದರ್ಭದಲ್ಲಿ ರಿವಾರ್ಡ್ ಪಾಯಿಂಟ್‌ಗಳು ಬರುತ್ತವೆ. ಆದರೆ ಬ್ಯಾಂಕ್ ಖಾತೆಯ ಮೂಲಕ ಮಾಡಿದ UPI ಪಾವತಿಗಳಿಗೆ ಯಾವುದೇ ರಿವಾರ್ಡ್ಸ್​ ಸಿಗುವುದಿಲ್ಲ. ಆದರೆ ರುಪೇ ಕ್ರೆಡಿಟ್ ಕಾರ್ಡ್ ಮೂಲಕ ಮಾಡಿದ ಯುಪಿಐ ಪಾವತಿಗಳಲ್ಲಿ ರಿವಾರ್ಡ್ ಪಾಯಿಂಟ್‌ಗಳನ್ನು ಗಳಿಸುವ ಅವಕಾಶವನ್ನು ಮಾಡಿಕೊಡಲಾಗಿದೆ.

ರುಪೇ ಕ್ರೆಡಿಟ್ ಕಾರ್ಡ್ ಎಮ್‌ಡಿಆರ್ ಶುಲ್ಕಗಳು: ಸಾಮಾನ್ಯವಾಗಿ ಕ್ರೆಡಿಟ್ ಕಾರ್ಡ್‌ಗಳ ಮೇಲೆ ಎಂಡಿಆರ್ ಶುಲ್ಕಗಳನ್ನು ವಿಧಿಸಲಾಗುತ್ತದೆ. ಈ ಶುಲ್ಕವು 2 ಪ್ರತಿಶತದವರೆಗೆ ಇರುತ್ತದೆ. ಆದಾಗ್ಯೂ, ರುಪೇ ಕ್ರೆಡಿಟ್ ಕಾರ್ಡ್ ಮೂಲಕ ಮಾಡಿದ ಪಾವತಿಗಳಿಗೆ ಈ ಎಂಡಿಆರ್ ಶುಲ್ಕಗಳನ್ನು ಪಾವತಿಸುವ ಅಗತ್ಯವಿಲ್ಲ. ಅದಕ್ಕಾಗಿಯೇ ಪಾಯಿಂಟ್ ಆಫ್ ಸೇಲ್ (ಪಿಒಎಸ್) ಕಾರ್ಡ್ ಸ್ವೈಪ್ ಯಂತ್ರಗಳನ್ನು ಹೊಂದಿರದ ಸಣ್ಣ ಅಂಗಡಿಗಳಲ್ಲಿಯೂ ರುಪೇ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸಿಕೊಂಡು ಯುಪಿಐ ಪಾವತಿಗಳನ್ನು ಇನ್ಮುಂದೆ ಸುಲಭವಾಗಿ ಮಾಡಬಹುದು.

ಖರ್ಚುಗಳ ಮೇಲೆ ನಿಗಾ ಇಡಬಹುದು: ನಿಮ್ಮ ಖರ್ಚುಗಳನ್ನು ಟ್ರ್ಯಾಕ್ ಮಾಡಲು RuPay ಕ್ರೆಡಿಟ್ ಕಾರ್ಡ್ ಉತ್ತಮವಾಗಿದೆ. ನಿಮ್ಮ ಮಾಸಿಕ ವೆಚ್ಚಗಳಿಗೆ ಮಿತಿಯನ್ನು ಹೊಂದಿಸಲು ಮತ್ತು ಪೂರ್ವಪಾವತಿಗಳನ್ನು ಮಾಡಲು ರುಪೇ ಕಾರ್ಡ್ ಅನ್ನು ಬಳಸಬಹುದು. ಬ್ಯಾಂಕ್ ಖಾತೆಗಳು ಅಥವಾ ಇತರ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸಿ, ಈ ರೀತಿಯ ವೆಚ್ಚಗಳನ್ನು ಟ್ರ್ಯಾಕ್ ಮಾಡಲು ಸಾಧ್ಯವಿಲ್ಲ.

ಖಾತೆಯಲ್ಲಿ ಹಣವಿಲ್ಲದಿದ್ದರೂ, ತುರ್ತು ಸಂದರ್ಭಗಳಲ್ಲಿ ರುಪೇ ಕ್ರೆಡಿಟ್ ಕಾರ್ಡ್‌ಗಳು ತುಂಬಾ ಉಪಯುಕ್ತವಾಗಿವೆ. ಬಿಲ್ ಪಾವತಿಗೆ ಕೆಲವು ಗಡುವು ಇರುವುದರಿಂದ ಗ್ರಾಹಕರು ರುಪೇ ಕ್ರೆಡಿಟ್​ ಕಾರ್ಡ್ ಬಳಸಿ ಹಣ ಪಾವತಿ ಮಾಡಬಹುದಾಗಿದೆ.

ಇದನ್ನು ಓದಿ: ಇಪಿಎಫ್ ಖಾತೆಯನ್ನು ಅನ್‌ಬ್ಲಾಕ್ ಮಾಡುವುದು ಹೇಗೆ?; ಇಲ್ಲಿದೆ ಸುಲಭ ಮಾರ್ಗ - How To Unblock EPF Account