ಸೋಲಾರ್​ ಪ್ಯಾನಲ್​ ಅಳವಡಿಕೆಗೆ ಭಾರತೀಯರು ಹಿಂದೇಟು ಹಾಕುತ್ತಿರುವುದೇಕೆ; ಸಮೀಕ್ಷೆಯಲ್ಲಿ ಬಯಲಾಗಿದ್ದೇನು? - adopting rooftop solar power

ಭಾರತದಲ್ಲಿ ಸೋಲಾರ್​ ಪವರ್​ ಅಳವಡಿಕೆಗೆ ಇರುವ ದೊಡ್ಡ ಅಡ್ಡಿಯೆಂದರೆ, ವಿಶೇಷ ಕೌಶಲ್ಯದ ಕಾರ್ಮಿಕರ ಕೊರತೆ ಹಾಗೂ ಇದರ ದುಬಾರಿ ವೆಚ್ಚ ಮತ್ತು ಲಭ್ಯತೆ ಆಗಿದೆ.

ನವದೆಹಲಿ:ತಾಪಮಾನ ಕಡಿಮೆ ಮಾಡುವ ಜೊತೆಗೆ ಇಂಗಾಲದ ಹೊರಸೂಸುವಿಕೆ ತಗ್ಗಿಸಲು ಭಾರತ ಹಸಿರು ಶಕ್ತಿ ಉತ್ಪನ್ನಗಳಿಗೆ ಉತ್ತೇಜನ ನೀಡುತ್ತಿದೆ. ಅದರಲ್ಲಿ ಸೌರ ಶಕ್ತಿ ಯೋಜನೆಯೂ ಪ್ರಮುಖವಾಗಿದೆ. ಈ ನಿಟ್ಟಿನಲ್ಲಿ ಸರ್ಕಾರವು ಸೂರ್ಯ ಘರ್​ ಎಂಬ ಯೋಜನೆಗೆ ಚಾಲನೆ ನೀಡಿದ್ದು, ಜನರಿಗೆ ಸೌರ ಶಕ್ತಿ ಪ್ಯಾನಲ್​ ಅಳವಡಿಕೆಗೆ ಉತ್ತೇಜಿಸಿದೆ. ಆದರೆ, ಭಾರತೀಯರು ಸೌರಶಕ್ತಿಯ ಪ್ಯಾನಲ್​ಗಳ ಅಳವಡಿಕೆಯಲ್ಲಿ ಹಿಂದೇಟು ಹಾಕುತ್ತಿರುವುದು ಸಮೀಕ್ಷೆಯಲ್ಲಿ ಕಂಡು ಬಂದಿದೆ. ಇದಕ್ಕೆ ಪ್ರಮುಖ ಕಾರಣ ದುಬಾರಿ ವೆಚ್ಚ ಹಾಗೂ ಕೌಶಲ್ಯದ ಉದ್ಯೋಗಿಗಳ ಕೊರತೆ ಮೇಲ್ಚಾವಣಿಯ ಸೋಲಾರ್​ ಪವರ್​ ಅಳವಡಿಕೆಗೆ ದೊಡ್ಡ ತೊಡಕಾಗಿದೆ ಎಂದು ಸಮೀಕ್ಷೆ ತಿಳಿಸಿದೆ.

ಲ್ಯುಮಿನೊಸ್​ ಪವರ್​ ಟೆಕ್ನಾಲಾಜಿಸ್​​ ಈ ಸಮೀಕ್ಷೆ ನಡೆಸಿದ್ದು, ಇದಕ್ಕಾಗಿ ಭಾರತದ 5 ಮೆಟ್ರೋ ಮತ್ತು 8 ಮೆಟ್ರೋ ಹೊರತಾದ ನಗರಗಳಲ್ಲಿ 4,318 ಮಂದಿಯನ್ನು ಸಮೀಕ್ಷೆಗೆ ಒಳಪಡಿಸಿದೆ. ಸೋಲಾರ್​ ಸ್ಪೆಕ್ಟ್ರಮ್ ಆಫ್ ನ್ಯೂ ಇಂಡಿಯಾ ಹೆಸರಿನ ಅಡಿಯಲ್ಲಿ ಅಧ್ಯಯನ ನಡೆಸಲಾಗಿದೆ.

ನುರಿತ ಕಾರ್ಮಿಕರ ಕೊರತೆ; ಅಧ್ಯಯನದಲ್ಲಿ ಭಾಗಿಯಾದ ಶೇ 90ರಷ್ಟು ಮಂದಿ ಪ್ರತಿಕ್ರಿಯಿಸಿದಂತೆ, ಸೋಲಾರ್​ ಪಾನಲ್​ ಅಳವಡಿಕೆಗೆ ವಿಶೇಷ ಕೌಶಲ್ಯ ಅಗತ್ಯವಿದೆ ಎಂಬುದನ್ನು ಒಪ್ಪಿದ್ದಾರೆ. ಹಾಗೇ ಶೇ 45ರಷ್ಟು ಮಂದಿ ಈ ರೀತಿಯ ಕೌಶಲ್ಯಯುತ ಕಾರ್ಮಿಕರು ಸ್ಥಳೀಯವಾಗಿ ಅಲಭ್ಯ ಎಂದು ತಿಳಿಸಿದ್ದಾರೆ.

ಭಾರತದಲ್ಲಿ ಸೋಲಾರ್​ ಪವರ್​ ಅಳವಡಿಕೆಗೆ ಇರುವ ದೊಡ್ಡ ಅಡ್ಡಿಯೆಂದರೆ, ವಿಶೇಷ ಕೌಶಲ್ಯದ ಕಾರ್ಮಿಕರ ಕೊರತೆ ಹಾಗೂ ಇದರ ದುಬಾರಿ ವೆಚ್ಚ ಮತ್ತು ಲಭ್ಯತೆ ಪ್ರಮುಖ ಮೂರು ಅಂಶಗಳಾಗಿವೆ.

ಇದೇ ವೇಳೆ ಶೇ.59ರಷ್ಟು ಮಂದಿ ಇದರ ಅಳವಡಿಕೆಯಲ್ಲಿ ಅಧಿಕ ವೆಚ್ಚ ಹೊಂದಿದ್ದು, ಅದರ ಬಗ್ಗೆ ಕಾಳಜಿ ಹೊಂದಿರುವುದಾಗಿ ತಿಳಿಸಿದ್ದಾರೆ. ಅನೇಕ ಮಂದಿ ಸೋಲಾರ್​ ಪ್ಯಾನಲ್​ಗಳ ಅಳವಡಿಕೆಯು ಸಾಂಪ್ರದಾಯಿಕ ಶಕ್ತಿ ಸಂಪನ್ಮೂಲಗಳಿಗೆ ಹೋಲಿಕೆಗಿಂತ ಹೆಚ್ಚು ವೆಚ್ಚ ಹೊಂದಿರುವುದಾಗಿ ನಂಬಿದ್ದಾರೆ ಎಂದು ಅಧ್ಯಯನದಲ್ಲಿ ಕಂಡು ಬಂದಿದೆ.

ಈ ನಿಟ್ಟಿನಲ್ಲಿ ಸೋಲಾರ್​ ಪ್ಯಾನಲ್​ ಆರ್ಥಿಕ ಸ್ಕೀಮ್​ ಮತ್ತು ಲಭ್ಯತೆ ಕುರಿತು ಜನರಲ್ಲಿ ಜಾಗೃತಿ ಮೂಡಿಸುವ ಅವಶ್ಯಕತೆ ಇದೆ. ಹಾಗೇ ಅಂತಹ ಪರಿಹಾರಗಳ ಕುರಿತು ಮನವರಿಕೆ ಮಾಡಬೇಕು ಎಂದಿದೆ. ಭಾರತದಲ್ಲಿ ಸೌರ ಶಕ್ತಿ ಅಳವಡಿಕೆ ವೇಗದ ಬೆಳವಣಿಗೆ ಕಂಡರೂ, ಕುಟುಂಬ, ಮನೆಗಳ ಬಳಕೆಗೆ ಮೇಲ್ಚಾವಣಿಯ ಸೌರ ವಿದ್ಯುತ್​ ಬಳಕೆ ವ್ಯಾಪಕವಾಗಿ ಕಂಡು ಬಂದಿಲ್ಲ.

ಇದನ್ನೂ ಓದಿ: ರಾಜ್ಯದಲ್ಲಿ ಸೌರಶಕ್ತಿ ಉತ್ತೇಜಿಸಲು ಸರ್ಕಾರ ಕೈಗೊಂಡಿರುವ ಕ್ರಮಗಳೇನು?