ನವದೆಹಲಿ: ನವದೆಹಲಿಯಲ್ಲಿರುವ ಪ್ರಧಾನಿ ನಿವಾಸದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಮೈಕ್ರೋಸಾಫ್ಟ್ನ ಸಹ- ಸಂಸ್ಥಾಪಕ ಹಾಗೂ ಸಿಇಒ ಬಿಲ್ ಗೇಟ್ಸ್ ಸುದೀರ್ಘವಾದ ಚರ್ಚೆ ಬಳಿಕ ವಿಶೇಷ ಉಡುಗೊರೆಗಳನ್ನು ವಿನಿಮಯ ಮಾಡಿಕೊಂಡರು. ಬಿಲ್ ಗೇಟ್ಸ್ ಪ್ರಧಾನಿ ಮೋದಿ ಅವರಿಗೆ ಪೌಷ್ಠಿಕಾಂಶ ಕುರಿತ ಪುಸ್ತಕವನ್ನು ಉಡುಗೊರೆ ನೀಡಿದ್ದು, ಅದಕ್ಕೆ ಪ್ರತಿಯಾಗಿ ನರೇಂದ್ರ ಮೋದಿ ಅವರು 'ವೋಕಲ್ ಪಾರ್ ಲೋಕಲ್' ಗಿಫ್ಟ್ ಹ್ಯಾಂಪರ್ ಅನ್ನು ಉಡುಗೊರೆಯಾಗಿ ನೀಡಿದರು.
ಬಿಲ್ ಗೇಟ್ಸ್ಗೆ 'ವೋಕಲ್ ಫಾರ್ ಲೋಕಲ್' ಗಿಫ್ಟ್ ಹ್ಯಾಂಪರ್ ನೀಡಿದ ಪ್ರಧಾನಿ ಮೋದಿ
ಬಿಲ್ ಗೇಟ್ಸ್ಗೆ ನೀಡಿದ ಗಿಫ್ಟ್ ಹ್ಯಾಂಪರ್ನಲ್ಲಿ ಕಾಶ್ಮೀರದ ಪಶ್ಮಿನಾ ಶಾಲು ಇತ್ತು. ಅದಲ್ಲದೇ ಭಾರತದ ಕೇಸರಿ, ಪ್ರಸಿದ್ಧ ಚಹಾಪುಡಿಗಳಾದ ಡಾರ್ಜಿಲಿಂಗ್ ಹಾಗೂ ನೀಲಗಿರಿ ಚಹಾ, ತೂತುಕುಡಿಯ ಮುತ್ತು ಹಾಗೂ ಟೆರಾಕೋಟಾ ಮೂರ್ತಿ, ಭಾರತದ ರೋಮಾಂಚಕ ಸಂಸ್ಕೃತಿ ಪ್ರತಿನಿಧಿಸುವ ಒಂದು ಚಿಕಣಿ ಕಲಾಕೃತಿಯನ್ನು ಬಿಲ್ ಗೇಟ್ಸ್ ಅವರಿಗೆ ಪ್ರಧಾನಿ ಉಡುಗೊರೆಯಾಗಿ ನೀಡಿದರು.