ರೈಲಿನ ಚಕ್ರಕ್ಕೆ ಸರಪಳಿ ಬಿಗಿದು ನಿಲ್ಲಿಸಿದ ಲೊಕೊ ಪೈಲಟ್​, ಗಾರ್ಡ್​ ! ಅವರು ಕೊಟ್ಟ ಕಾರಣ ಹೀಗಿದೆ

ಸೈಕಲ್​, ಬೈಕ್​ಗೆ ಬಿಗಿ ಸರಪಳಿ ಮೂಲಕ ಕಟ್ಟಿಹಾಕುವುದು ಸಾಮಾನ್ಯ. ಆದರೆ, ಬಿಹಾರದಲ್ಲಿ ಗೂಡ್ಸ್​ ರೈಲನ್ನೇ ಕಟ್ಟಿಹಾಕಿರುವ ಅಪರೂಪದ ಘಟನೆ ನಡೆದಿದೆ.

ನಳಂದ (ಬಿಹಾರ): ಸೈಕಲ್​ಗಳನ್ನು ಸುಲಭವಾಗಿ ಅಪಹರಿಸುವ ಸಾಧ್ಯತೆ ಇರುವ ಹಿನ್ನೆಲೆ ಅದಕ್ಕೊಂದು ಚೈನ್​ ಕಟ್ಟಿ ಭದ್ರವಾಗಿಸಿ ತೆರಳುವುದು ಸಾಮಾನ್ಯ. ಆದರೆ, ಇಲ್ಲಿ ರೈಲಿಗೇ ಚೈನ್​ನಿಂದ ಕಟ್ಟಿ ಹಾಕಿರುವ ಘಟನೆ ಬೆಳಕಿಗೆ ಬಂದಿದೆ.

ಹೌದು, ಅಚ್ಚರಿಯಾದರೂ ಇದು ನಿಜ. ಬೃಹದಾಕಾರದ ರೈಲಿಗೆ ಫ್ಲಾಟ್​ಫಾರಂನಲ್ಲಿ ಅದರ ಲೊಕೊ ಪೈಲಟ್​ ಮತ್ತು ಗಾರ್ಡ್​ ಸರಪಳಿಯಿಂದ ಕಟ್ಟಿ ಹಾಕಿದ್ದಾರೆ. ಇದು ರೈಲ್ವೆ ಇಲಾಖೆಯಲ್ಲಿ ಹೊಸ ಸಂಚಲನ ಮೂಡಿಸಿದ್ದು, ಘಟನೆ ಕುರಿತು ತನಿಖೆಗೆ ರೈಲ್ವೆ ಇಲಾಖೆಯ ಅಧಿಕಾರಿಗಳು ಮುಂದಾಗಿದ್ದಾರೆ.

ರೈಲಿಗೆ ಸರಪಳಿ ಬಿಗಿದಿರುವ ಘಟನೆ (ETV Bharat)

ಏನಿದು ಘಟನೆ : ಬಿಹಾರದಲ್ಲಿ ಬಾಗಲ್ಪುರ- ಪಟ್ನಾ ಮಾರ್ಗ ಮಧ್ಯೆ ಸಂಚರಿಸುತ್ತಿದ್ದ ಗೂಡ್ಸ್​ ರೈಲು ಬಾರ್ಹ ರೈಲು ನಿಲ್ದಾಣಕ್ಕೆ ಬಂದು ನಿಂತಿದೆ. ಈ ಹೊತ್ತಿಗೆ 8 ಗಂಟೆ ಕೆಲಸ ಮುಗಿಸಿದ ರೈಲಿನ ಲೊಕೊ ಪೈಲಟ್​ ಮತ್ತು ಗಾರ್ಡ್​​ ಅಲ್ಲಿಯೇ ಫ್ಲಾಟ್​ಫಾರಂ ನಂಬರ್​ 2ರಲ್ಲಿ ರೈಲು ನಿಲ್ಲಿಸಿದ್ದಾರೆ. ಅಷ್ಟೇ ಅಲ್ಲದೇ ಅದಕ್ಕೆ ಚೈನ್​ ಹಾಕಿ ಅದನ್ನು ಯಾರು ಒಯ್ಯದಂತೆ ಜೋಪಾನ ಮಾಡಿದ್ದಾರೆ.

ಭದ್ರತಾ ಕಾರಣದಿಂದ ಈ ಕ್ರಮ : ಬರ್ಹಾ ರೈಲು ನಿಲ್ದಾಣದಲ್ಲಿ ಸಂಜೆ 4ಗಂಟೆ ಬಳಿಕ ಈ ಘಟನೆ ಕಂಡ ರೈಲ್ವೆ ಸಿಬ್ಬಂದಿಗಳ ಅವಕ್ಕಾಗಿದ್ದಾರೆ. ಈ ಕುರಿತು ರೈಲ್ವೆ ಸಿಬ್ಬಂದಿಗಳು ಪ್ರಶ್ನಿಸಿದಾಗ ಸುರಕ್ಷತೆ ಹಿನ್ನೆಲೆ ಈ ಕ್ರಮಕ್ಕೆ ಮುಂದಾಗಿರುವುದಾಗಿ ತಿಳಿಸಿದ್ದಾರೆ.

ಬಾರ್ಹ್​ ರೈಲು ನಿಲ್ದಾಣ (ETV Bharat)

ಫ್ಲಾಟ್​ಫಾರಂ ರೈಲಿನಲ್ಲಿ ಬದಲಾವಣೆ : ಗೂಡ್ಸ್​ ರೈಲು ಪ್ರಮುಖ ರೈಲು ಹಳಿ ಮೇಲೆ ನಿಂತ ಹಿನ್ನೆಲೆಯಲ್ಲಿ ಇತರೆ ರೈಲುಗಳ ಸಂಚಾರ ಮಾರ್ಗದಲ್ಲಿ ಸಮಸ್ಯೆ ಉಂಟಾಯಿತು. ಇದು ಪ್ರಯಾಣಿಕರಿಗೂ ಕಿರಿಕಿರಿ ಮೂಡಿಸಿತು. ಅಲ್ಲದೇ ಈ ಕುರಿತು ಯಾವುದೇ ಅಧಿಕಾರಿಗಳು ಮಾಹಿತಿ ನೀಡಿಲ್ಲ.

ಇನ್ನು, ಈ ರೈಲಿನ ಲೊಕೊ ಪೈಲಟ್​ ಹೇಳುವ ಪ್ರಕಾರ, 8 ಗಂಟೆಗಳ ಪ್ರಯಾಣಧ ಬಳಿಕ ರೈಲನ್ನು ಬಾರ್ಹ ರೈಲು ನಿಲ್ದಾಣದಲ್ಲಿ ನಿಲ್ಲಿಸಿದ್ದೇವೆ. ಸುರಕ್ಷತೆ ದೃಷ್ಟಿಯಿಂದಾಗಿ ರೈಲಿನ ಚಕ್ರಕ್ಕೆ ದಪ್ಪದಾದ ಚೈನ್​ ಅನ್ನು ಕಟ್ಟಲಾಗಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಸರಪಳಿ ಬಿಗಿದಿರುವ ರೈಲು (ETV Bharat)

ಇದನ್ನೂ ಓದಿ: ಆಟೋದಲ್ಲೇ ದೇಶ ಸುತ್ತುತ್ತಿದೆ ವಿದೇಶಿ ಜೋಡಿ: 6 ಸಾವಿರ ಕಿಮೀ ತ್ರಿಚಕ್ರದಲ್ಲೇ ಪಯಣ, ದೇಶದ ಜನಪದ, ಸಂಸ್ಕೃತಿ ಅರಿಯುವ ಯತ್ನ!

ಇದನ್ನೂ ಓದಿ: ಮದುವೆ ಮಂಟಪದಲ್ಲೂ ಭಾರತ - ಪಾಕಿಸ್ತಾನ ನಡುವಿನ ರೋಚಕ ಪಂದ್ಯದ ನೇರ ಪ್ರಸಾರ!