ಪಂಜಾಬ್​​ ಗಡಿಯಲ್ಲಿ ಪಾಕಿಸ್ತಾನದ 3 ಡ್ರೋನ್​​​ಗಳನ್ನು ವಶಕ್ಕೆ ಪಡೆದ BSF​

ಸುಧಾರಿತ ತಂತ್ರಜ್ಞಾನವನ್ನು ಬಳಕೆ ಮಾಡಿ ಈ ಡ್ರೋನ್​ಗಳನ್ನು ಬಿಎಸ್​ಎಫ್​ ಪರಿಣಾಮಕಾರಿಯಾಗಿ ತಟಸ್ಥಗೊಳಿಸಿದೆ.

ಅಮೃತ್​ಸರ್​​​: ಪಂಜಾಬ್​ ಗಡಿಯಲ್ಲಿ ಬಿಎಸ್​ಎಫ್​ ಯೋಧರು ಪಾಕಿಸ್ತಾನದ ಮೂರು ಸುಧಾರಿತ ತಂತ್ರಜ್ಞಾನದ ಡ್ರೋನ್​​ಗಳನ್ನು​ ವಶಕ್ಕೆ ಪಡೆದಿದ್ದಾರೆ. ಅಮೃತ್​ಸರದ ರಜತಲ್​ ಗ್ರಾಮದಲ್ಲಿ ಈ ಡ್ರೋನ್​​ಗಳನ್ನು​ ವಶಕ್ಕೆ ಪಡೆದಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸುಧಾರಿತ ತಂತ್ರಜ್ಞಾನ ಬಳಕೆ ಮಾಡಿ ಈ ಡ್ರೋನ್​ಗಳನ್ನು ಬಿಎಸ್​ಎಫ್​ ಪರಿಣಾಮಕಾರಿಯಾಗಿ ತಟಸ್ಥಗೊಳಿಸಿದೆ. ಹಾಗೇ ಮಾದಕವಸ್ತು ಕಳ್ಳಸಾಗಣೆಗೆ ಬಳಸದಂತೆ ತಡೆಯಲಾಗಿದೆ ಎಂದು ಬಿಎಸ್​ಎಫ್​ ತಿಳಿಸಿದೆ.

ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿರುವ ಬಿಎಸ್​ಎಫ್​​ ಪಂಜಾಬ್​, ಇಂದಿನ ಮಹತ್ವದ ಕಾರ್ಯಾಚರಣೆಯಲ್ಲಿ ಬಿಎಸ್​ಎಫ್​ ಪಂಜಾಬ್​​ ಪಡೆ ಎರಡು ಡಿಜೆಐ ಮ್ಯಾಟ್ರಿಕ್​ ಆರ್​ಟಿಕೆ ಡ್ರೋನ್​ ಮತ್ತು ಡಿಜೆಐ ಮ್ಯಾವಿಕ್​ 3 ಕ್ಲಾಸಿಕ್​ ಸೇರಿದಂತೆ 3 ಡ್ರೋನ್​ ಗಳನ್ನ ಪಂಜಾಬ್​ ಗಡಿಯ ರಜತಲ್​ ಗ್ರಾಮದಲ್ಲಿ ವಶಕ್ಕೆ ಪಡೆಯಲಾಗಿದೆ ಎಂದು ತಿಳಿಸಿದೆ.

ಗಡಿಯಲ್ಲಿ ಭದ್ರತೆ ಬಿಗಿಗೊಳಿಸುವಲ್ಲಿ, ಹಾಗೇ ಗಡಿದಾಟಿ ನಡೆಯುವ ಮಾದಕ ವಸ್ತು ಕಳ್ಳ ಸಾಗಣೆ ಚಟುವಟಿಕೆ ತಡೆಗೂ ಬಿಎಸ್​ಎಫ್​ ಪಂಜಾಬ್​ ಬದ್ದವಾಗಿದೆ ಎಂದು ಅದು ತಿಳಿಸಿದೆ.

ಈ ನಡುವೆ ಬಿಎಸ್​​ಎಫ್​ ಪಂಜಾಬ್​ ಪೊಲೀಸರೊಂದಿಗೆ ಕೂಡ ಸಂಯೋಜನೆ ಮಾಡಿಕೊಂಡು, ತರ್ನ್​ ತರನ್​ ಜಿಲ್ಲೆಯ ಗಡಿ ಪ್ರದೇಶದಲ್ಲಿ ಹೆರಾಯಿನ್​ ಅನ್ನು ವಶಕ್ಕೆ ಪಡೆದಿದೆ ಎಂದು ಬಿಎಸ್​ಎಫ್​ ಭಾನುವಾರ ತಿಳಿಸಿದೆ.

ಬಿಎಸ್​ಎಫ್​ ಗುಪ್ತಚರ ದಳಕ್ಕೆ ಲಭ್ಯವಾದ ಮಾಹಿತಿ ಆಧಾರದ ಮೇಲೆ ಬಿಎಸ್​ಎಫ್​ ಪಡೆ ಜೊತೆಗೆ ಪಂಜಾಬ್​ ಪೊಲೀಸ್​ ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದ್ದು, 543 ಗ್ರಾಂನಷ್ಟು ಹೆರಾಯಿನ್​​​ ವಶಕ್ಕೆ ಪಡೆದಿದೆ ಎಂದು ಬಿಎಸ್​ಎಫ್​ ಪಂಜಾಬ್​ ಭಾನುವಾರ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ನೀಡಿದೆ.

ಇದನ್ನೂ ಓದಿ: 2024ಕ್ಕೆ ಗುಡ್ ​​​​ಬೈ​, 2025ಕ್ಕೆ ವೆಲ್​ಕಮ್​ ಮಾಡಲು ಕ್ಷಣಗಣನೆ: ದೆಹಲಿಯಲ್ಲಿ ಭಾರಿ ಬಿಗಿ ಭದ್ರತೆ