ಹೈದರಾಬಾದ್: ದಿನ ಕಳೆದಂತೆ ಕೊರೊನಾ ವೈರಸ್ ಪೀಡಿತ ಆರ್ಥಿಕತೆ ಪ್ರಪಾತಕ್ಕೆ ಬೀಳುತ್ತಿದೆ. ತೆಲಂಗಾಣದ ಮುಖ್ಯಮಂತ್ರಿ ಕೆ.ಸಿ.ರಾವ್ ಅವರು ಆದಾಯದ ಕೊರತೆಯಿಂದಾಗಿ ಭಾರೀ ಆರ್ಥಿಕ ಹೊರೆಯಿಂದ ಬಳಲುತ್ತಿರುವ ರಾಜ್ಯಗಳಿಗೆ ಸಹಾಯ ಮಾಡಲು ‘ಹೆಲಿಕಾಪ್ಟರ್ ಹಣ’ ಬಳಸುಬೇಕು ಎಂದು ಪ್ರಸ್ತಾಪಿಸಿದ್ದಾರೆ.
ಏನಿದು ಹೆಲಿಕಾಪ್ಟರ್ ಮನಿ?
ಸರಳವಾಗಿ ಹೇಳುವುದಾದರೆ ಹೆಲಿಕಾಪ್ಟರ್ ಹಣವು ಕೇಂದ್ರ ಬ್ಯಾಂಕ್ ಅಥವಾ ಕೇಂದ್ರ ಸರ್ಕಾರವು ಸಾರ್ವಜನಿಕರಿಗೆ ಹೆಚ್ಚಿನ ಪ್ರಮಾಣದ ಹಣವನ್ನು ಸರಬರಾಜು ಮಾಡುವುದು.
ಇದೊಂದು ಸಾಂಪ್ರದಾಯಿಕ ಅಲ್ಲದ ಹಣಕಾಸು ನಿಯಮ. ಹಾದಿ ತಪ್ಪಿದ ಆರ್ಥಿಕತೆಯನ್ನು ಮತ್ತೆ ಸರಿದಾರಿಗೆ ತರಲು ಬಳಸುವ ವಿತ್ತೀಯ ತಂತ್ರ. ದೊಡ್ಡ ಮೊತ್ತದ ಹಣವನ್ನು ಮುದ್ರಿಸಿ ಅದನ್ನು ಜನರಿಗೆ ಹಂಚುವುದು. 'ಹೆಲಿಕಾಪ್ಟರ್ ಮನಿ' ಎಂಬ ಪದ ಆಗಸದಿಂದ ಹೆಲಿಕಾಪ್ಟರ್ ಮೂಲಕ ಹಣವನ್ನು ಕೆಳಗೆ ಹಾಕುವುದು ಎಂದಾಗುತ್ತದೆ. ಹೆಲಿಕಾಪ್ಟರ್ ಡ್ರಾಪ್ ಎಂದೂ ಕರೆಯಲ್ಪಡುವ ಈ ಪದವನ್ನು 1969ರಲ್ಲಿ ಅಮೆರಿಕಾದ ಅರ್ಥಶಾಸ್ತ್ರಜ್ಞ ಮಿಲ್ಟನ್ ಫ್ರೀಡ್ಮನ್ ಅವರು ಪ್ರಥಮ ಬಾರಿಗೆ ಬಳಸಿದರು. ಬಹಳ ಕಷ್ಟದಲ್ಲಿ ಇರುವ ಆರ್ಥಿಕತೆಗೆ ದಿಢೀರನೇ ಹಣವನ್ನು ಪೂರೈಸಿ ಆ ಸಂದಿಗ್ಧ ಸ್ಥಿತಿಯಿಂದ ಆಚೆಗೆ ತರಲು ಬಳಸುವುದು ಎಂದರ್ಥ.
ಹೆಲಿಕಾಪ್ಟರ್ ಮನಿಯನ್ನು ಹಣದುಬ್ಬರ ಮತ್ತು ಆರ್ಥಿಕ ಉತ್ಪಾದನೆ ಭೀಕರ ಸಂದರ್ಭಗಳಲ್ಲಿ ಅಧಿಕಾರಿಗಳು ಹೆಚ್ಚಿನ ಪ್ರಮಾಣದಲ್ಲಿ ಬಳಸಿಕೊಳ್ಳುತ್ತಾರೆ.
ಪ್ರಾಯೋಗಿಕ ದೃಷ್ಟಿಕೋನದಿಂದ ನೋಡಿದರೆ ಸೈದ್ಧಾಂತಿಕವಾಗಿ ಕಾರ್ಯಸಾಧ್ಯವೆಂದು ತೋರುತ್ತದೆ ಆದರೂ ಇದನ್ನು ಕಾಲ್ಪನಿಕ, ಅಸಾಂಪ್ರದಾಯಿಕ ವಿತ್ತೀಯ ನೀತಿ ಸಾಧನವೆಂದು ಪರಿಗಣಿಸಲಾಗಿದೆ. ಇದರ ಅನುಷ್ಠಾನವು ಹೆಚ್ಚು ಅಸಂಭವವಾಗಿದೆ.
ಮೊದಲ ಬಾರಿಗೆ ಬಳಸಿದ್ದು ಯಾವಾಗ?
ತೀರ ಅಗತ್ಯ ಇದ್ದ ಸಂದರ್ಭದಲ್ಲಿ ಕೇಂದ್ರೀಯ ಬ್ಯಾಂಕ್ ಹಣದುಬ್ಬರ ಉಂಟುಮಾಡಬಹುದು ಎಂದು 2002ರಲ್ಲಿ ಬೆನ್ ಬರ್ನಾಂಕೆ ಉಲ್ಲೇಖಿಸಿದಾಗ, ಈ ಕಲ್ಪನೆ ಹೆಚ್ಚು ಪ್ರಾಮುಖ್ಯತೆ ಪಡೆಯಿತು.
ಅಮೆರಿಕದ ಫೆಡರಲ್ ರಿಸರ್ವ್ ಸದಸ್ಯರಾಗಿ ಮತ್ತು ಅದರ ಅಧ್ಯಕ್ಷರಾಗಿ ಅಧಿಕಾರವಧಿಯಲ್ಲಿ ಇದ್ದಾಗ 'ಹೆಲಿಕಾಪ್ಟರ್ ಬೆನ್' ಎಂಬ ಅಡ್ಡಹೆಸರನ್ನು ಬರ್ನಾಂಕೆ ಸೂಚಿಸಲಾಯಿತು.
2002ರ ಭಾಷಣದಲ್ಲಿ ಬರ್ನಾಂಕೆ ಅವರು ವಿಶಾಲ ಆಧಾರಿತ ತೆರಿಗೆ ಕಡಿತ ಉದಾಹರಣೆ ಸಮೆತ ವಿವರಿಸಿದ್ದರು. ಬಡ್ಡಿದರಗಳು ಹೆಚ್ಚಾಗುವ ಯಾವುದೇ ಪ್ರವೃತ್ತಿಯನ್ನು ನಿವಾರಿಸಲು ಮುಕ್ತ-ಮಾರುಕಟ್ಟೆಯಲ್ಲಿ ಖರೀದಿ ಯೋಜನೆಗಳಿಗೆ ಅವಕಾಶ ಕಲ್ಪಿಸಬೇಕು. ಇದು ಖಂಡಿತವಾಗಿಯೂ ಬಳಕೆಗೆ ಪರಿಣಾಮಕಾರಿ ಉತ್ತೇಜಕವಾಗುತ್ತದೆ. ಗೃಹ ಬಳಕೆ ಹೆಚ್ಚಿಸದಿರಲು ನಿರ್ಧರಿಸಿದರೂ ನೈಜ ಮತ್ತು ಹಣಕಾಸಿನ ಸ್ವತ್ತುಗಳನ್ನು ಪಡೆಯಲು ತಮ್ಮ ಹೆಚ್ಚುವರಿ ಹಣವನ್ನು ಬಳಸಿಕೊಂಡು ತಮ್ಮ ಬಂಡವಾಳ ಮರು ಸಮತೋಲನಗೊಳಿಸುತ್ತದೆ. ಇದರ ಪರಿಣಾಮವಾಗಿ ಆಸ್ತಿ ಮೌಲ್ಯಗಳ ಹೆಚ್ಚಳವು ಬಂಡವಾಳದ ವೆಚ್ಚವನ್ನು ಕಡಿಮೆ ಮಾಡುತ್ತದೆ. ಸಂಭಾವ್ಯ ಸಾಲಗಾರರ ಬ್ಯಾಲೆನ್ಸ್ ಶೀಟ್ ಸ್ಥಾನಗಳು ಸುಧಾರಿಸುತ್ತದೆ' ಎಂದಿದ್ದರು.