અમદાવાદની બીજે મેડિકલ કોલેજમાં તબીબોની હડતાળ, તબીબોએ નોંધાવ્યો કોલકાત્તાની ઘટનાનો વિરોધ

અમદાવાદ: કોલકાત્તામાં બનેલી જુનિયર મહિલા ડોકટરની દુષ્કર્મ અને હત્યાની ઘટના પડઘા સમગ્ર દેશમાં પડ્યા છે. ત્યારે અમદાવાદની બી જે મેડિકલ કોલેજના રેસિડેન્સ ડોકટરો દ્વારા પણ આ ઘટનાનો વિરોધ નોંધાવવામાં આવ્યો હતો. અમદાવાદ શહેરમાં પણ વિવિધ સરકારી તથા ખાનગી હોસ્પિટલો બંધ રાખી માત્ર ઇમરજન્સી સેવા શરૂ રાખી વિરોધ પ્રદર્શન કરવામાં આવ્યું હતું. મહત્વપૂર્ણ છે કે, બે દિવસથી આ ઘટનાને લઈને વિરોધ ચાલી રહ્યો છે ત્યારે શનિવારે પણ આ વિરોધ યથાવત રહ્યો. તબીબોની માંગણી છે કે ડોક્ટરોની સલામતી માટે કોઈ ચોક્કસ કાયદા ઘડવામાં આવે અને ગુનેગારો સામે શિક્ષાત્મક કાર્યવાહી કરવામાં આવે.