અંગદાનક્ષેત્રે ઉત્કૃષ્ઠ કામગીરી બદલ સુરતના ડો.કેતન નાયકને કેન્દ્ર સરકાર દ્વારા એવોર્ડ એનાયત

નવી દિલ્હી: આંબેડકર ભવન ખાતે આયોજીત એક કાર્યક્રમમાં કેન્દ્ર સરકારના આરોગ્ય મંત્રાલય દ્વારા સમગ્ર દેશમાં અંગદાન ક્ષેત્રે કાર્યરત એન.જી.ઓ, સામાજિક સંસ્થાઓને એવોર્ડ એનાયત કરવામાં આવ્યા હતા. આ કાર્યક્રમમાં કેન્દ્રીય રાજયકક્ષાના આરોગ્ય મંત્રી અનુપ્રિયા પટેલના હસ્તે અંગદાનક્ષેત્રે ઉત્કૃષ્ઠ કામગીરી બદલ સુરતની નવી સિવિલ હોસ્પિટલના આર.એમ.ઓ. ડો.કેતન નાયકને બેસ્ટ ટ્રાન્સપ્લાન્ટ કો-ઓર્ડિનેટર તરીકેનો એવોર્ડ એનાયત કરવામાં આવ્યો હતો. નોંધનીય છે કે, સુરત સિવિલ હોસ્પિટલમાં ટોટલ ૫૯ અંગદાતાઓ પોતાના અંગો ડોનેટ કર્યા છે.