આંધ્રપ્રદેશના CM ચંદ્રાબાબુ નાયડુએ CM ભુપેન્દ્ર પટેલ સાથે શુભેચ્છા મુલાકાત કરી

ગાંધીનગર: વડાપ્રધાન નરેન્દ્ર મોદીએ ભારત સરકારના નવીન તથા નવીનીકરણ ઉર્જા મંત્રાલય દ્વારા આયોજીત આ સમિટનો સોમવારે મહાત્મા મંદિર ગાંધીનગર ખાતે પ્રારંભ કરાવ્યો હતો. ત્યારે આંધ્રપ્રદેશના મુખ્યમંત્રી ગુજરાતમાં યોજાઇ રહેલી ત્રિ-દિવસીય ચોથી રીન્યુએબલ એનર્જી ઇન્વેસ્ટમેન્ટ સમિટમાં ઉદ્ઘાટન સત્રમાં સહભાગી થવા ગાંધીનગર આવ્યા હતા. જ્યાં આંધ્રપ્રદેશના મુખ્યમંત્રી ચંદ્રાબાબુ નાયડુએ ગાંધીનગરમાં મુખ્યમંત્રી ભુપેન્દ્ર પટેલ સાથે શુભેચ્છા મુલાકાત કરી હતી. મુખ્યમંત્રી ભુપેન્દ્ર પટેલે ચંદ્રાબાબુ નાયડુનું સ્વાગત કર્યું હતું.