બનાસકાંઠાથી PM મોદીનું સંબોધન LIVE, ડીસામાં સંબોધી રહ્યાં છે સભા - Lok Sabha election 2024 - LOK SABHA ELECTION 2024

સાબરકાંઠા: લોકસભા ચૂંટણી 2024ના ત્રીજા તબક્કાનો મતદાન આડે હવે ગણતરીના જ દિવસો બાકી છે, ત્યારે મુખ્ય રાજકીય પક્ષો દ્વારા લોકોને આકર્ષવા માટે અનેક સભાઓ તેમજ અલગ અલગ પ્રકારના પ્રચાર પ્રસાર કરવામાં આવી રહ્યા છે ત્યારે ભારતીય જનતા પાર્ટી દ્વારા ગુજરાતની તમામ લોકસભા બેઠકો સર કરવા માટે આજથી ખુદ પ્રધાનમંત્રી નરેન્દ્રભાઇ મોદી ગુજરાતમાં પ્રચાર માટે ઉતર્યા છે. આજે બનાસકાંઠા અને સાબરકાંઠામાં પીએ મોદીની સભાનું આયોજન કરવામાં આવ્યું છે. હાલમાં પીએમ મોદી બનાસકાંઠા જિલ્લાના ડિસામાં એરોડ્રામ ગ્રાઉન્ડ ખાતે સભાને સંબોધી રહ્યાં છે. ત્યાર બાદ પીએમ મોદી સાબરકાંઠા જિલ્લાના હિંમતનગર અને પ્રાંતિજ તાલુકાના સરહદી વિસ્તાર પાસે આવેલા આમોદરા ગામ ખાતે ભાજપની વિજય વિશ્વાસ સભા સંબોધશે. PM મોદીને સાંભળવા માટે દૂર દૂરથી લોકો આવ્યા છે, તો બીજી તરફ ભાજપ કાર્યકર્તાઓમાં પણ પીએમ મોદીની રેલીને લઈને ઉત્સાહ જોવા મળી રહ્યો છે.