ETV Bharat / videos

રાજકોટ : ધોરાજી સામાજિક વનીકરણ રેન્જ ફોરેસ્ટ વિભાગના અલગ અલગ વિસ્તારમાં ગેરકાયદેસર રીતે બાવળો, પીપળા સહિતના વૃક્ષ કપાઈ રહ્યા હોવાની માહિતી મળી હતી. જે બાદ ગેરકાયદેસર રીતે કાપવામાં આવતા વૃક્ષોની કામગીરી પર ધોરાજી ફોરેસ્ટ વિભાગની ટીમે બાતમીના આધારે તોરણીયા ગામના પાટીયા પાસે આવેલ મોટી પરબડી તરફ જવાના રસ્તા પાસેથી તેમજ ઉપલેટા નેશનલ હાઈવે સુપરડી ગામ નજીકથી કુલ 200 મણ જેટલા લાકડાના જથ્થા સાથે લાકડા કાપવાનું મશીન વાહન સહિત ત્રણ જેટલા વ્યક્તિઓને ઝડપી લીધા છે. ફોરેસ્ટ વિભાગ દ્વારા રેડ બાદ ઝડપાયેલા વ્યક્તિઓને મુદ્દામાલ કબજે કરી આ મામલે ફોરેસ્ટ વિભાગે સમગ્ર મામલે આગળની કાર્યવાહી હાથ ધરી ઊંડાણપૂર્વક તપાસનો ધમધમાટ શરૂ કર્યા છે.