નોખો અનોખા ગુજરાતી માનસ માકડ જૂનાગઢ:ગુજરાતી પરિવાર સાથે નાતો ધરાવતો માનસ માકડ આજે પાછલા નવ મહિનાથી જૂનાગઢમાં માત્ર ગુજરાતી ભાષા સંસ્કૃતિ અને વ્યવહારોને સમજવા માટે આવ્યો છે. માનસનો જન્મ દુબઈમાં થયો. જન્મના ત્રણ વર્ષ બાદ માકડ પરિવાર દુબઈથી અમેરિકા સ્થાયી થયો. જન્મથી જ વિદેશી એવો માનસ માકડ ગુજરાતી પરિવારનું સંતાન હોવા છતાં ગુજરાતી લખી અને વાંચી શકતો નથી.
ઘરમાં બોલાય છે ગુજરાતી:માનસ ઘરમાં બોલાતી ગુજરાતી ભાષાને કારણે તે ગુજરાતી બોલી શકે છે. પરંતુ લખવા માટે તેને અંગ્રેજી કે અન્ય ભારત બહારની ભાષાનો ઉપયોગ કરવો પડે છે. ગુજરાતી ભાષા, સંસ્કાર અને સંસ્કૃતિને સમજવા માટે બિન નિવાસી ગુજરાતી પરંતુ જૂનાગઢના પરિવાર સાથે સંકળાયેલો માનસ માકડ પાછલા નવ મહિનાથી ગુજરાતી સંસ્કૃતિ અને રીતરિવાજોને સમજવા માટે જૂનાગઢમાં રોકાયો છે.
મારા બાળકોને આપીશ ગુજરાતીપણુ:જૂનાગઢમાં આવેલો અમેરિકાનો નાગરિક માનસ માંકડ માતૃભાષા દિવસ નિમિત્તે ગુજરાતીપણાને લઈને પણ મુક્તમને પોતાના પ્રતિભાવો આપે છે. માનસ લગ્નગ્રંથીથી જોડાયો નથી તેમની ધર્મપત્ની દુનિયાના કોઈપણ દેશની હશે પરંતુ તેના બાળકો ગુજરાતીપણાથી દૂર નહીં હોય તેવો ભરોસો પણ તેણે આજના દિવસે વ્યક્ત કર્યો હતો. ગુજરાતી હોવા છતાં પણ ગુજરાતી લખી કે વાંચી ન શકવાનું દુઃખ જણાવતા માનસ કહે છે કે તેમના બાળકોને માત્ર ગુજરાતીપણુ જ નહીં પરંતુ ગુજરાતી ભાષા પ્રત્યે પણ ખૂબ જ સભાન અને માહિતી સાથે ગુજરાતી સંસ્કૃતિનું વહન કરશે તે માટેનો પ્રયાસ પણ તેઓ કરશે.
મેન્સ નહિ માનવ તરીકે ઓળખો:માનસ માકડ અમેરિકાનો નાગરિક છે. અમેરિકાના તેના મિત્રોને તેને માનસ ઉચ્ચારણ કરવામાં ખૂબ તકલીફ પડે છે. જેને કારણે તેના અમેરિકન મિત્રો માનસને મેન્સ કહીને ઓળખે છે ત્યારે તે તેના મિત્રોને ટોકીને કહે છે કે મને મેન્સ નહીં પરંતુ માનસ તરીકે ઓળખો. જન્મથી બિન નિવાસી ભારતીય પરંતુ આજે પણ લોહીમાં સતત વહેતા ગુજરાતી સંસ્કારો નામના સાચા ઉચ્ચારણને લઈને પણ તેના અમેરિકાના મિત્રોને આજે પણ ટોકે છે, જે માતૃભાષા તરીકે ગુજરાતીનું કેટલું કદ મોટું છે તે સૂચિતાર્થ પણ કરે છે.
- PM Modi In Gujarat: PM મોદી આજે ગુજરાતના પ્રવાસે, સવારે 10.30 કલાકે પહોંચશે અમદાવાદ
- The success story of Amul: અમૂલ શ્વેતક્રાંતિની કહાની છે દમદાર
