સોનગઢના હીરાવાડી ગામની નજીક ગમખ્વાર અકસ્માતમાં કુલ 4ના મૃત્યુ થયા, 2 સારવાર હેઠળ - Tapi Terrible Accident

તાપીના સોનગઢ તાલુકાના હીરાવાડી ગામની નજીક એક કાર ચાલકે પગપાળા જતાં વૃદ્ધાને બચાવવા જતાં સ્ટીયરિંગ પરનો કાબૂ ગુમાવ્યો હતો. બેકાબૂ થયેલ કાર ઝાડ સાથે ટકરાતા ગમખ્વાર અકસ્માત થયો હતો. આ અકસ્માતમાં 3ના ઘટના સ્થળે અને 1 મુસાફરનું સારવાર દરમિયાન મૃત્યુ થયું હતું. જ્યારે 2 મુસાફરો સારવાર હેઠળ છે. Tapi Terrible Accident

તાપીઃ સોનગઢના હીરાવાડી ગામ પાસે એક ભયંકર અને ગમખ્વાર અકસ્માત થયો હતો. આ અકસ્માતમાં એક બેકાબૂ કાર ઝાડ સાથે ટકરાતા ઘટનાસ્થળે 3 અને સારવાર દરમિયાન 1 એમ કુલ 4ના કરુણ મૃત્યુ થયા છે. જ્યારે અન્ય 2 મુસાફરો સારવાર હેઠળ છે.

સમગ્ર ઘટનાક્રમઃ સોનગઢના હીરાવાડી ગામ નજીક એક કાર પૂર ઝડપે જઈ રહી હતી. તે જ સમયે એક વૃદ્ધા માર્ગ ઓળંગી રહ્યા હતા. આ વૃદ્ધાને બચાવવા જતાં કારચાલકે સ્ટીયરિંગ પરથી કાબૂ ગુમાવ્યો હતો. બેકાબૂ થયેલ કાર અતિઝડપે એક ઝાડ સાથે ટકરાઈ હતી. આ અકસમાત એટલો ગંભીર હતો કે 3ના ઘટના સ્થળે મૃત્યુ થયા અને 1નું સારવાર દરમિયાન મૃત્યુ થયું હતું. જ્યારે 2 મુસાફરોની સઘન સારવાર વ્યારા હોસ્પિટલમાં ચાલી રહી છે. આ અકસ્માતમાં રવિભૂષણ મિશ્રા જેઓ વાપી શહેરમાં ટ્રાવેલ્સના વ્યવસાય સાથે સંકળાયેલા હતા તેમનું કરુણ મૃત્યુ નીપજ્યું હતું. આ ઉપરાંત કારમાં સવાર 1 માતા અને 1 બાળકીનું પણ મૃત્યું થયું હતું. જે વૃદ્ધાને બચાવવા જતા આ જીવલેણ અકસ્માત થયો તે વૃદ્ધા પણ બચી શક્યા નહીં.

આજે હીરાવાડી ગામ ખાતે ગમખ્વાર અકસ્માત સર્જાયો હતો. જેમાં 1 વૃદ્ધા પગપાળા રસ્તા પરથી જઈ રહ્યા હતા અને તેમને બચાવવા જતા ઈનોવા કાર ઝાડ સાથે ટકરાઇ હતી. જેમાં ઘટના સ્થળે 3 લોકોના મૃત્યુ અને સારવાર અર્થે ખસેડાયેલા અન્ય 4 લોકોમાંથી 1નું વ્યારા સિવિલ હોસ્પિટલ ખાતે મૃત્યુ નિપજ્યું છે. હાલ અકસ્માતનો ગુનો નોંધી વધુ તપાસ હાથ ધરમાં આવી રહી છે...ડી. એસ. ગઢવી(પીએસઆઈ, સોનગઢ પોલીસ સ્ટેશન)