જામનગર: શહેરમાં ખોડીયાર કોલોની વિસ્તાર પાસેથી જામનગર SOG પોલીસે ચોક્કસ બાતમીના આધારે 2 મહિલાઓને દોઢ કિલો ગાંજો સાથે ઝડપી પાડી છે. બંને મહિલાઓ પાલનપુરની રહેવાસી છે અને અહીં બાવરીવાસમાં અન્ય મહિલાને ગાંજો આપવા માટે આવી હતી.
મહિલાઓ પાસે ગાંજો મળ્યો: જામનગર SOGની ટુકડી પેટ્રોલિંગ પર હતી. ત્યારે મળેલી બાતમીના આધારે ખોડીયાર કોલોનીમાં 2 મહિલાઓને આંતરીને તેની પાસે રહેલા કપડાનો થેલો તપાસ કરતા માદક પદાર્થ મળી આવ્યો હતો. જેમાં એક મૂળ પાલનપુરની રહેવાસી મહિલા અને અન્ય એક જામનગરના બાવરીવાસમાં રહેતી મહિલા હતી. બંનેની અટકાયત કરી તેની પાસેથી વેચાણ માટે લવાયેલો 1 કિલો 600 ગ્રામ ગાંજો મળી આવ્યો હતો.
જામનગર SOG એ દોઢ કિલો ગાંજા સાથે 2 મહિલાની અટકાયત કરી (Etv Bharat Gujarat)