'ગુજરાત બન્યું આગની ભઠ્ઠી', હવામાન વિભાગે આગામી 5 દિવસ માટે જાહેર કર્યુ રેડ એલર્ટ - HEAT WAVE IN AHMEDABAD

રાજ્યમાં હાલ કાળઝાળ ગરમી પડી રહી છે, તો બીજી તરફ આ ગરમી વધુ વધે તેવી હવાામાન વિભાગે આગાહી કરી છે. જે અંતર્ગત આગામી તા. 20થી 24મે એટલે કે કુલ 5 દિવસને લઈને રેડ એલર્ટ જાહેર કર્યુ છે. આ 5 દિવસમાં સંભવિત તાપમાન 45 સેલ્સિયસ ડિગ્રી અને સંભવિત તાપમાન 32 c ડિગ્રી રહેશે.HEAT WAVE IN AHMEDABAD

અમદાવાદ: રાજ્યમાં કાળઝાળ ગરમી પડી રહી છે. ત્યારે હવામાન વિભાગે આવનારા 5 દિવસોમાં લઘુત્તમ અને મહત્તમ તાપમાન જાહેર કર્યુ છે અને 5 દિવસો માટે રેડ એલર્ટ જાહેર કર્યુ છે.5 દિવસમાં સંભવિત તાપમાન 45 c ડિગ્રી અને સંભવિત તાપમાન 32 c ડિગ્રી રહેશે.

હવામાન વિભાગ દ્વારા આવનારા 5 દિવસ જાહેર કર્યુ રેડ એલર્ટ (etv bharat gujarat)

5 દિવસોનું રેડ એલર્ટ જાહેર કર્યુ

રાજ્યમાં ખૂબ જ ગરમી પડી રહી છે તેને જોતા હવાામાન વિભાગે તા.20મેથી લઈને 24મે સુધી એટલે કે 5 દિવસને લઈને રેડ એલર્ટ જાહેર કર્યુ છે. આ 5 દિવસમાં સંભવિત તાપમાન 45 ડિગ્રી અને સંભવિત તાપમાન 32 ડિગ્રી રહેશે.

ગરમીમાં થતી અસરો

1. રાજ્યમાં ખૂબ જ આકરી ગરમી પડી રહી છે. અને આવા સમયમાં જે લોકો ઘરની બહાર નીકળે છે, તેને હિટસ્ટ્રોકની અસર થાય છે.
2. હિટસ્ટ્રોક અને માઇગ્રેન થવાની શક્યતાઓ રહેલી છે.
3. લૂ લાગવાથી હાર્ટ એટેક થવાથી લોકોના મૃત્યુ પણ થાય છે.
4. લૂ લાગવાથી શરીરમાં ગ્લુકોઝનું પ્રમાણ પણ ઘટી જાય છે. પરિણામે ચક્કર આવવા અને શરીરમાં કમજોરી આવવા લાગે છે.

ગરમીમાં શું ધ્યાન રાખવું

1. ગરમી પડે તે સમયે બને ત્યા સુધી બહાર ન નીકળવું અને બપોરના 1 વાગ્યાથી સાંજના 4 વાગ્યા સુધી બહાર ન નીકળવું.
2. બને ત્યા સુધી ગરમીમાં સુતરાઉ કપડા પહેરવા,અને પાણીની બોટલ સાથે રાખવી જોઇએ.
3. ગરમીમાં વિટામીન c યુક્ત ફળો અને પ્રવાહીનું સેવન કરવુ જોઇએ અને ORS અને ગ્લુકોઝના પાણીનું સેવન કરવું જોઇએ.

રેડ એલર્ટ દરમિયાન કામગીરી

1. શહેરના તમામ અર્બન હેલ્થ સેન્ટરો સાંજે 7 કલાકે કાર્યરત રહેશે,દરેક અર્બન હેલ્થ સેંટરમાં ઓ.આર.એસ પેકેટ્સ ઉપલબ્ધ રહેશે.
2. દરેક વોર્ડના વિસ્તારોમાં, ભીડભાડવાળી જગ્યાઓ પર જગ્યાઓ પર પ્રચાર રિક્ષાથી જન જાગૃતિ કરવામાં આવે છે.
3. સોશિયલ મીડિયાના માધ્યમથી 3 લાખથી વધુ લોકોને વ્હોટ્સએપ મેસેજ મારફતે એલર્ટ મેસેજ મોકલવામાં આવ્યા છે.
4. દરેક આશ્રય ગૃહમાં ઓ,આર.એસ તેમજ પીવાના પાણીની વ્યવસ્થા કરાઇ છે.
5. ટ્રાફીક પોલીસને ઓ.આર.એસ પેકેટ્સનું વિતરણ કરવામાં આવેલ છે.
6. એસ્ટેટ વિભાગ મારફતે તમામ બિલ્ડર્સને મજુરો પાસે 12 થી 4 કામગીરી ન કરવા માટે સુચના આપવામાં આવેલ છે.
7. શહેરની તમામ હોસ્પિટલો તેમજ કોમ્યુનીટી હેલ્થ સેન્ટરમાં હિટ રીલેટેડ ઇલનેસના દર્દીઓની સારવાર માટેની પુરતી વ્યવસ્થા ઉપલબ્ધ છે.