મુંબઈ: વડાપ્રધાન નરેન્દ્ર મોદી આજે મુંબઈની મુલાકાતે છે. મુંબઈ પહોંચતા જ તેમને ગાર્ડ ઓફ ઓનર આપવામાં આવ્યું હતું. પ્રધાનમંત્રીએ આજે મુંબઈમાં નેવલ ડોકયાર્ડ ખાતે ત્રણ નૌકાદળના લડાયક જહાજો INS સુરત, INS નીલગીરી અને INS વાઘશીર રાષ્ટ્રને સમર્પિત કર્યા હતા. આ અવસર પર રક્ષા મંત્રી રાજનાથ સિંહ અને અન્ય મોટા નેતાઓ અને નેવી ઓફિસર્સ હાજર છે.
આ પ્રસંગે વડાપ્રધાન મોદીએ કહ્યું કે, 'ભારતની દરિયાઈ વિરાસત, નૌકાદળના ગૌરવશાળી ઈતિહાસ અને આત્મનિર્ભર ભારત અભિયાન માટે આજનો દિવસ એક મોટો દિવસ છે. છત્રપતિ શિવાજી મહારાજે નૌકાદળને નવી તાકાત અને નવી દ્રષ્ટિ આપી હતી. આજે તેમની પવિત્ર ધરતી પર અમે 21મી સદીની નૌકાદળને મજબૂત કરવાની દિશામાં એક મોટું પગલું ભરી રહ્યા છીએ. આ પહેલીવાર છે જ્યારે ડિસ્ટ્રોયર, ફ્રિગેટ અને સબમરીન ત્રણેયને એકસાથે નેવીમાં સામેલ કરવામાં આવી રહ્યા છે.
#WATCH | Mumbai: On the commissioning of three frontline naval combatants, PM Narendra Modi says, " ...today is a very big day for india's maritime heritage, the glorious history of the navy and the atmanirbhar bharat abhiyan. chhatrapati shivaji maharaj had given new strength and… pic.twitter.com/dHLPJxz0Lg
— ANI (@ANI) January 15, 2025
આ પ્રસંગે રક્ષા મંત્રી રાજનાથ સિંહે કહ્યું કે, 'આ લોન્ચિંગ ઐતિહાસિક છે. આ માત્ર ભારતીય નૌકાદળ જ નહીં પરંતુ હિંદ મહાસાગર ક્ષેત્રમાં ભારતની વધતી શક્તિનો પુરાવો છે. જો કે હિંદ મહાસાગર ક્ષેત્ર હંમેશા ભૌગોલિક-વ્યૂહાત્મક અને આર્થિક દૃષ્ટિકોણથી મહત્વપૂર્ણ રહ્યો છે, પરંતુ આજના ઝડપથી બદલાતા વાતાવરણમાં તે વધુ મહત્વપૂર્ણ બની ગયો છે.
મહારાષ્ટ્રમાં ભાજપની સરકાર બન્યા બાદ આ તેમની પ્રથમ મુલાકાત છે. વધુ મહત્ત્વની વાત એ છે કે તેઓ વિશ્વના સૌથી આધુનિક યુદ્ધ જહાજો INS સુરત, INS નીલગીરી અને INS વાઘશીર રાષ્ટ્રને સમર્પિત કરશે. આ સાથે પીએમ મોદી મહાયુતિના તમામ ધારાસભ્યો સાથે વાત કરશે.
#WATCH | Mumbai, Maharashtra: Prime Minister Narendra Modi dedicates three frontline naval combatants INS Surat, INS Nilgiri and INS Vaghsheer to the nation
— ANI (@ANI) January 15, 2025
(Source: ANI/DD) pic.twitter.com/0PI3kxlVT4
વડાપ્રધાન નરેન્દ્ર મોદીની આ મુલાકાત મહત્વની માનવામાં આવી રહી છે કારણ કે આગામી સ્થાનિક સ્વરાજ્યની ચૂંટણી નજીક છે. આ મુલાકાત દરમિયાન વડાપ્રધાન ભારતીય નૌકાદળના ત્રણ યુદ્ધ જહાજોને સમર્પિત કરશે. પીએમ મોદીની મુલાકાતને લઈને એક મહત્વપૂર્ણ અપડેટ એ છે કે નાયબ મુખ્યમંત્રી એકનાથ શિંદેએ માહિતી આપી છે કે વડાપ્રધાન આ મુલાકાત દરમિયાન મહાયુતિના તમામ ધારાસભ્યો સાથે વાત કરશે.
#WATCH | Mumbai: On the commissioning of three frontline naval combatants INS Surat, INS Nilgiri and INS Vaghsheer, Defence Minister Rajnath Singh says, " the historic commissioning of ins surat, ins nilgiri and ins vaghsheer, is a testimony not just to the indian navy, but also… pic.twitter.com/YxFswK5EXr
— ANI (@ANI) January 15, 2025
નાયબ મુખ્યમંત્રી એકનાથ શિંદેએ કહ્યું છે કે, તેઓ તમામ ધારાસભ્યોને માર્ગદર્શન આપશે. એકનાથ શિંદેએ એમ પણ કહ્યું છે કે, જનતાએ અમને મોટો જનાદેશ આપ્યો છે, જેના કારણે અમારી જવાબદારી પણ વધી ગઈ છે. નાયબ મુખ્યમંત્રી એકનાથ શિંદેએ કહ્યું, 'અમારી પાર્ટીની મંગળવારે બેઠક મળી હતી. આ બેઠકમાં અમારી પાર્ટીના સંગઠન અને આગામી સ્થાનિક સ્વરાજ્યની ચૂંટણી અંગે પણ ચર્ચા કરવામાં આવી હતી. વડાપ્રધાન નરેન્દ્ર મોદીએ અમારી સરકારને સતત સમર્થન આપ્યું છે.
#WATCH | Prime Minister Narendra Modi receives Guard of Honour on his arrival in Mumbai, Maharashtra
— ANI (@ANI) January 15, 2025
Prime Minister will dedicate three frontline naval combatants INS Surat, INS Nilgiri and INS Vaghsheer to the nation on their commissioning at the Naval Dockyard in Mumbai today.… pic.twitter.com/Nd0j3a2khN
એટલા માટે અમારી સરકારે છેલ્લા અઢી વર્ષમાં સારા કામ કર્યા છે. છેલ્લા અઢી વર્ષમાં અમે જે કામ કર્યું છે તેના કારણે જ લોકોએ અમને આટલી મોટી જીત અપાવી છે. આથી એ જોવાનું રહેશે કે વડાપ્રધાન નરેન્દ્ર મોદી આજે મહાયુતિના તમામ ધારાસભ્યોને શું સંદેશ આપે છે અને તેમને કેવું માર્ગદર્શન આપે છે.
Tomorrow, 15th January, is going to be a special day as far as our naval capacities are concerned. The commissioning of three frontline naval combatants will strengthen our efforts towards being a global leader in defence and augment our quest towards self-reliance. https://t.co/zhrVjbgA2T
— Narendra Modi (@narendramodi) January 14, 2025
વડા પ્રધાન કાર્યાલય દ્વારા જાહેર કરવામાં આવેલી માહિતી અનુસાર વડા પ્રધાન નરેન્દ્ર મોદી આજે તેમની મુંબઈ મુલાકાત દરમિયાન નેવીના ત્રણ યુદ્ધ જહાજોને સમર્પિત કરશે. આમાં યુદ્ધજહાજ INS વાઘશિર પણ સામેલ છે, જે P-75 સ્કોર્પિયન વર્ગની છેલ્લી સબમરીન છે. આ સબમરીન ફ્રેન્ચ નેવીની એન્જિનિયરિંગ ટીમના સહયોગથી બનાવવામાં આવી છે અને INS વાઘશીર ભારતીય નૌકાદળમાં આધુનિક સબમરીન તરીકે ઓળખાશે.
આ પણ વાંચો:
