વીજ સંબંધિત સમસ્યા માટે હવે કચેરીના ધક્કા નહીં ખાવા પડે, રાજ્ય સરકારે ઓનલાઈન ફરિયાદ માટે પોર્ટલ શરૂ કર્યું

રાજ્યની ચારેય વિતરણ કંપનીઓમાં સ્થાપિત ગ્રાહક ફરિયાદ નિવારણ ફોરમ પાસે ગ્રાહકોને તેમની ફરિયાદો દાખલ કરવામાં મદદ કરવા માટે સિંગલ વિન્ડો ઓનલાઇન પોર્ટલ વિકસાવવામાં આવ્યું છે.

અમદાવાદ:રાજ્યમાં સરકારી વીજ કંપનીના ગ્રાહકો હવે તેમની વીજ સંબંધિત ફરિયાદો નોંધાવવા કે તેની સ્થિતિનું નિરીક્ષણ કરવા માટે ઓનલાઈન CGRF ફરિયાદ પોર્ટલ (E-CGRF) નો ઉપયોગ કરી શકે છે. GUVNLની ચારેય રાજ્યની માલિકીની વીજળી વિતરણ કંપનીઓ એટલે કે DGVCL, MGVCL, PGVCL અને UGVCLની કન્ઝ્યુમર ગ્રીવન્સ રિડ્રેસલ ફોરમ (CGRF) સાથે ફરિયાદો દાખલ કરવા માટે એક સિંગલ વિન્ડો ઑનલાઇન પોર્ટલ શરૂ કરાયું છે. મુખ્યમંત્રીએ 23.10.2024 ના રોજ, ગ્રાહકનો ફરિયાદ નોંધાવવાની સુવિધા આપવા માટે સિંગલ-વિન્ડો ઑનલાઇન પોર્ટલ શરૂ કર્યું છે.

રાજ્યની માલિકીની વીજ વિતરણ કંપનીઓએ GERC (CGRF અને લોકપાલ) નિયમન, 2019 મુજબ વર્તુળ અને કોર્પોરેટ સ્તરે ગ્રાહક ફરિયાદ નિવારણ ફોરમ (CGRF) ની સ્થાપના કરી છે. આથી હવે ગ્રાહક/અરજદાર જો તેઓ કંપની દ્વારા ફરિયાદના સંબંધમાં કરાયેલી કાર્યવાહીથી સંતુષ્ટ ન હોય, અથવા વાંધો ઉઠાવવા માંગતા હોય તો ગ્રાહક ફરિયાદ નિવારણ ફોરમનો સંપર્ક કરી શકે છે. અત્યાર સુધી, ગ્રાહક પત્ર, ઈ-મેલ આઈડી દ્વારા અથવા રૂબરૂમાં CGRFમાં ફરિયાદો નોંધાવી શકતા હતા. જો કે, આ પોર્ટલની શરૂઆત સાથે, તેઓ તેને ગમે ત્યાંથી ઓનલાઈન કરી શકે છે અને તેને ટ્રેક અને સ્ટેટસને મોનિટર કરી શકે છે.

"ઇઝ ઓફ લિવિંગ" યોજનાના ભાગ રૂપે ગ્રાહકોને વધુ સારી સુવિધાઓ પૂરી પાડવા માટે, રાજ્યની ચારેય વિતરણ કંપનીઓમાં સ્થાપિત ગ્રાહક ફરિયાદ નિવારણ ફોરમ (CGRF) પાસે ગ્રાહકોને તેમની ફરિયાદો દાખલ કરવામાં મદદ કરવા માટે સિંગલ વિન્ડો ઓનલાઇન પોર્ટલ વિકસાવવામાં આવ્યું છે.

આ પોર્ટલ દ્વારા, ગ્રાહકો હવે GERC (CGRF & Ombudsman) રેગ્યુલેશન, 2019 હેઠળ આવરી લેવામાં આવતી ઓનલાઈન ફરિયાદો નોંધાવી શકે છે. ગ્રાહકને ઈ-ફાઈલિંગ, એપ્લિકેશન ટ્રેકિંગ અને ઓનલાઈન ઓર્ડર જેવી સુવિધાઓ મળશે, જે ગ્રાહક માટે પારદર્શિતા અને સુવિધા વધારશે. વધુ માહિતી માટે ગ્રાહક ઓનલાઈન પોર્ટલ cgrf.guvnl.com ની મુલાકાત લઈ શકે છે.

રાજ્યના ગ્રાહકો વીજ કંપની દ્વારા સ્થાપિત ફરિયાદ નિવારણ સેવાઓ, જેમ કે 24x7 ટોલ ફ્રી કોલ સેન્ટર્સ, મોબાઈલ એપ્લિકેશન્સ, ઓનલાઈન પોર્ટલ, વોટ્સ એપ નંબર્સ, સ્થાનિક ફોલ્ટ સેન્ટર્સ, વેબ ચેટ વગેરે દ્વારા વીજળી સંબંધિત ફરિયાદો નોંધાવી શકે છે. વીજ વિતરણ કંપનીઓની પ્રાદેશિક કચેરીઓમાં ખામી સુધારણા ટીમો સતત કામ કરી રહી છે. જેથી ગ્રાહકોની સમસ્યાઓનું તાત્કાલિક નિરાકરણ આવે.

ટોલ-ફ્રી ફરિયાદ નોંધણી નંબર:

• DGVCL: 1800 233 3003/19123
• MGVCL: 1800 233 2670/19124
• PGVCL: 1800 233 155333/19122
• UGVCL: 1800 233 155335/19