ગાઝિયાબાદમાં પીએમ મોદીનો મેગા રોડ શો નવી દિલ્હીઃ ગાઝિયાબાદમાં શનિવારે વડાપ્રધાન નરેન્દ્ર મોદીના રોડ શોમાં ભારે જનમેદની જોવા મળી હતી. પીએમ મોદીનો રોડ શો સાંજે સાડા પાંચ વાગ્યે માલીવાડા ચોકથી શરૂ થયો હતો અને ચૌધરી વળાંક ખાતે સમાપ્ત થયો હતો. પીએમ મોદી ભગવા રંગની જીપમાં સવાર મળ્યા હતા. વડાપ્રધાન સાથે જીપમાં ઉત્તર પ્રદેશના મુખ્યપ્રધાન યોગી આદિત્યનાથ, ભાજપના ઉમેદવાર અતુલ ગર્ગ અને વર્તમાન સાંસદ વીકે સિંહ જોવા મળ્યા હતા.
ગાઝિયાબાદમાં રોડ શો દરમિયાન લોકોને અભિવાદન કરતા પીએમ મોદી બપોરે 1:00 વાગ્યાથી સમર્થકો આંબેડકર રોડ પર પહોંચવા લાગ્યા હતા. પીએમ મોદીને જોવા માટે મોટી સંખ્યામાં મહિલાઓ અને બાળકો પણ આતુર જોવા મળ્યા હતા. આંબેડકર રોડને 31 વિભાગમાં વહેંચવામાં આવ્યો હતો. જેથી કરીને કોઈપણ પ્રકારની અરાજકતા ન સર્જાય. એક વિભાગના લોકો બીજા વિભાગમાં ન જઈ શકે તે માટે તમામ વિભાગો વચ્ચે બેરિકેડિંગ લગાવવામાં આવ્યા હતા. PM મોદીના રોડ શોમાં લગભગ 6000 પોલીસકર્મીઓએ સુરક્ષાની જવાબદારી સંભાળી હતી.
ગાઝિયાબાદમાં પીએમ મોદીનો રોડ શો રોડ શો દરમિયાન સમર્થકોએ પીએમ મોદી પર પુષ્પવર્ષા કરી હતા. રોડ શો દરમિયાન મહિલાઓ પીળા કપડા પહેરેલી જોવા મળી હતી. ભાજપના મહાનગર પ્રમુખ સંજીવ શર્માના જણાવ્યા અનુસાર, પાર્ટીના મહાનગર એકમના નેતાઓ દ્વારા શહેરમાં બૂથ-બૂથ જઈને લોકોને આમંત્રણ આપ્યું હતું. પીએમ મોદીના રોડ શો દરમિયાન લોકોમાં અદભૂત ઉત્સાહ જોવા મળ્યો હતો. બપોર બાદ જ આંબેડકર રોડ પર લોકો એકત્ર થવા લાગ્યા હતા.
પીએમ મોદીની એક ઝલક જોવા માટે લોકો ઉમટ્યા આપને જણાવી દઈએ કે, ભારતીય જનતા પાર્ટીએ શહેર વિધાનસભાના ધારાસભ્ય અતુલ ગર્ગને ગાઝિયાબાદ લોકસભા સીટથી લોકસભાના ઉમેદવાર બનાવ્યા છે. આજે અતુલ ગર્ગની તરફેણમાં ચૂંટણી પ્રચારનો આ ત્રીજો કાર્યક્રમ હતો. 27 માર્ચે મુખ્યમંત્રી યોગી આદિત્યનાથ ગાઝિયાબાદ પહોંચ્યા હતા અને અતુલ ગર્ગના સમર્થનમાં બુદ્ધિજીવી સંમેલનને સંબોધિત કર્યું હતું. 3 એપ્રિલે રાજનાથ સિંહે અતુલ ગર્ગના સમર્થનમાં જાહેર સભા કરી હતી.
- ઉત્તરપ્રદેશના સહારનપુરમાં PM મોદી પ્રચંડ રેલી, પીએમ મોદીના સંબોધનના ખાસ અંશ જુઓ - Lok Sabha Election 2024
- દિલ્હી સરકારના મંત્રી આતિશીએ ઈડી સમક્ષ 5 પ્રશ્નો મૂક્યાં, પૂછ્યું જે પી નડ્ડાની ધરપકડ ક્યારે કરો છો? - ATISHI 5 QUESTION TO ED
