વોશિંગ્ટન : કેલિફોર્નિયામાં ફ્રેસ્નો પોલીસ વિભાગે બુધવારે એવા અહેવાલોને નકારી કાઢ્યા હતાં કે કેનેડા સ્થિત ગેંગસ્ટર ગોલ્ડી બ્રાર ગોળીબારની ઘટનામાં બે હુમલાખોરોમાંથી એક હતો. લેફ્ટનન્ટ વિલિયમ જે. ડૂલેએ એક પ્રશ્નના જવાબમાં ઈમેલ કરેલા નિવેદનમાં જણાવ્યું હતું કે "જો તમે દાવો કરી રહ્યાં છો કે ઓનલાઈન ફરતા અહેવાલોને કારણે શૂટિંગનો ભોગ બનનાર 'ગોલ્ડી બ્રાર' છે, તો અમે પુષ્ટિ કરી શકીએ છીએ કે આ બિલકુલ સાચું નથી"
હતભાગી ચોક્કસપણે ગોલ્ડી નથી : તેમણે કહ્યું કે સોશિયલ મીડિયા અને ઓનલાઈન ન્યૂઝ એજન્સીઓ પર ખોટી માહિતી ફેલાવવાના પરિણામે અમને આજે સવારે દુનિયાભરમાંથી પૂછપરછ થઇ રહી છે. અમને ખબર નથી કે આ અફવા કોણે શરૂ કરી, પરંતુ તે પકડાઈ અને જંગલની આગની જેમ ફેલાઈ ગઈ. તેણે કહ્યું કે આ સાચું નથી. પીડિત ચોક્કસપણે ગોલ્ડી નથી.
હુમલાખોરોની ઓળખ થઇ નથી : પોલીસે હજુ સુધી હુમલો કરનારા બે માણસોની ઓળખ કરી શકી નથી, જેમાંથી એકનું પછીથી હોસ્પિટલમાં મૃત્યુ થયું હતું. બીજા વ્યક્તિને સારવાર બાદ હોસ્પિટલમાંથી રજા આપવામાં આવી હતી. પોલીસે અગાઉ જણાવ્યું હતું કે મંગળવારે સાંજે લડાઈ બાદ ઉત્તરપશ્ચિમ ફ્રેસ્નોના ફેરમોન્ટ અને હોલ્ટ એવન્યુ પર બંને પર હુમલો કરવામાં આવ્યો હતો.
ગેંગસ્ટર ગોલ્ડી બ્રારનો મોતના ખબર ફેલાયા : બેમાંથી નાની વયનો, જે લગભગ 30 વર્ષનો હોવાનું માનવામાં આવે છે, તેને શરીરના ઉપરના ભાગમાં ગોળી વાગી હતી. તેને ગંભીર હાલતમાં હોસ્પિટલમાં લઈ જવામાં આવ્યો હતો જ્યાં તેનું મૃત્યુ થયું હતું. બીજા વ્યક્તિને શરીરના નીચેના ભાગે ઈજાઓ થઈ હતી અને તેને સારવાર બાદ હોસ્પિટલમાંથી રજા આપવામાં આવી હતી. પરંતુ ગોળીબારના સમાચાર ભારતમાં જંગલની આગની જેમ ફેલાઈ ગયા, જેમાં દાવો કરવામાં આવ્યો કે મૃતક ગેંગસ્ટર ગોલ્ડી બ્રાર હતો.
કેલિફોર્નિયામાં બની ઘટના : યુએસ મીડિયાને સ્ત્રોત તરીકે ટાંકવામાં આવ્યા હતા, પરંતુ વિગતો કાં તો અધૂરી અથવા ખોટી હતી. એક અહેવાલમાં કહેવામાં આવ્યું છે કે કેલિફોર્નિયામાં ફેરમોન્ટ હોટલની બહાર આ વ્યક્તિને ગોળી મારી દેવામાં આવી હતી. કેટલાક અહેવાલોમાં એવો પણ દાવો કરવામાં આવ્યો હતો કે હરીફ ગેંગના નેતાઓએ હત્યાની જવાબદારી લીધી હતી.
- બંબીહા ગેંગ પછી ગોલ્ડી બ્રાર યુવાનોને ગેંગ સાથે જોડાવા માટે બોલાવી રહ્યો છે
- Sidhu Moosewala Murder : પોલીસ ચાર્જશીટમાં ગોલ્ડી બ્રાર મુખ્ય કાવતરાખોર
