નવી દિલ્હી : ચીને ફરી એકવાર શિનજિયાંગમાં બે નવી કાઉન્ટીની સ્થાપના કરીને ઉશ્કેરણીજનક પગલું ભર્યું છે. સતત સરહદી વિવાદ હોવા છતાં દ્વિપક્ષીય સંબંધોને સુધારવાના પ્રયાસમાં ચીનનું પગલું ગંભીર ચિંતાનો વિષય છે. ભારત માટે એ પણ ચિંતાનો વિષય છે કે ચીને બ્રહ્મપુત્રા નદી પર ડેમ બનાવવાનો નિર્ણય લીધો છે.
ચીનની અવળચંડાઈ :ભારત સરકારે આ અંગે કહ્યું કે, હોટન પ્રાંતમાં બે નવી કાઉન્ટીઓની જાહેરાત પર ચીન સાથે "મજબૂત વિરોધ" નોંધાવ્યો છે, કારણ કે તેના ભાગો લદ્દાખના કેન્દ્રશાસિત પ્રદેશ હેઠળ આવે છે. વિદેશ મંત્રાલયના પ્રવક્તા રણધીર જયસ્વાલે કહ્યું કે, ભારતે ક્યારેય આ પ્રદેશ પર ચીનના ગેરકાયદેસર કબજાને સ્વીકાર્યો નથી.
લદ્દાખ વિસ્તારમાં ગેરકાયદેસર કબજો :ભારતે આકરી પ્રતિક્રિયા આપતા કહ્યું કે, નવી કાઉન્ટીઓની રચના ન તો આ વિસ્તાર પરના સાર્વભૌમત્વને લગતી ભારતની લાંબા ગાળાની અને સતત સ્થિતિને અસર કરશે કે ન તો ચીનના "ગેરકાયદેસર અને બળજબરીપૂર્વકના કબજા"ને કાયદેસર બનાવશે.
ભારતે ઝાટકણી કાઢી :વિદેશ મંત્રાલયના પ્રવક્તા રણધીર જયસ્વાલે કહ્યું કે, “અમે ચીનના હોટન પ્રાંતમાં બે નવી કાઉન્ટીઓની રચના સાથે સંબંધિત જાહેરાતની નોંધ લીધી છે. આ કહેવાતા કાઉન્ટીઓના અધિકારક્ષેત્રના કેટલાક ભાગો ભારતના કેન્દ્રશાસિત પ્રદેશ લદ્દાખમાં આવે છે. "અમે ત્યાં ભારતીય પ્રદેશ પર ગેરકાયદેસર ચાઇનીઝ કબજો સ્વીકાર્યો નથી."
પ્રવક્તા રણધીર જયસ્વાલે કહ્યું, "નવી કાઉન્ટીઓનું નિર્માણ ન તો આ વિસ્તાર પરના સાર્વભૌમત્વને લગતી ભારતની લાંબા ગાળાની અને સતત સ્થિતિને અસર કરશે અને ન તો તે ચીનના ગેરકાયદેસર અને બળજબરીપૂર્વકના કબજાને કાયદેસર બનાવશે."
- પીએમ મોદીનો ભારત-ચીન સરહદ વિવાદ ઉકેલવા પુનરોચ્ચાર, મુદ્દાની તલસ્પર્શી જાણકારી
- જાપાનના ફૂકુશિમા ન્યુક્લિયર પાવર પ્લાન્ટે રેડિયોએક્ટિવ પાણી સમુદ્રમાં છોડવાનું શરૂ કર્યુ
