મુંબઈઃવર્ષની મોસ્ટ અવેઇટેડ ફિલ્મો 'સિંઘમ અગેન' અને 'ભૂલ ભૂલૈયા 3' આખરે રિલીઝ થઈ ગઈ છે. બંને ફિલ્મોએ 1 નવેમ્બરથી સિનેમાઘરોમાં પોતાની ઇનિંગ શરૂ કરી છે અને હવે દર્શકોએ પણ X પર ફિલ્મ વિશે તેમના મંતવ્યો લખ્યા છે. તો ચાલો જાણીએ કે કઈ ફિલ્મ દર્શકોને વધારે પસંદ આવી રહી છે.
સિંઘમ અગેન
રોહિત શેટ્ટી દ્વારા દિગ્દર્શિત, સિંઘમ અગેનમાં શાનદાર કાસ્ટ છે અને આ જ ફિલ્મની તાકાત પણ છે. જો રિવ્યુની વાત કરીએ તો કેટલાક લોકોને આ ફિલ્મ ઘણી પસંદ આવી છે જ્યારે કેટલાક લોકો ફિલ્મની સ્ટોરીથી નિરાશ થયા છે. એક યુઝરે કોમેન્ટ કરી - સિંઘમ અગેન સંપૂર્ણ મનોરંજન કરનાર છે, અજય દેવગણે થિયેટરમાં ધૂમ મચાવી છે જ્યારે અક્ષય કુમારે આખી લાઇમલાઇટ છીનવી લીધી છે. ફિલ્મનો સેકન્ડ હાફ ધમાકેદાર રહ્યો હતો. રોહિત શેટ્ટીએ ઘણો મસાલો અને હાસ્ય પીરસ્યું છે, મજા આવી.
જ્યારે અન્ય એકે કોમેન્ટ કરી કે, 'રોહિત શેટ્ટી અને અજય દેવગનની સિંઘમ અગેન દિવાળી ધમાકો છે'. તો અન્ય યુઝરે લખ્યું કે, 'સિંઘમ અગેનને જોવી એ જૂની ફિલ્મ જેવી હતી, તેમાં કંઈ નવું નથી, તેઓ કંઈક નવું કેમ નથી અજમાવતા'. ટ્રેડ એનાલિસ્ટ તરણ આદર્શે સિંઘમ અગેઇનને 4 સ્ટાર આપ્યા છે. આ સિવાય ફેન્સને ચુલબુલ પાંડે તરીકે સલમાન ખાનનો કેમિયો ખૂબ જ પસંદ આવ્યો છે. આ ફિલ્મના અંતમાં છે જેમાં ભાઈ જાનની એન્ટ્રી પછી લખ્યું છે - 'ચુલબુલ સિંઘમ, લોડિંગ સૂન'.