હૈદરાબાદ: વર્ષ 2001માં બોલિવૂડના બે સુપરસ્ટાર શાહરૂખ ખાન અને આમિર ખાને બોક્સ ઓફિસ પર ધમાકો મચાવ્યો હતો. આમિર ખાનની ફિલ્મ 'લગાન' જૂન 2001માં રિલીઝ થઈ હતી અને શાહરૂખ ખાનની ફિલ્મ 'કભી ખુશી કભી ગમ' ડિસેમ્બર 2001માં રિલીઝ થઈ હતી. બંને ફિલ્મો બોક્સ ઓફિસ પર સફળ રહી હતી. બધા જાણે છે કે, ફિલ્મ લગાન અગાઉ શાહરૂખ ખાનને ઓફર કરવામાં આવી હતી, પરંતુ શાહરૂખ ખાને તે ફિલ્મ કરવાનો ઇનકાર કરી દીધો હતો. હવે, શાહરૂખ ખાને ખુલાસો કર્યો છે કે તેણે લગાનને કેમ નકારી હતી.
શાહરૂખ ખાને લગાનને કેમ નકારી હતી?શાહરૂખ ખાન હાલમાં જ આઈફા એવોર્ડ હોસ્ટ કરતો જોવા મળ્યો હતો. અહીં શાહરૂખ ખાને કહ્યું હતું કે, આમિર ખાને લાલ સિંહ ચડ્ડા ન કરવી જોઈતી હતી. તે જ સમયે, હવે IIFA એવોર્ડ્સ 2024 નો પ્રોમો સામે આવ્યો છે, જેમાં શાહરૂખ ખાને ખુલાસો કર્યો છે કે તેણે આમિર ખાન સ્ટારર ફિલ્મ લગાન કરવાની કેમ ના પાડી હતી. શાહરૂખ ખાનના કો-હોસ્ટ વિકી કૌશલે શોમાં પૂછ્યું હતું કે, તમે લગાન સહિત ઘણી મોટી ફિલ્મો રિજેક્ટ કરી છે.